阿來東南亞風味

我一直都幾中意食泰國菜，香口惹味，是日我嘅泰國癮又起了😛阿來金磚豆腐 （$68）呢個真係幾好味，外皮鹹香惹味，有芝麻香，一咬開塊豆腐入面竟然好軟滑嫩口，襯熱食就最滋味啦😌星馬蛋黃雞翼 （$68）佢用單骨雞翼呢點好抵讚，好方便食～ 鹹蛋黃香味濃郁，真係超級邪惡啊😝 但始終佢係油炸，所以係雞翼表面都比較油～泰式酸辣無骨鳳爪沙律 （$58）呢個鳳爪完全去骨，食落啖啖肉～ 鳳爪酸辣味都夠重，又夠爽口，仲要份量好多😂 食極都仲有～椰青 （$35）食泰國菜點可以唔配番個椰青飲下呢～ 椰青水甜度足夠，食完重味嘅食物用嚟解辣解油膩一流啊～ 飲完椰青水仲可以食入面嘅椰青肉，不過就唔係個個椰青嘅肉都容易刮啦，要睇運氣😆😆總結，試左幾款小食都唔錯，可以一試😊…查看更多

某日經過廣華街朋友推薦我食呢間阿來泰菜望一望 餐廳外觀明明係茶餐廳 點會有泰國菜帶住疑問入去 再望一望menu發現呢到確實係一間泰國餐廳一入去店員已經好親切推薦左幾樣招牌比我地 咖哩軟殼蟹火山包 ($138)賣相已經相當吸引 適合打卡味道方面咖哩夠惹味但係唔辣大人小朋友都會容易入口食唔到太辣既朋友都可以挑戰下食耐少少先會再feel到多d辣咖哩入面加左蛋 令個質感更香滑面包吸收左d咖哩汁 變得好軟好入味個軟殼蟹炸得金黃色 新鲜熱辣再加埋d咖哩汁 好送飯同朋友叫左個白飯share繼續食d炸軟殼蟹星馬蛋黃雞翼($68) 值得一讚係佢用單骨雞翼表層有鹹蛋黃包住 一咬好多肉汁蛋黃味突出 都幾好味 同埋夠特別炸蝦餅($68)味道同質素正常 推薦大家食雞翼多d呢到係一間港式口味既泰菜 性價比唔錯大家經過可以一試…查看更多

朋友成日話有間餐廳嘅鹹蛋黃醬整得好好食，講左好耐，終於有幸等到佢帶我去食😋😋星馬蛋黃雞翼 $68佢推介嘅必點之選🤗一黎到見到顏色真係幾靚😍一咬落去好香脆，而且咸蛋黃醬香濃、味道鹹香，確實好好味👍🏻👍🏻果然無介紹錯😉泰式鮮蝦炒金邊粉 $54碟金邊粉好靚，由蛋做嘅網包住。金邊粉炒得乾身又好味，而且配料好足，蝦好大隻又彈牙😋泰式炸蝦餅 $68熱辣辣，朋友心急，一咬就辣親咀😂蝦餅炸得香脆，蝦肉彈牙👍🏻yummy馬拉盞炒芥蘭 $58味道不錯，唔會太咸，而且芥蘭爽嫩…查看更多

今日去左旺角廣華街探朋友，晚飯時間就跟佢呢個地膽去附近開飯。佢帶左本兔去附近呢間〈阿來東南亞風味〉，話有風味又唔貴。所以入面都座無虛席，我哋都要等兩張枱先有得入去食。😅😅😅好在等嘅時候已經可以喺門口嘅餐牌睇定想食乜，一入座就可以即刻點菜，慳返不少時間。〈星馬蛋黃雞翼〉餐牌上有👍，當然要試試！！熱辣辣嘅單骨雞翼沾滿鹹香香嘅黃金蛋黃醬，夠曬香口又惹味，超邪惡的！！😈😈😈〈串燒沙嗲（豬肉，雞肉各半）〉燒到香噴噴嘅雞肉及豬肉串燒淋上濃郁嘅沙爹醬，yummy〈燒豬頸肉黑豉油乾撈粗麵〉男友人淨係食頭先兩樣小食唔會夠飽，所以佢點左呢個好有特色嘅撈粗麵，本來我都唔打算食的，點知嚟到先發現好香，結果我都分咗少少嚟食。爽滑嘅粗麵完全冇梘水味，加埋甜甜地嘅黑豉油撈起上嚟別有一番風味，再加埋肉質結實不肥膩嘅豬頸肉，好快就已經食碗食曬。〈蒜蓉炒椰菜苗〉本兔食飯又點可以冇菜菜椰菜苗夠晒清新爽脆，值得一讚係通常依個菜式都會炒到勁咸，但〈阿來〉炒的，味道就啱啱好，一啲都唔鹹，加埋生蒜同黃金蒜就啱啱好。〈鹹檸七（右），青檸梳打（左）〉夏日炎炎，當然要飲埋這兩款飲品先舒服解暑，透心涼呢~~總結：地膽朋友果然沒有介紹錯，夠曬風味又唔貴…查看更多

