皇后冰廳

最近朋友搬到長沙灣，拜訪一下順便出門吃個晚飯～朋友特別推薦這間冰廳，強調它的餐點大件抵食，幾乎每星期都會吃一次，今日特地帶我來試試！——————————🔸香煎鵝肝配紐西蘭肉眼扒 $118加配$12是日餐湯+田園沙律朋友說一直未敢試這道菜，怕卡路里爆標，剛好今日我來就決定點來share！鵝肝煎得剛好，外脆內油潤；肉眼扒大塊薄切，入口軟熟不韌。搭配惹味燒汁，不錯。🔹日式黑豚肉漢堡 $58漢堡套餐大大份，黑豚肉嫩滑，包身鬆軟；配菜有薯條之餘，居然有地瓜條，熱辣辣又清甜～🔸特色雞中翼 $12/兩隻雞中翼炸得香脆，外層炸粉不會太厚，加上甜甜的蜜糖，好食😋…查看更多

長沙灣道同東京街交界嘅轉角位置有一間餐廳，前身係759車仔麵，經過親都冇興趣想食🙈。不過早前終於轉咗手，變成另一間店「皇后冰廳」。午餐時份我較少行嚟依邊，但呢日下晝攞咗假去$50戲院睇戲，睇戲之前就決定喺度醫肚仔😛。餐廳名叫冰廳，令我一直以為係茶記，但原來係食西餐嘅。小店面積唔大，不過環境都算四正，餐枱闊落，冷氣充足，食客坐得舒服！另外，我仲留意到呢度有兩盞好靚嘅水晶吊燈✨。如果要簡單形容呢餐，我會話係「性價比高、味道不俗」。食物索價好抵，但質素絕對唔求其，並無退而求其次👍。藍青口海蝦天使麵($148/超值二人餐)，今餐我哋兩條友唔小心地食咗三人嘅份量😳。因為二人餐可揀麵、扒或者薄餅其中一款，但我就無諗過揀麵會係一人一碟🍝。好彩天使麵幾好味，麵條煮得彈牙，忌廉汁唔笠，而且仲有好多配料添，包括每人三大隻蝦同青口🦐、洋蔥絲以及菇菇。日式黑豚肉漢堡($58)，🍔漢堡賣相吸引，麵包皮係黑色的，估計加入咗黑炭製成🖤，麵包質感軟熟，但烘邊應該會更正。餡料份量多，包括主角黑豚肉、蕃茄同生菜，🐷豚肉超大件，而且燒得幾香，肉質又唔韌。醬汁採用麻醬，食落有少少日系風格。另一邊廂，配菜有粗薯條🍟，佢亦都炸得好鬆脆，好食過連鎖店多多聲。辣汁煙三文魚(跟二人餐)，老實講上菜嗰刻我真係唔知呢碟係乜嚟，因為只係見到好多醬，紅色一片。🍣煙三文魚食得多，但配辣汁食就比較少見，其實夾埋食係幾惹味🌶，而三文魚本身嘅質素亦唔錯。但我建議餐廳調味可以輕手啲，或者將個汁另上，始終未必個個人都食得慣重口味。白汁芝士焗四蔬(優惠價$18)，廿蚊唔使嘅焗時蔬可以去邊度搵？雖然係小食，但絕不欺場，佢焗完熱辣辣拎出嚟，🧀芝士有拉絲嘅效果。四蔬包括西蘭花、椰菜花、車厘茄以及雞髀菇，雙花配白汁芝士食冇得輸🥦。是日餐湯及田園沙律(優惠價$12)，單點食品有唔少加配嘅選項。🥗田園沙律大大碟，沙律菜新鮮，麻醬又夠多；而忌廉湯就幾有驚喜，首先係夠熱🔥，第二係味道濃郁，仲加咗好多腸仔粒，以提升鹹香。飲品方面，我哋分別要咗凍阿華田(+$3)同奶茶紅豆冰(特飲半價後$16)。兩者味道都係合格有餘，並冇溝到淡晒🥤，而且幾大杯。二人餐包飲品，但其他單點食品就要另外加配。總括嚟講，有時唔親身體驗過，真係隨時會錯過正嘢，呢間Cafe絕對令我眼前一亮‼️。食物方面，無論味道、份量、價錢以至選擇都令人滿意😋，佢將會成為我嘅午餐飯堂。店員服務亦都親切有禮，會主動收碟。如果格硬要我搵樣嘢彈嘅話，就係估唔到二人餐嘅甜品係得雪米糍囉，一心以為有布甸食㗎嘛，哈哈，講笑啫🤣。最後，我上載埋餐廳嘅完整餐牌以供參考🙏🏻。…查看更多

前幾日去長沙灣探位老人家，她介紹我們到附近新開的皇后冰廳，這間是港式茶餐廳，款式多價錢又抵，而且又啱我們口味，當然要吃個 tea 啦！冰廳裝修並非一般的餐廳，而是都幾豪華，天花掛上水晶吊燈，閃閃亮亮，時尚雅致。餐牌上的食物種類甚多，有愛爾蘭N2生蠔及法國生蠔、皇后Pizza、自家製牛角包、美國肉眼扒、鵝肝、意大利粉、焗飯、湯麵、小食、特飲等，選擇非常多元化。香煎鵝肝(配紐西蘭肉眼扒)    $98紐西蘭肉眼扒都幾大塊，牛味香濃，肉質鮮嫩，吃起來好有肉汁，鵝肝入口即融，好 creamy，配合雙色薯條，炸蕃薯條及炸薯條，薯味濃郁，香香脆脆，口感非常豐富。套餐升級特飲(半價) + $19  椰子沙冰沙冰造型可愛，口感軟綿綿，椰汁味非常香濃，冰冰涼涼，消暑解渴。日式黑豚肉漢堡    $58以蔬菜汁製作而成的漢堡包，健康美食，漢堡外皮脆脆的，咬起來很軟綿綿，餡料除了有黑豚肉，另有番茄、生菜，蔬菜翠綠鮮爽，黑豚肉味道特別香濃，肉質好鮮，而且好有肉汁，特別好味。這款都是配上炸蕃薯條和炸薯條，雙式薯味都好濃厚，香脆可口，讃！套餐升級特飲(半價)  +  $19  芒果沙冰同樣都是沙冰，不過這杯是芒果味，帶有啖啖芒果香，軟綿的沙冰，口感清新。法國選生蠔    $20/隻海水味濃郁的法國生蠔，少少鹹，整個生蠔充滿海洋的味道，法國生蠔是較細少，但蠔肉新鮮，好滑溜，好好味。   …查看更多