犇道 Chef Ben- Cafe & Steak Bar (弦海) (已結業)

Bookmark咗屯門呢間河畔餐廳好耐，餐廳位於弦海，喺龍門居附近，屯門河嘅旁邊！餐廳環境舒適，設有落地大玻璃望住出面嘅屯門河，另外仲一個大螢幕播住歌，非常之有氣氛！假日真係好適合來呢度感受下閑情逸致，一邊欣賞河畔景色，一邊喺呢間悠閑嘅餐廳度食下嘢傾下計，感覺非常寫意～是日廚師發辦牛扒 (大約7oz)配薯菜💰HK$138呢度係一間Cafe兼扒房，梗係要食下呢到嘅牛扒，所以就點咗是日廚師發辦牛扒，而今日嘅廚師發辦牛扒就係西冷牛扒！我地叫咗5成熟，一切開牛扒入面嘅顏色仲係好粉嫩嫩，食落有牛味，肉質亦好夠淋！旁邊嘅粗薯條亦都好香脆，呢到嘅薯條仲可以免費添食添呀～每個餐都設有日餐湯配麵包，今次嘅餐湯就係粟米湯，而麵包似係自家整嘅蕃茄味軟包，將個軟包點埋粟米湯一齊食更加好味～跟餐熱飲免費，朋友就揀咗熱檸檬茶，比較養生～BBQ豬肋骨配薯菜 💰HK$128燒烤醬味道甜甜地，啲肉醃得好入味，入口軟腍，而且容易甩啲肉出來，切嘅時候唔需要太費力～ 薯菜除咗薯條之外，仲有杏鮑菇，紅蘿蔔等等，有返啲蔬菜可以中和下食肉嘅飽滯感～假日追加3款小食💰HK$52小食我地揀咗骨附腸、 辣雞翼、蔥花蛋卷！辣雞翼皮脆肉嫩，蔥花蛋卷蛋香十足，骨附腸味道幾特別～芒果生椰乳特飲💰HK$29面頭有少少芒果肉同柚子肉做點綴，將底下嘅芒果汁撈勻，飲落去仲食到啲西米，成杯特飲嘅感覺就好似重椰汁味嘅芒果西米露咁，味道清甜～朱古力心太軟加雪糕 💰HK$48一切開啲朱古力漿就流晒出嚟，香濃嘅朱古力味加埋雲呢拿雪糕一齊食，仲有埋一冷一熱嘅口感，唔會太甜同埋令人覺得好漏，食埋呢個甜品之後，成餐飯真係令人心滿意足哂～…查看更多

放假踩單車去到屯門，經過一間係屯門河邊嘅餐廳，覺得環境都唔錯，就走入去試吓。▪️蕃茄海鮮湯 +沙律 $18蕃茄味十分濃郁，另人想一口接一口咁飲。沙律菜清新爽口，配搭埋酸酸甜甜吧黑醋，越食越開胃。▪️炸魷魚圈3件 $28魷魚圈炸得幾好，唔會好厚粉，炸得好香脆，有外脆內軟嘅感覺，再點埋沙律醬食可減低肥膩咁，幾好食。▪️是日廚師發辦牛扒配薯條 $171▪️薯條加配松露沙律醬另加 $5廚師每個禮拜都會揀選一款特別嘅部位比大家，讓大家嘅味蕾都帶來新鮮感。今日試呢個係牛肩胛位置，叫咗三成熟，牛扒肉汁都幾多，口感方面有少少咬口又帶點嫩滑，整體都唔錯。薯條炸得夠脆又好味，再點埋個松露沙律醬一齊食就更加惹味，比起就咁食冇咁熱氣，建議大家都加 $5 叫呢個醬試下。呢度嘅薯條係可以免費添加㗎，太惹味了我都忍唔住叫多round 😋▪️白朱古力熱情果凍餅 $38熱情果嘅酸味比起白朱古力嘅甜味更突出，食起上嚟唔會好甜，啱晒唔鍾意太甜嘅我。▪️復活節優惠啤酒買一送一 $78餐廳現時啤酒喺Happy Hour 2-6pm, 8-12pm做緊買一送一，約埋朋友嚟呢度對住河景飲返杯都夠晒Chill 。▪️凍檸檬茶呢度嘅凍檸檬茶/水係用啤酒杯裝，夠晒大杯，飲晒仲可以免費添飲㗎。總結：食物方面都唔錯，薯條同檸檬茶可以免費添食添加，餐廳真係夠晒大方，淨係呢樣都抵讚；至於餐廳對住河景環境都唔錯；呢度仲係車友們嘅補給站。…查看更多

趁復活節假期拎多幾日大假，無得去旅行周圍搵野食。今日去到屯門弦海樓下犇道試一試，入座有窗口位，對住河邊食飯加埋舖頭新開無幾耐，感覺都幾chill。今日兩公婆叫左：和風全日早餐 $128好足料，每樣少少，加埋都食到好飽是日廚師發辦牛扒 $168牛扒7成熟 入面仲粉嫩 好有牛味 薯條勁脆凍檸茶超級大杯 仲可以無限添飲 不過我地飲左一杯已經夠皮另外仲叫左個玄米桂花茶，好有花香味😂最後甜品仲叫左心太軟，朱古力味香濃，可惜唔太流心下次去開屯門可以encore!…查看更多