與友人經過油麻地，肚仔餓想食泰菜。Openrice 左呢間餐廳評價頗高。行到去見到餐牌都好抵食，不過Lunch 時間好多人，都等左一陣先有卡位坐。餐廳係茶餐廳格局，都幾熱鬧下。喇沙湯麵都唔錯，湯底濃。但係略嫌唔夠辣，可能就返香港人口味滷豬脾燜得幾腍，近皮部份入口即融。相當不俗。肉骨茶味道可以，但賣相一般。蛋黃雞翼香脆內軟，佢選擇切一半炸，似finger food，易入口，亦都好入味👍🏼👍🏼👍🏼冬蔭公湯好足料，泰式香茅辣味加上淡淡的椰香，精神為之一振。…查看更多

晚上在油麻地吃泰國菜，這家餐廳裝潢很樸實，類似茶餐廳的格局，設卡位和圓台，由於星期五晚的生活很旺，所以搭檯是常識吧？翻開餐牌，餐廳主要提供星馬泰的菜式，價錢實在，不設加一服務費。⭐️泰式酸辣無骨鳳爪沙律$58加入蘿蔔絲、蔥等配料，再加上調味料，吃起來酸酸辣辣，十分開胃。無骨鳳爪省卻了吮骨頭的麻煩，吃起來非常便利，鳳爪爽脆彈牙的口感很棒，雖然酸甜，但愈吃愈辣呢！⭐️星馬蛋黃雞翼$68蛋黃單骨雞翼炸得香脆，裹了蛋黃醬，咬下去盡是綿軟鹹香的蛋黃。香脆的雞皮和柔嫩的雞肉，多重口感融合在一起，令我欲罷不能，一連吃了好幾隻，如果嫌不夠味，還可以沾碟上的蛋黃醬。⭐️滷豬髀喇沙米線$48看見黃澄澄的湯頭，就流口了！嚐一口湯頭，湯頭香淡，很順口，但沒有想像中那般香濃，豬髀肉質較結實，若果換成雞腿我會更喜歡。⭐️炒芥蘭$58選擇了清炒芥蘭，健康的選擇。⭐️椰青$20清新解渴，很棒喔！…查看更多

最近去旺角陪朋友看模型，在廣華街見到依間泰國餐廳，門面光猛，而我一向都喜歡吃泰國菜，那就入去品嚐一下美食啦！餐廳裝修簡約明亮，乾淨整潔，感覺舒服。餐牌上有多款二人套餐，另有招牌小菜、海南雞、海鮮、咖喱、飯類、黑鼓油乾撈粗麵、喇沙、湯金邊粉、炒菜、特式小食、甜點及飲品等，款式很多。星馬蛋黃雞翼     $68潮流興食蛋黃製品，這碟散發著陣陣香氣，雞翼是單骨，方便易食，讚！ 溶溶的蛋黃加上雞翼的香脆，太美味可口了！泰式鐡板蠔仔蛋    $78大大粒蠔仔，煎得剛剛熟，口感嫩滑。香味四溢的炒蛋，與蠔仔味道很配合，而且份量頗多，加上鐡板可以保持熱度持久效耐，令食物更熱更美味，真的不錯。馬拉盞炒通菜     $58醬料豐富的炒通菜，有蝦米、蒜蓉、蔥頭等，炒得很有獲氣，越吃越起勁，非常惹味。下午茶餐 - 滷豬髀喇沙米線     $38滷豬髀肉質軟淋不韌，滷水很入味，加上濃郁的喇沙湯底，以及米線的爽口，這碗惹味的湯米線，真的不錯。餐飲 - 荔枝梳打酸酸甜甜，少少氣泡，冰爽解膩，好飲。椰汁三色冰    $22濃濃椰汁香，滑嘟嘟的彩色粉條，軟滑爽口，美味。7喜     $14冰冰涼涼，清爽解渴，不錯。…查看更多

