Cakebearbear

營業中

休息中

呢間坐落喺北角嘅人氣打卡cafe，相信好多人都聽過，今日我哋專誠過嚟搵熊仔打卡！😍位置非常之容易搵，就係喺炮台山地鐵站出，唔使行5分鐘就到！我哋叫咗兩個set dinner ，同埋一份甜品，全部都好打卡able!🤭🍝明太子忌廉大蜆意粉$138意粉嘅份量好足，一碟意粉配上8粒大蜆，啲蜆食落有驚喜😍好鮮甜！而且配上嘅醬汁好多，一啲都唔乾！🫕炙燒芝士帆立貝海膽醬意大利粉$165雖然只係得一粒帆立貝，但好厚肉，鋪滿芝士，有微微焦香，出面好少地方會用海膽醬，稀杰度剛好，微帶鮮甜，好特別！🍧熊仔雪花冰：阿華田雪花冰$102熊仔雪花冰簡直係佢哋餐廳嘅誠意之作，佢有唔同嘅層次，最抵係有布甸🍮，然後再配上雪花冰朱古力醬🍫同埋粒粒麻糬🍡，俾你食落去每一啖都有唔同嘅口感層次感好豐富，可以睇得出呢一間餐廳係花咗好多心思去設計呢一個甜品呢！

🎀 Dinner Menu（主菜 + 咖啡，另外加錢升級至其他飲品） ✨ 明太子忌廉大蜆意粉（$132）蜆嘅份量都比較多，圍成一圈十分吸睛 😆。意粉Creamy，食落都唔錯～ ✨ 香草燒汁羊架配薯蓉（$145）（轉甜蕃薯條 +$8）➡️（$153）大概7成熟，羊肉保有爽口口感帶有少少羊羶味，食羊我個人喜好要有少少羊羶味，所以呢個都比較合我口味；甜蕃薯條岩岩炸好上枱幾香口。✨ 伯爵茶慕絲熊仔蛋糕（$60）瞓緊覺嘅啤啤造型十分可愛，食落伯爵茶味幾濃唔太甜。 ✨ 初戀（跟Dinner Set +$45）係士多啤梨奶，仲加咗一粒熊仔冰，成杯粉色系十分滿足到少女心 🫣。我哋要求咗少甜，覺得甜度岩岩好。✨ 榛子咖啡（跟Dinner Set +$16）同樣要求咗少甜，榛子味道唔算太突出；店主幫我畫咗一隻啤啤，相當可愛 🫶🏼。 ·Cakebearbear係由蛋糕網店起家，多款餐點以啤啤造型為亮點，店內亦有不少啤啤公仔以及裝飾，十分滿足少女心 😆。店舖位於非大街，環境相對較寧靜。·🧾 需加一服務費💰 $446

呢間熊仔Cafe我已經bookmark左一段時間 今次十二月尾同屋企人一齊去試下 多啲人可以叫多啲野食 仲因為係聖誕假期 餐廳出左個聖誕套餐 幾抵食 出左地鐵站街5-10分鐘左右就會到餐廳我地叫左個二人聖誕套餐 前菜係忌廉芝士煙三文魚沙律 食落好新鮮 會另外上個胡麻醬俾客人 個醬食落好開胃 同個沙律菜好夾 仲有個前菜黑松露鵝肝多士 有兩客 都幾大塊 味道唔錯主菜揀左明太子忌廉大蜆意粉 賣相好靚 大蜆圍住意粉咁擺盤 擺得好有心機 大蜆既份量有好多 隻隻都好大隻 仲要好厚肉 食落鮮甜冇沙 意粉食落好重明太子味 條條意粉都好掛汁 勁Creamy另一個主菜揀左紐西蘭無激素草飼肉眼牛扒 呢個另外要加五十蚊 我地揀左五成熟 肉眼牛扒煎到岩岩好 食落好淋身好有肉汁 牛扒係厚身好大塊甜品係睡眠熊慕絲蛋糕 有兩隻味可以揀 白熊係伯爵茶味 啡熊係芝士味 餐廳所有甜品都係自家制 我地另外加左$68蚊試埋佢地既朱古力雪糕窩夫 睡眠熊仔慕絲蛋糕會係窩夫上面 岩晒打卡 熊仔我地揀左伯爵茶味 成份窩夫加埋熊仔 賣相好靚 窩夫好大份 但係食落係淋身既窩夫 如果係脆身會更加好食 伯爵茶熊仔好重伯爵茶味 呢個幾有驚喜 值

cakebearbear 系一間以熊仔做主題既cafe 每張枱都放左隻公仔 而且有間房系全粉紅色 少女心大爆發👏🏼🍝明太子忌廉大蜆意粉 $132賣相同餐廳裝修一樣咁粉紅🥰明太子醬味道濃郁 帶微辣 面頭仲有蟹籽蜆都幾大隻 食落清甜意粉粗身 軟硬適中 幾掛汁🐏香草燒汁羊架配薯蓉 $145羊架好肥美 切落去就feel到好腍🤭就咁用啲鹽 胡椒 香草去燒已經好夠味on side有個燒汁 甜甜地 比多個口味大家🐮和風牛舌 +$12主食加12蚊就有個小食 都幾多塊 好抵丫 呢個冷盤張牛舌醃製過 小小辣🐻芝士慕絲熊仔蛋糕 $58好打卡丫 訓教熊仔勁cutie☺️慕絲綿滑 芝士味都重🥃橙汁 +$5🍵Camomile Tea +$5💭作為Cafe 裝修精緻不在話下 食物水準都高 價位合理 岩曬黎chill下

Cakebearbear | 北角今次嚟到北角打卡呢間用熊仔做主題嘅餐廳🧸未入餐廳門口已經俾門口嘅熊仔吸引咗，餐廳嘅裝修風格都好少女心💗仲有唔同造型嘅熊仔俾大家打卡架🧸餐點選擇都唔少架，除咗主打嘅自家製甜品外，餐廳亦有提供lunch/dinner set，會奉送即磨咖啡/熱茶，想打卡亦可以加錢轉其他特色飲品🍹今次我地就試咗dinner set同甜品😋🐻朱古力麻糬窩夫配睡眠熊伯爵茶慕絲蛋糕 $140 招牌打卡甜品📸朱古力窩夫即叫即整，外脆內軟，入面仲加咗煙煙韌韌嘅麻糬，口感一流🤤熊仔造型嘅伯爵茶慕絲蛋糕賣相精緻，質地軟滑入口帶有濃厚嘅伯爵茶味👍🏻睇得又食得😌🐻明太子忌廉大蜆意粉 $132擺盤好有心機咁用啲大蜆圍住碟邊，排到好似朵花咁，非常igable🤩蜆嘅份量都幾多而且食落冇咩沙👍🏻粉紅色嘅明太子醬好creamy，撈埋意粉食就啱啱好🤤🐻炙燒芝士帆立貝海膽醬意粉 $165橙紅色海膽醬鹹甜鹹甜，非常香濃creamy，每一條意粉都沾有海膽醬架👍🏻帆立貝都幾大粒，面頭鋪咗滿滿嘅芝士🧀味道不錯🤤🐻熊仔造型冷泡茶(跟餐+$16)桂花烏龍味嘅冷泡茶，桂花味頗突出，非常解渴👍🏻熊仔樽身非常可愛，打卡必備