L.D.K. by Ufufu Café (德福廣場)

明太子忌廉蛋包飯 $102真心必點 item 😋睇張相都知道佢既炒蛋係非一般既滑溜 周邊既明太子忌廉醬食落好香濃 混合蛋同飯一齊食係絕配 食落都幾有驚喜🤩 入面用左蕃茄炒菇菌做飯底 份量頗多 食到最後有啲膩同埋個醬汁鹹左小小 但整體都算出色🌟評分: 8/10 …查看更多

餐廳裝修簡約，屬於連鎖食肆，主打西日菜式。只要惠顧主餐牌內既主食，就可以加$28升級做晚餐，晚餐可選湯或沙律，同埋甜品。餐湯明太子忌廉蛋包飯平時食開咖哩口味既蛋包飯，今次試一試新野，明太子忌廉口味，忌廉汁好creamy，加埋明太子，口感更豐富，蛋包飯既蛋好滑，同明太子忌廉汁都幾夾。經典和牛漢堡和牛都算幾大塊，可能煎得太耐，咬落唔算juicy，但肉質都腍。隨碟仲附上沙律菜同薯角。迷你香蕉芭菲朱古力雪糕加上忌廉、香蕉片和脆米，口感豐富，份量亦剛剛好。…查看更多

九龍灣呢一間分店都幾大，可以坐卡位❤️幾舒服！今次三個人食咗三種唔同口味嘅蛋包飯，老實講，我覺得以蛋包飯來講，佢又未去到日本嗰種好流身好鬆軟，外面微固體，一切開流曬蛋漿個種咁高級，Ldk都係以滑蛋感覺係面only ，未到神級咁好食，但係都滑身，重蛋香～今次覺得最好食就係吉列豬扒蛋包飯，佢豬扒雖然唔太厚身，但係炸得幾香脆，皮唔會過厚，但就硬身左少少，夾埋咖喱汁啱啱好，入邊唔係白飯，而係有醬汁炒過嘅飯，所以都算味道幾有層次，總括嚟講，其實成個飯都有70分以上，只係佢個價錢差唔多有$160，就覺得有啲貴，性價比唔太高， 不過大商場入邊都預咗呢個價～另外我都叫咗忌廉明太子蛋包飯，成$100一碗但係其實無蔬菜肉類🙈剩係得個醬汁，所以其實食落都幾悶，醬汁第一啖係唔錯，有香滑忌廉味同明太子海鮮的味道，但稍嫌明太子有少少腥，我哋三個人一齊share食就覺得岩岩好， 你一個人食晒一碟應該都會覺得幾悶同埋幾重口味。最後叫咗一個芝士蛋包飯，我覺得呢一個同明太子蛋包飯有少少類似，都係以醬汁為主，冇肉類或者蔬菜配搭，所以其實識落都好有少少寡，同埋都算係最重口味，因為佢個醬汁本身都係偏向咸，加埋上面嘅芝士，其實都幾Heavy 🙈🙈🙈不過佢又唔會話難食, 冬天食都幾唔錯，我覺得唔好自己一個人食晒一碟，因為冇其他餸配搭真係會好悶，如果你幾個人食幾種口味一齊share，我覺得成件事都幾開心，如果可以再平少少咁樣性價比就高啦～…查看更多