今晚想2人世界，行完波鞋街見到間泰國菜就試下，叫左個2人餐C $398簡直係4人餐既分量好滿足呀泰式鮮蝦冬陰公湯有4隻大蝦好足料，個味岩岩好唔會好辣，好似係泰國飲個隻味泰式海南雞雞肉好嫩滑，仲配左2款醬泰式醬同港式薑蔥，可以食到2種口味脆炸馬來豆卜釀蝦膠第一次咁食將蝦膠釀入豆卜再炸左，蝦膠好彈牙加埋豆卜好香豆味，配以泰式甜酸醬，不錯咖哩炒軟殼蟹軟殼蟹唔夠脆口但勝在咖哩唔太辣，好多配料芹菜、青紅椒、洋蔥……最特別係加左雞蛋，每到個咖哩更加香濃飛天通菜加左辣椒有小小辣但好香口跟餐有2碗白飯，淨係叫左1碗飯加左$10轉蒜蓉包，有4塊蒜蓉包仲要每塊既牛油蒜蓉一點都不少，香脆之餘仲好濃味青檸梳打另外仲叫左依到必食既～星馬蛋黃雞翼$68香濃既蛋黃沾滿每隻雞翼，啖啖都食到蛋黃香，雞翼做左單骨，岩哂我地lady一啖一隻最後食埋個泰菜必食甜品，椰汁西米糕$48濃滑既椰汁西米糕仲加左芋頭令口感更加豐富…查看更多

廣華街一帶有唔少地舖食肆, 今晚同朋友突然來個沒有計劃之下既飯聚, 路經廣華街就隨意搵左間餐廳醫肚。呢間餐廳平日入夜時份已經幾旺, 繁忙時間會安排搭檯; 呢間餐廳主打泰國菜, 但餐廳格調似港式茶餐廳。野食款式多, 價錢亦不算太貴, 除左散叫亦有二人餐選擇, 套餐合我地心水, 所以就直接揀【二人餐】HK$228【泰式海南雞(例牌)】估唔到例牌份量都幾多, 海南雞雞皮金黃不帶瘀黑, 賣相已經很吸引! 每件海南雞已被去骨, 沒有肥油層, 肉質就連雞胸位都非常嫩滑, 點上海南雞醬汁, 味道更加昇華! 呢個套餐跟兩個飯, 有海南雞我地當然揀油飯啦!油飯粒粒分明, 但唔係生米粒果種, 好軟熟, 微微油香味, 而不會過油, 正!【星馬蛋黃雞翼】雞翼表面有粉粉地既鹹蛋黃包住, 表面幾油, 蛋黃味很突出, 雞翼keep到豐富肉汁【飛天通菜】炒得幾有穫氣, 加左辣椒粒炒, 當辣椒粒連埋通菜食, 係有少少辣, 夠惹味!【三色冰】椰汁味幾出, 唔會過甜另外再散叫左【炸蝦餅】HK$68呢款炸物表面唔會油膩, 夠香脆, 蝦餅鮮甜彈牙, 值得一試!!!餐廳全日免加一, 價錢亦不算太貴, 對於快食而不是嘆環境既餐廳黎講, 絕對係驚喜, bookmark 一定會再黎!依然回味緊海南雞呢!…查看更多

