Nara Thai Cuisine (新城市廣場)

營業中

休息中

約左朋友喺沙田食飯，咁啱又想食泰國菜，於是就揀左呢間過江龍Nara Thai。揀餐廳黎講。除左食物質素之外，環境舒適都好重要，坐得舒服真係會由本身好食變得更好食。 今次order左大蝦柚子沙律、泰式生蝦、黃咖喱軟殼蟹同埋明爐黃梨肉碎蒸烏頭。因為唔特別肚餓，所以都無叫太多野食。 先黎一個大蝦柚子沙律，大蝦爽口，柚子清甜，真係好醒胃。然後就係食泰國菜幾乎必叫叫泰式生蝦，無咩想發表，好食。黃咖喱軟殼蟹嘅咖喱真係好黃，配合剛剛炸起嘅軟殼蟹，熱辣辣好香口。（其實我地叫左薄餅要黎點咖喱汁，但係無影相）明爐烏頭同生蝦一樣都係泰國菜嘅signature之一，有明爐熱住條魚再加上酸酸地嘅湯汁，好惹味。

上次喺尖沙咀食過姊妹店 ʟᴀᴅʏ ɴᴀʀᴀ 覺得食物質素不錯又坐得幾舒服，今日心癢癢想食泰菜就決定試埋 ɴᴀʀᴀ ᴛʜᴀɪ。基本上兩間餐廳提供嘅泰菜選擇差不多，但 ʟᴀᴅʏ ɴᴀʀᴀ 有再供應西式餐點如意粉、薯條、ᴛɪʀᴀᴍɪsᴜ等，ɴᴀʀᴀ ᴛʜᴀɪ 則只有供應泰菜。🔸前菜小食 - 蝦片 $15🔸泰式豬肉炒河粉 $98呢個見唔少人推介專程叫嚟試吓，果然有驚喜！最鍾意豬肉片唔似平時一嚿嚿厚切，薄薄地好嫩滑。河粉同樣夠薄唔厚，煙韌彈牙，整體唔會太重口味太油膩。🔸泰式炒通菜 $68ᴍʏ ᴀʟʟ ᴛɪᴍᴇ ғᴀᴠᴏᴜʀɪᴛᴇ 炒通菜，翠綠爽口份量足。🔸明爐黃梨肉碎蒸烏頭 $268蒸魚推薦一定要簡有明爐燒，一路食都保持住熱辣辣特別好味。呢款湯底口味比較清淡少少，飲落帶微微酸味，建議加湯一起享用更滋味。🔸芒果糯米飯伴椰奶 $88泰菜最具代表性嘅甜品點少得芒果糯米飯，份量不少記得要留肚。🔹海鹽焦糖泰式奶茶 $42雖然平時泰式奶茶已經好甜似乎唔應該再揀有焦糖的版本，但當日就係心血來潮好想試吓呢個組合係咩味🤣雖然冇得叫少甜但係甜度比想像中低，感覺都唔錯，唔會係飲完起晒痰嗰種。

鐘意去泰國的朋友仔，相信對呢間餐廳一定唔會陌生，連續多年被「Thailand Tatler」 讀者票選為泰國最好的餐廳之一，食物質素當然有番咁上下，聽講用餐時間成日一枱難求！今晚終於有機會到沙田店品嘗一下，我地兩個就點左三款菜式🤩🍜泰式牛肉船麵 泰國船麵湯底濃郁惹味😋唔會好鹹 辣辣地 除左有牛𦟌、牛肉片、牛丸之外，配料仲有炸豬皮、豬肉丸等等 牛𦟌都炆得幾嫩入味 🤤仲有牛丸都唔錯 整體幾好食😍份量2個人食剛剛好，金邊粉麵質爽滑完全吸收晒湯既精華，好入味！鐘意食牛🐮的朋友必食之選！✨🥬泰色炒通菜 泰式炒通菜永遠唔會令人失望，通菜好嫩不油膩，如果怕食得太辣都可以揀少辣，咸咸香香少少辣夠晒惹味😚🐟明爐黃梨肉碎蒸烏頭烏頭本身都唔多骨好有肉感，魚肉完全唔腥肉質鮮嫩，而湯底用咗大量蘑菇肉碎去熬湯味道清甜好鮮味，我地都忍唔住飲左碗湯先開始食魚，魚肉都可以點特別調配嘅泰式酸辣醬 ，確係好味道👍🏿☺️