申子居酒屋

營業中

休息中

🏮居酒屋環境昏暗 啱哂夜晚同朋友食個晚餐傾吓計🍶▪︎ 蓬松玉子 $108中間蛋醬呈半熟狀態 配上沙律醬、燒汁、葱花同拉絲芝士🧀 雖然無想像蓬松嫩滑 但都做到綿綿口感▪︎ 極上鹽燒牛舌芯 $128牛舌芯爽口彈牙 表面帶少少焦香 簡單配上岩鹽🧂、芥末醬同檸檬 🍋 令牛味更加特出▪︎ 汁燒蒜片牛柳粒 $128醬汁濃郁惹味 牛柳粒頗重牛味 但放耐咗之後肉質就有少少嚡▪︎ 明太子芝士山藥 $68一向都幾鍾意明太子配山藥哩個組合 今次仲要配埋芝士🧀 更加邪惡～▪︎ 日本大蔥 $18 /串大葱外表烤得酥脆 但內部依然保持鮮嫩香甜

天氣凍❄️唔想淨係打邊爐咁悶, 食居酒屋有得嗌暖笠笠嘅熱鍋同埋串燒/燒物/食事等唔同花款嘅野, 感覺仲開心d 香港嘅居酒屋不二之選係申子💛 一排無黎個menu又有新菜式 冬天係食蠔嘅季節🦪 我地揀咗廣島蠔鍋係有超鮮甜奶白湯底, 蠔肉飽滿爆汁仲要唔腥, 全靠大蔥、大白菜同本菇, 吸哂湯汁超好味🍄洋風雞肉卷又係新菜式, 去骨雞髀肉卷住漬牛蒡紅蘿蔔🥕好工整, 漬物唔過鹹反而有爽口口感, 連埋完整雞皮燒香咗後加嘅甜甜照燒汁, 面頭灑上白芝麻完成度100分💯芝士雜炊都係一樣暖笠笠嘅選擇🍚 黑松露香氣十足, 撈勻嘅時候芝士拉哂絲咁好吸引🧀 雞肉做雜炊都唔會煮到好柴燒物方面, 牛舌芯係一貫嘅高質, 厚厚嘅骰仔size令到佢燒完仲係外焦香內多汁🐮明太子芝士山藥嘅口感好豐富, 山藥爽脆而芝士軟腍, 明太子醬好惹味😗最後食返個豚肉卷住爽脆露筍嘅串燒🐷, 就非常完滿了💛呢間居酒屋真係慶祝嘅不二之選, 總係會心思思不時返黎睇下有冇新野 雖然價錢稍高, 但慶祝真心一流

申子居酒屋 @shinkohk 越做越好淘小姐每次黎都覺得好有驚喜☺️今次淘小姐點嘅大部份都係之前冇食過⭐️ 薘松玉子表面睇佢係好大份嘅蛋食落裏面原來有融化咗嘅芝士外滑內軟仲帶煙靭口感面頭仲有大阪燒嘅酸甜汁同埋沙律醬酸酸甜甜好開胃⭐️ 申子新卷申子新卷材料豐盛上面除左三文魚蓉同三文魚籽其實仲有海膽架而壽局飯入面就包住炸三文魚皮啖啖都好鮮味⭐️ 極上鹽燒牛舌芯牛舌芯係必點item除左牛舌芯本身嘅質素高簡單用鹽同檸檬汁調味就超好味不得不提旁邊嘅柚子鹽同蔥花點少少一齊食層次再昇華⭐️ 幼鰆魚店員為我地介紹呢款幼鰆魚刺身魚味十分濃師傅仲特別炮製酸汁鮮味就更突出⭐️ 水母刺身十分之爽口好得意嘅口感而且今次嘅份量都好多食到夠好滿足⭐️ 芝士酒盜唔係度度都有得食酒盜芝士所以見親都會嗌🤭如果有餅乾或者麵包一齊食就好冇嘅話就嗌多杯酒一齊嘆下⭐️ 明太子芝士山藥翻兜再翻兜嘅明太子芝士山藥山藥爽口但黏滑嘅口感明太子嘅味道十分突出記得燒好立刻趁熱食！⭐️ 日式雞鎚花蝦最後追加嘅櫻花蝦真係萬眾期待因為撞啱繁忙時段都等咗一段時間不過淘小姐話比大家知絕！對！值！得！因為佢真係好～好～好～好～味🥹🥹🥹冇諗過櫻花蝦同雞肉係咁夾㗎剛剛炸好