今晚去到旺角嘅煙廠街附近， 天氣開始轉得較為清涼一點， 我們 四處逛逛附近的小店， 行到近廣華街那裏搵食， 見到有阿萊東南亞泰菜， 之前喺太子試過 幾抵食而且味道唔錯。 荔枝梳打$22 次次食泰菜都飲青檸梳打，今次一於試新嘢。非常唔錯， 荔枝梳打好夠氣好夠凍， 飲到最後都 仲有氣而且唔會淡。椰青(+$20)椰青水好清甜， 冇個種酸酸地嘅青澀味。 而且裏面嘅肉更加甜滑。 泰式柚子蝦沙律$68 平時想食有時都大費功夫， 而家可以成盤柚子肉， 仲撈入乾蔥頭，炸蒜，其他香料同好多泰式蝦米仔， 口感豐富惹味。 反而隻蝦冇咩鮮味。海南雞飯$51價錢親民， 預料份量會好細。 竟然有驚喜雞件都算多。 雞皮爽滑雞肉肥美， 估唔到仲啖啖肉， 沾上特製秘製海南雞醬， 係越食越開胃。 仲有個雞油飯， 唔會好油且有好香嘅雞湯味， 軟熟香甜。 馬拉盞炒芥蘭$58芥蘭嫩綠冇苦澀味， 馬拉盞唔會太鹹， 同樣都係有好多泰式蝦米， 風味十足。星馬蛋黃雞翼$68薄薄嘅一層鹹蛋黃漿包著炸雞翼， 非常甘香惹味，唔会好咸或者好乾， 雞翼熱辣辣裏面仲好juicy。 好美味嘅小食。餐廳越夜越多人， 似乎好多都係街坊街里嚟開餐。食物價錢大眾化， 店員也好好招呼， 希望下次再來 試其它菜式。…查看更多

這是和他的最後晚餐..係食我地最中意嘅東南亞口味黎到旺角 可以黎下阿來 星馬泰嘅菜式都有我地先點左個每日限量嘅肉骨茶 ($78)藥材味同肉味混和得啱啱好 味道十分香濃之後叫左個阿來海南雞飯 ($51)雞肉好嫩滑 配上油飯係一流的味道至於呢度最特別就係咖喱軟殼蟹火山包 ($138)隻軟殼蟹真係有拳頭咁大隻㗎配上惹味出眾嘅咖喱 令人不停繼續食啊！最後叫咗個星馬蛋黃雞翼 ($68)呢款雞翼鑊氣十足 而且鹹蛋味十分出眾🤤________________________裝修環境：✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂…查看更多

同屋人去了這間新開不久的星泰菜餐廳，餐廳主要以泰菜為主，星菜為次。炸物普遍都高質，炸得香脆又不油膩。脆炸馬來豆卜釀蝦膠豆卜炸得香脆有咬口，蝦膠爽彈足料，而且不油膩，是必食之一。阿來金磚豆腐豆腐外脆內嫩，口感幼滑，而且碟底不會有剩油，加上泰式酸甜醬更開胃。海南雞例牌海南雞已去骨，啖啖嫩滑雞肉，雞皮未算爽滑，但油脂不多，而油飯充滿雞油香味，加點葱油更香。星馬蛋黃雞翼超級邪惡的單骨雞翼，雞翼炸得鬆脆不乾，表面沾滿了咸蛋黃，入口蛋黃香氣撲鼻，不過比較油膩。飛天通菜通菜爽脆帶點辣，炒得翠綠。有套餐而且散叫都是幾十蚊，價錢便宜，不過人多可以試多幾款。…查看更多

琴日去了旺角做嘢，中午時天氣不好無乜胃口本來不想食嘢，見到呢間新開張「阿來東南亞風味」門面幾企理，廚窗的菜式亦好吸引，所以去試下，果然幾好手勢，值得係呢度推薦一下！「阿來金磚豆腐」呢味炸豆腐係飯前小食。每件豆腐都好顯刀工地切成長方條狀，一口一粒。係脆中帶少少鬆化的薄皮內，包著好嫩滑的豆腐，入口即溶，而又不覺油膩，認真值回票價！「馬來蛋黃雞翼」（2件）呢道小食係好有心機的製造。雞翼一分為二然後才拿去醃製，咁可以減少雞翼需要油炸的時間，令到肉身炸得剛好熟透而蛋黃外皮不至於炸到黑晒。蛋黃外皮好香滑濃郁，而且不油膩，可見廚房的手勢真係一流！無食正餐的我食了「金柚子鮮蝦沙律」。呢味沙律絕非一般泰式餐廳的沙律可比較！呢碟柚子粒粒都多汁鮮甜，鮮蝦亦爽口彈牙，中間伴以細細地炸蝦乾、洋蔥、香蔥，口感味道都非常好，酸中帶甜，簡直將呢排的陰暗天氣的胃口差一掃而空！「椰汁三色冰」呢杯凍飲椰味十足，絕不兒戲。碎冰之中撈起黃、紅的果粒，仲有綠色的啫哩(被我吸晒影唔到😅) ，為呢個短暫的午餐劃上完美句號。…查看更多