山下見日式料理

除了新都會和葵芳廣場，原來相約葵芳地鐵站5至10分鐘路程，xx街一帶有很多餐廳小店，山下見就是其中一間。山下見店面樸素，座位不多，一至兩人食客或需要坐吧枱或高枱。因為小店經營，侍應有限，餐牌有溫馨提示，提示食客要預早下單，預留時間給廚房準備食物。意外地食物很快送上枱面，侍應亦非常親切。廚師推介晚市定食，有多款選擇，我選擇角切魚生丼。除丼附送小食及麵豉湯，質素和份量都很不錯。另外單點了一些熱門美食，最滿意是黑松露鯛魚薄切！🐟🌼 份量非常多，鯛魚味道清淡，配上濃郁的黑松露醬，再沾上酸酸的柚子醋，味道有層次和開胃。明太子玉子燒🍳，愛層蛋皮煎得香脆，內層蛋卷香軟。夾在內層的明太子和紫菜，豐富了蛋卷的味道。最後口痕點多了一碟北寄貝壽司🍣，$12兩件，要多幾碟都不肉赤。山下見餐廳雖小，環境衛生企理，菜式種類及質素絕不馬虎🔥，店員由親切細心，價錢💰亦是同類餐廳的一半，性價比極高有驚喜！…查看更多

之前其實都黎過兩次，不過都因為條隊有d長而無食到，今次終於都食到🤤星期六晚去，4個人大約都等左30分鐘左右，比想像中快，叫左蟹籽沙律、芝士年糕x2、明太子玉子燒、海膽海鰻卷、油甘魚大蔥手卷x4、十貫極上壽司x2，蟹籽沙律好多蟹籽好足料，芝士年糕熱辣辣好好食，明太子玉子燒好juicy，海膽海鰻卷稍為有少少失色，海膽個咪俾鰻魚汁個味搶左，油甘魚大蔥手卷都好好食！十貫極上壽司就真係cp值好高，壽司都係偏高質，但只係$168👍🏻絕對絕對可以encore😍…查看更多

「山下見」相信好多人都有食過特色真係平民價錢食到滿足質素不錯既日本野每次黎到必叫菜式~🥗蟹子沙律🥗個人好鍾意呢度嘅蟹子沙律~首先分量十足，一定夠兩個食，佢嘅醬汁撈得好勻循， 啖啖都有醬汁，唔會乾爭爭好juicy，青瓜同蟹聊肉都好平均好足料，你唔會覺得淨係食青瓜， 最中我心係佢入面加左芝麻， 芝麻嘅香口感再加蟹子鮮口感， 覺得比起出面同樣都係平價壽司嘅蟹子沙律，呢一度嘅滿足感高好多另外個人推薦都係一定要叫就係🍳玉子燒🍳呢度既玉子燒真係算係係香港食過最好味咁68蚊有鰻魚玉子燒同埋明太子玉子燒，今次試下明太子玉子燒玉子燒方面係我食過最軟熟又軟淋淋嘅口感， 入面望落有啲似滑蛋， 但食落又有啲似梳乎里咁樣，又軟又香， 新鮮整好熱辣辣，入口有蛋味濃郁~高湯和風味道慢慢散發~之後有甜味~再配合足料濃沃明太子， 又鹹又辣，真係每次食都好滿足😋另外點左🐟~京蔥油甘魚卷~🐟味道正常但冇乜好特別， 京蔥同油甘魚其實係夾，油甘魚味道一般， 唔算特別鮮，男朋友覺得京蔥味太濃， 食唔到油甘魚味， 個人覺得飯同魚比例差少少，入口就食到一嚿飯多過卷物， 但味道上都係好好味，但因為感覺飯多左少少就冇咁滿足， 但我好鍾意佢有啲芝麻喺外面，多咗一份好有層次既口感本人叫咗🍚角切粒粒刺身丼🍚其實以佢呢個平民價錢食海鮮丼飯係好吸引而且好滿足， 唯一嘅缺點係飯多過海鲜， 比例上都唔算太過份， 阿細食嘅女仔會真係食唔曬啲飯，而且係變左食飯而飽肚， 同埋啲飯好黏， 一舊舊咁， 個人就唔鍾意啲咁黏嘅壽司飯但係講返海鲜方面，其實佢非常之足料， 三文魚好大粒而且食落都肥美， 上面混合咗兩種唔同嘅蟹仔，都好新鮮， 層次感好高~每一啖食到唔同嘅魚類， 食得出都係高質嘅魚生， 同埋中意佢玉子燒同埋青瓜唔會好大粒， 唔會搶咗啲魚生嘅味道， 呢個價錢嚟講其實都食得好滿足，又飽肚同埋好好味缺點就係舖頭都係比較細， 枱都唔係好大，一叫太多嘢就要快啲食曬啲嘢， 如果太多人一齊聚會就唔係太方便，兩個人普通食下嘢其實都可以， 整體而言，以平民價壽司講滿足好高😘…查看更多

#黃色經濟圈 💛🤩$168 十貫omakase 係邊到搵呢個set真係超抵超值，件件都好出色，又新鮮又夠厚，自己最鍾意嘅係兩件三文魚，真係好肥美！比較可惜嘅係呢一日冇左口魚😂係其他foodie到見到左口魚等我仲好期待...🤩鐵板牛肉煎鵝肝卷 $88牛肉油香好重好正，鵝肝都好香，一啖放晒入口真係不得了，雖然有啲heavy🙊🙊但我係最愛呢種重口味🤤😕明太子玉子燒 $68太鹹太鹹太鹹了！玉子唔錯，但明太子真係鹹到... 食一舊飲一杯水...👍🏻其他食物小食都唔錯，整體都好高分，同性價比超高！Kind reminder: 餐廳冇得book位，要係門外排隊，星期五晚19:30到差唔多等左30分鐘。仲有餐廳係cash only，撳定錢去😉…查看更多

山下見嘅嘢食選擇唔算少，當中一啲菜式亦喺同類餐廳中較為罕見，例如黑松露鯛魚薄切 ，鯛魚非常鮮甜，即使同味道重嘅黑松露一齊食都唔會完全失去魚味。常見嘅明太子玉子燒則驚為天人，玉子燒得非常軟嫩完全唔會過熟，每咬一口明太子同蛋汁就係口中爆發，非常滿足！而係每日推介嘅十色刺身丼同燒牛柳粒便當都正評無伏，每款刺身都好新鮮，而燒牛柳粒則熟度剛好，加上香蒜粒惹味到停唔到口，就連便當小菜嘅中華沙律同腐皮都好食，推薦！山下見鋪仔細細人手唔多，但店員服務周到有禮貌，食物質素又高，就算要等都可以體諒啦！…查看更多

今晚與朋友去慶祝生日，還好有訂位，7點半門外已排滿人，有等位的、等外賣的。先試玉子燒上枱是還有煙，令味道在熱力下踴現。牛肉燒蠔卷絕對令人食完會掛住。食物質素高，價錢合理，絕對值得再食…查看更多

玉子燒係甜口味再加少少明太子的鹹香！又唔會好乾，整得好好食！雜錦海鮮炸物食左兩舊先記得影相新鮮炸，大大份，又好食又抵！希靈魚出面試過食過有啲好酸好奇怪但佢地呢個都幾好食，味道啱啱好！另外，仲叫左個鰻魚便當唔記得影相大大份，有前菜，有埋麵豉湯！兩個人食到超飽，埋單都唔洗$300，好抵！…查看更多