申子居酒屋係我地其中一間鍾意去既居酒屋，今日黎開旺角就過黎食埋飯😌▫️蜜柑鯛 ($248) 每次黎都會望下牆上special menu睇下有冇啲特別野，今次見有蜜柑鯛就叫左份😋有12切，新鮮的，點上酸汁食會更有味道，唔需要點豉油同wasabi。▫️最中餅 ($208)賣相特別，好似鯛魚燒咁。出面係薄脆片包住三文魚籽、吞拿魚蓉同牛油果蓉，味道咸咸地，口感又脆又軟。▫️明太子芝士山藥 ($68)明太子同芝士炙燒過好香，加上爽口既山藥都幾好食。▫️海膽炒飯 ($238)炒飯炒得乾身鬆化粒粒分明，除左有海膽仲有三文魚籽同蟹籽，飯入面亦有帶子粒同菇仔，好豐富！呢到既環境係幾似日本啲居酒屋，有好多唔同大小既擺設、掛畫。

今次介紹嘅係一間喺旺角嘅居酒屋，店主親自去日本向一個申子婆婆拜師學做料理，之後就開咗呢間餐廳。男店主特別聘請一啲更新人士，因為自己都係過來人。 店舖主打炸物、丼飯、串燒等，好多食材都係日本直送，而且仲提供任飲清酒嘅套餐。-預約🧍🧍🧍如果係食晚市基本上都一定要book位，當日係食星期日夜晚，大概係星期五打電話去book位，但餐廳都接近full，答覆我只有夜晚6:00或9:00有位，所以如果食晚市建議大家早啲book位。而餐廳午市都會營業，會有啲比較經濟啲嘅餐單。-環境🪑裝修以深啡色為主，都有日本居酒屋嘅感覺。有兩層，首層有吧枱，大概有六個位，第二層就有兩張卡位同埋幾張枱，大概有30個位。環境偏暗，如果影相會比較唔夠光。-1️⃣極上鹽燒牛舌芯 💰 108 （👅: 8.5/10）牛舌非常爽口彈牙，因為係攞牛舌嘅芯，如果係牛舌既側邊嗰啲會好韌，牛舌芯先會有舌頭嘅脂肪喺入邊，所以一定係最軟嫩嘅部份，而且每粒牛舌芯個份量都夠大，真正既厚切，食落口感非常滿足，牛味充足但唔會過鹹，聞到牛嘅香味，將牛舌芯既油脂燒到入哂味。個人覺得係成間鋪其中一樣最好食嘅菜式。已側邊都有提供檸檬同海鹽、葱粒去自行做調味，加咗

申子飯($88)，用蛋白打成雲狀，賣相係幾特別，將蛋黃汁撈埋飯一齊食真係好滑，口感較清淡，可以加飯素紫菜既配料食落更加惹味。三重芝士吉列千層豚肉($228)，熱辣辣上菜d芝士已經湧緊出來，夾起有超強芝士拉絲效果，簡直令人流口水，外層皮好簿好鬆脆，而且唔油膩，內裏熱辣辣既豚肉，溫馨一提，一定要趁熱盡快食，否則芝士凍左會固定變硬，口感冇咁好食。明太子芝士山藥($58)，上層係經過火炙燒過既軟綿綿芝士，下層雖然不知係咩食材，賣相似籮白，但口感咬落比籮白更加爽口。軟芝士黑豚卷($32/每串)，用豚肉包住芝士去燒，肉汁滲入芝士到，鐘意食芝士既一定食唔停口。極上塩燒牛舌芯($108)，切成菱形一口牛舌，方便食用，仲係厚切有咬口，牛舌既獨特油脂香味出晒黎，我覺得淨係加少少塩已經好好味，此菜式亦提供自家調製醬料，我試過有少少柚子既味道。手打免治雞肉棒($45/每串)，雞肉棒點落個醬油雞蛋汁好滑，而且冇咁熱氣，入面食到有咬口既口感，相信應該係加入左雞軟骨。

宵夜時間嚟到旺角其實有好多選擇，但要搵一間坐得耐嘅餐廳又唔係好多，呢度係一個好放鬆可以傾偈嘅地方，一路食嘢一路吹水吹到半夜凌晨都絕對冇問題😍➡️ 申子飯 ($88)上菜嘅時候真係wa左聲！打成泡沫嘅蛋白中間仲擺咗隻流心嘅蛋黃，蛋下面有啲炒飯，當佢撈埋啲好似棉花糖嘅蛋白同埋蛋黃嘅時候，濕濕地好好食，配埋紫菜更加夾！又特別又抵食！➡️ (三重芝士)吉列千層豚肉 ($228)估佢唔到咁大份，賣相已經非常吸引，炸得好靚。一夾開第一舊，最期待嘅畫面出現了，d芝士拉絲拉到超長，證明勁足料！大力推介比芝士控！➡️ 極上鹽燒牛舌芯 ($108)牛舌燒得超級入味，每一舊都好有牛味，超有咬感，配埋啲鹽、柚子醬、蔥花好鬼正！➡️ 軟芝士黑豚卷 ($32)切到好薄嘅豚肉包住啲芝士一齊燒，一啖放入口，入口即溶。➡️ 厚切煙肉車厘卷 ($26)經典嘅一個串燒配搭，車厘茄好甜，中和翻油膩嘅煙肉，所以食落唔會好油，反而好fresh!➡️ 明太子芝士山藥 ($58)食落好爽口嘅山藥，加上芝士同明太子，配搭好獨特，可以一試。➡️ 厚豆腐 ($38)個皮炸得好脆，配上獨特嘅醬，酸酸地辣辣地，好開胃。➡️ 手打免治雞肉棒 ($45)賣相雖然

