Briketenia (已結業)

餐廳：Briketenia地點：北角匯菜式：日式法菜餐牌：午市套餐包前菜同主菜，同咖啡或者茶。可以加錢要甜品或者升級飲品。主菜10選1，前菜6選1。餐包一客四件，有大有細，外皮烤得香脆，而且暖暖地，最正係個忌廉醬，超滑溜，令塊包超好味！是日餐湯是日餐湯係南瓜湯，服務員先上一個熱既大兜，原來已經有幾粒新鮮菇仔，然後服務員再係你面前加湯。個湯好滑，甜度適中，溫度夠熱。鵝肝焦糖燉蛋配田園沙律 跟餐加$48 另加一呢個鵝肝焦糖燉蛋配田園沙律係餐廳招牌菜式，一定要試試。鵝肝真係用燉蛋兜上，面頭一層焦糖面，同埋加少少紅色酸莓醬。鵝肝好滑溜，配焦糖面真係外脆內滑，而加埋酸莓醬可以稍稍中和油膩感，呢個配搭非常出色。配有四小塊香脆吐司。田園沙律係一碗加左適量沙律醬既沙律雜菜。紅酒燴牛面頰配新薯及蔬菜 $218 另加一紅酒燴牛面頰有三大件，啖啖肉又超淋，好正，仲有筋添。個汁都好入味。面頭灑上蔥花。伴有五條豆角，一片翠玉瓜，一件西蘭花，一片紅燈籠椒同冬菇一片，蔬菜種類豐富。連皮新薯一件開四邊，好易食。香煎時令鮮魚配海鮮忌廉汁 $238 另加一是日鮮魚為鱸魚。鱸魚一大片，煎得皮脆肉嫰，無骨，方便食用，仲有兩隻連殼蜆仔。個海鮮忌廉汁好滑又唔會太重口味，配魚食好夾。蔬菜同紅酒燴牛面頰一樣。另外有好多滑溜薯蓉。熱檸水，凍檸水（跟餐）熱檸水同凍檸水每杯各有三片檸檬，糖水同糖都另上。總括而言，食物質素幾好。入面裝修高檔次，環境舒適，服務員有禮而上菜有效率。Business lunch可以考慮呢度。…查看更多

北角匯商場有不少打卡海景餐廳，今次就來到法式西餐廳Briketenia，於臨海美景下靜享美饌佳餚。餐廳裝修時尚流麗，雲石設計打造低調奢華的用餐氛圍，更顯尊貴氣派，配合昏黃燈光，別有一番醉人格調。露天雅座可以一邊進餐一邊近距離觀賞維港海景，於一片清翠嫩綠中呼吸一口清新空氣，在白天享受陽煦洗滌，柔和海風立時吹走繁囂。來自法國西南部度假勝地Guéthary的BriKetenia在當地擁有米芝蓮一星，嚴選時令食材入饌，不論食材配搭或烹調技巧均講求傳統與創新兼融。午餐時段有Set Lunch供應，包括Appetizer、Main Course及餐飲。點菜後，侍應就會奉上烘得暖暖的自家製餐包，吃起來帶有淡淡的麥香，拌以味道鹹鮮的銀魚柳蛋黃醬。是日餐湯午餐餐湯是南瓜湯，本身已是色彩鮮黃的視覺饗宴。湯頭質感夠creamy，入口香滑又滿有天然甘甜的南瓜味。鵝肝焦糖燉蛋配田園沙律 $48看到焦糖燉蛋還以為是甜品，其實真身是一道前菜，表層糖衣燒得金黃，猶如法式燉蛋變奏，難怪成為店內必點的招牌菜，配合清爽的田園沙律，也可中和膩感。於幼滑香甜的燉蛋加入矜貴的鵝肝醬，鹹甜夾雜更添甘香，口感猶如絲綢般細緻滑順，沾上酸酸甜甜的果醬和薄脆的法包多士，一嫩一脆的質感呈現極端對比。香烤豬扒伴薯蓉及蔬菜 $218 平時食到的煎豬扒通常都是又韌又乾，但這裡的豬扒經過慢煮處理，不怕高溫破壞食材的蛋白質而影響口感。煮至粉紅色的豬扒保留肉汁而油花又不會過重，表面帶炭火焦香，薯蓉口感綿滑，富有濃濃的牛油香。波士頓龍蝦扁意粉伴龍蝦汁 $298紅潤油亮的龍蝦汁留有鮮甜韻味，牽引出蝦鮮香氣，去殼龍蝦夠大隻厚肉，肉質渾圓飽滿，入口新鮮爽彈。扁意粉煮出Al dente輕微韌度的口感，軟硬適中，極易掛上濃稠厚身的龍蝦汁。午餐餐飲自選了凍檸茶和熱檸水。…查看更多