犇道以前係一間主打牛扒嘅小店，後來轉型賣急凍食材/材料包，到上年嘅年尾，佢哋終於開返一間餐廳，開咗喺龍門居附近嘅新屋苑——弦海～ 新店嘅食物種類比以前多元化，舖位大咗好多，連裝修風格都唔同咗～ 有個落地大玻璃望住屯門河，嚟食飯定cafe咁飲杯咖啡都唔錯😌 •🥢 是日廚師發辦牛扒 $141是日嘅牛扒係牛側腹肉，侍應話呢個部位嘅牛味濃啲，肉質淋啲～ 我哋叫咗5成熟，但嚟到切開發現應該過咗5成，但肉質亦未算韌，而且牛味都真係幾濃郁～ 牛扒表面煎得唔錯，都有啲焦香，配搭燒汁幾惹味，但牛扒本身調味都足夠 ，所以唔點汁都好食👍🏼 配菜有翠玉瓜同甜椒，焗完加少少調味，都幾好食～呢個本身都配埋薯條～•🥢 厚過我塊面皮日本軟滑漢堡包配薯條 $107呢個漢堡真係幾厚！不過係日式漢堡扒會比較腍同鬆散，唔使點咬都得😂 勝在幾juicy~ 但個人嚟講都係比較鍾意美式漢堡扒🙈 呢個漢堡用咗芝麻包，兩層都包都搽咗牛油同烘過，漢堡嘅整體調味適中，加埋芝士同沙律，整體都唔錯～薯條係粗身，中間有薯仔蓉，表面灑咗啲鹽，亦配咗茄汁，但我哋最後係點咗魷魚圈配嘅蜜糖芥末醬🤩•🥢 馬蘇里芝士蕃茄醬烤大雞扒紐倫堡腸配白飯 $81雞扒好大塊又幾厚肉，煎得幾香，但就唔算好滑，雞扒面頭嘅芝士焗到半溶，好有誠意😍 蕃茄醬幾濃，仲有啲蕃茄肉，好開胃，幾啱配飯食😋紐倫堡腸就正正常常～•🥢 是日濃湯+沙律 +$18Lunch menu可以加錢追加湯+沙律/麵包，但當日就得返沙律～是日濃湯係蘑菇忌廉湯，雖然見到+飲到啲blend到好碎嘅蘑菇，但蘑菇味唔係幾出，忌廉味比較濃郁，爭咗少少🤏🏼至於沙律就用咗黑醋汁嚟撈，食落酸酸味幾開胃，啲菜都新鮮嘅，正常發揮～•🥢 炸魷魚圈 配自家蜜糖芥末醬 +$28另一個小食揀咗炸魷魚圈，一份有3件，感覺都唔太抵🤔 魷魚圈炸皮比較厚，入面嘅魷魚好幼，而且好腍😢 但蜜糖芥末醬幾正，最後拎咗嚟點漢堡嘅薯條😌•🥢 接骨木花芒果雪糕梳打特調 +$16(跟餐半價)其實都唔太知接骨木花係咩味，不過呢杯飲落幾清新，上面加咗一球芒果雪糕，芒果味幾濃，雪到好凍所以唔會好快溶，不過最好早啲食晒雪糕先，唔係飲到最後攪勻會有啲藥水味😛•🥢 鮮檸檬茶 凍+$3呢杯凍檸檬茶跟餐都只係加$3，但免費添飲，一開始以為飲完再加店員加，點知上枱真係比佢嚇親，真係超級大杯，大過一部iphone 11！味道嚟講就係正常嘅茶餐廳檸茶～🤣 但真心好抵飲嘅～…查看更多

舊店嘅火山牛丼令人一試難忘，新店行扒房+cafe路線，試試佢嘅 是日廚師發辦牛扒 ($138)，雖然係細細舊牛扒，但係好厚身，切開仲有澎湃嘅肉汁流出，牛扒中心位置都處理得好好，食落脂肪唔多，肉味濃厚，塗上一小塊香草牛油更加香濃😋牛扒本身都夠嫩滑juicy，伴碟嘅燒汁酸酸甜甜可以用嚟餸飯 🤤烤西班牙火腿併盤爐端燒 ($88) 有4款ham、煙三文魚同幾款芝士，將ham放喺網上微微烘熱後就會變得軟熟，仲聞到陣陣脂香🥓簡單得嚟都幾特別🧀 加$22就有甜品 法式焦糖布丁瑪德蓮貝殼蛋糕配雪糕 ，脹卜卜嘅Madeleine 賣相好靚，而且焗過嘅外皮好香脆，入面充滿牛油香，原味嘅Madeleine搭配朱古力醬或者海鹽雪糕都好正❤️就咁飲杯玫瑰咖啡☕️望住窗外河景都幾chill😌…查看更多