有時經過旺角都會見到呢間好有特色嘅居酒屋，望落感覺好高級，而且每次都有好多人排隊。嗰日星期日晚上大概8:30，去到都有成10幾人喺門口等緊，我哋兩個行完街決定試吓攞位，睇吓等唔等到入去食。大概等咗半個鐘就有得食啦😍入到去嘅環境真係好似日本咁樣，好似去咗旅行咁，我哋坐咗喺一樓嘅吧枱。環境都好寧靜，而且全部員工都好有禮貌好好人。鹽燒雞翼～我哋好鍾意食呢啲一串串嘅燒物，雞翼香口，皮脆肉嫩。而且雞翼骨已好細心咁剪開左一半，好方便我哋食。呢一個明太子芝士山藥好有驚喜！我冇諗過山藥都可以咁襯香濃芝士味。山藥好爽口，配埋軟熟的明太子芝士離奇地夾。免治雞肉棒都好唔錯，配埋一個醬油雞蛋特別香滑。呢一個日式醬油炒飯都令我哋好有驚喜！看起來平平無奇嘅炒飯，但係每一粒米都沾滿咗醬油，而且配埋當中嘅配料例如菇類青蔥等等，簡單得來又炒得好乾身，好入味。呢個係申子嘅必點美食！三重芝士千層豚肉卷！賣相已經超級吸引呀😍廚師好細心咁將豬肉片捲起，製造出好豐厚嘅口感。加上超級多嘅芝士，製作出軟綿綿嘅芝士軟心，配上日式醬汁同埋美乃滋，真係邪惡得來有好滿足呀！鍾意食牛舌嘅朋友必點呢一個牛舌心！每粒都好厚切，好有咬口，配埋佢旁邊

呢間居酒屋我前前後後幫襯左好幾次，水準好穩定，而且客似雲來，通常都要book左先有位Lunch Set好抵食，因為第二個lunch set 半價。不過如果你要食串燒，小食，最好就5pm後先去，而今日就想介紹下佢哋嘅串燒鹽燒牛舌芯 ($108) 好好味，推介推介👍🏻👍🏻👍🏻！好𣺉，有入口即溶嘅感覺，而調味有2種選擇 -海鹽&柚子胡椒 (個樣有啲似芥末)，柚子胡椒有淡淡柚子味，唔會好辣，不過就幾鹹，其實本身份量多啲，不過忍唔住係咁食，食到差唔多尾聲先記得影相😅😅😂😂汁燒蒜片牛柳粒 ($98)牛柳粒好𣺉同入味，牛柳唔會好肥，不過我都係鍾意牛舌多d明太子芝士山藥 ($58)有驚喜，山藥本身味道唔重不過爽口，配上芝士同明太子，有口感，有味道，比較新鮮嘅配搭吉列千層豚肉 ($228)一層芝士一層豚肉，個皮都炸得都好脆，真係好好好多芝士，芝士控一定鐘意總括而言，食物質素相當唔錯，性價比高，所以回頭率相當高！

經過旺角看到這家日本店，感覺不錯，便入內試試。挪威三文魚洋蔥卷 $98這個十分清新！原來三文魚配洋蔥也好吃的！醬汁有點像柚子味般清新，和三文魚洋蔥的味道都很夾。拖羅壽司 $108一件是的！一件都不便宜的！但吃了後整個人都融化了...已經忘記了價錢的問題，是入口即融的拖羅油脂充滿口腔，好好吃。燒油揚豆腐 $48味道有點像豆卜，然後在燒的時候塗上燒汁， 味道甜甜的，配上薄薄的豆卜，不錯。明太子芝士山藥 $58山藥就像淮山，沒什麼味道的山藥配上芝士和明太子也好吃。點了三碗燒物：秋葵 $19大蔥黑豚肉 $32大蔥配上黑豚肉很夾，一口一口很快就吃完。活白鱔 $69白鱔很好吃，魚肉質有彈性，而且不會腥。極上鹽燒牛舌芯 $92這個也十分好吃呢！通常吃又是都是切開一片片，而這款牛舌就是一粒粒的來煎。燒得很香，灑上檸檬汁後再沾上旁邊的椒鹽，就更是好吃！醉人西尾抹茶雪榚（配威士忌) $98最後當然少不了甜品，這間好像很出名西尾抹茶，所以我們也點了一個西尾抹茶雪糕配上威士忌。先將威士忌倒進裝滿抹茶粉的杯，用上沒茶搞棍攪勻，快速攪拌後再倒進雪糕內。愛酒人士必定喜歡。今次只吃小吃為主，下次有機會再來吃主食。