ラーメン松壱家

營業中

休息中

《ラーメン松壱家》鹽味豬骨拉麵 🍜📍銅鑼灣登龍街40號地舖登龍街d食肆競爭大就一眾街坊都知，近來仲開左檔兩餸飯，令競爭更趨白熱化。呢間店係我第一次來，第一印象係 d 座位安排得唔舒服，佢完全冇吧枱位，只有普通4人枱，碰啱 lunch time ，好似我咁一個人食就點都避不免要同人搭枱，第一印象分扣左先。一坐低，見到點餐紙上面，用筆人手修改左個價，比原價平左好多，拉麵由8x-9x統一減至68，沾麵由11X-12X統一減至105。正常邏輯，減得價就一定係生意難做，如果生意好就加價都黎唔切啦，所以食之前我都心裡有數。食評如下：香味 (2/5)一聞落去，除左基本嘅豬骨味之外，聞到少少油益味，令到個香味打左一大折扣。湯 (2/5)佢有醬油豬骨同鹽豬骨，我點鹽豬骨係因為我想食到更清楚嘅豬骨味，唔想醬油蓋過左豬骨味，點知，就算係鹽豬骨湯，豬骨嘅存在感都係薄弱。濃度係夠，可惜過鹹，越食越辛苦，所以難以飲晒d湯。連埋少少油益味，呢個湯係唔合格。麵條 (3/5)我叫左幼麵，偏硬，咁佢係呈現到偏硬細麵嘅狀態，食得過啦。配料 (3/5)豬叉燒係唔錯，幾夠香，滷得夠味，又夠腍。呢款麵係配鵪鶉蛋，所以唔會預期好似

登龍街，食店林立，揀間拉麵試試，松壱家(其實到依家都唔識讀佢個名)個門面幾靚，入到去簡單擺設，燈光唔錯各大派系拉麵都有做，各做一碗，鹽味、味增、醬油、雞湯，仲有黑蒜油，拉麵同湯底可以微調黑蒜油軟幼麵濃湯豬骨拉麵，上枱好香黑蒜油，其實叫黑蒜油好穩陣因為本身已經好香好濃味啲配料有少少亂，撈埋一齊，先試湯底，都算濃，豚骨湯，黑蒜油味濃，味道唔算太有層次或鮮味但都好味既幼麵掛湯無問題，夾埋幾好食，叉燒肥瘦ok但好似無燒，如果燒香啲會正好多餃子正正常常，都煎得唔錯既，好味終極雞湯濃湯粗軟拉麵，賣相其實吸引，雞湯真心唔夠濃唔夠味，雞白湯要多啲其他料/鮮味帶起佢先夠濃，但依個唔夠即刻尋找調味配料，好彩佢有蒜泥！加落雞湯即刻豐富啲，成個麵好味左個麵有配鵪鶉蛋，唔係難食但當然半熟蛋正好多，整體碗麵都唔差既整體來講其實都算好味既不過係有啲港人/中式口味，唔夠日本主打既鮮，反而多靠調味/蒜味，但又會好食既，所以見仁見智啦，如果你追求既唔係好日式傳統味道而係一碗好味既拉麵，其實都好ok#專心做死一兩款可能更好#其實港式啲又有咩唔好

之前同阿肥有個不明文協議,就係要食勻哂成條登龍街嘅拉麵店,呢一晚我哋就揀咗呢間叫做<松壱家>嘅試試。店舖面積算比較細,座位都唔多只有十幾個,所以我倆嚟到都要喺門外再等一陣子先有人離去~一貫傳統拉麵店嘅風格,呢度都一樣係畫紙點餐,揀選自己喜歡嘅拉麵+剔選口味(包括拉麵嘅軟硬度/湯嘅濃度/油膩度),如果食幼麵嘅話仲可以添麵㗎~終極雞湯拉麵($89蚊):我呢,開始有個習慣,去到任何一間拉麵店都會睇吓佢哋除咗千篇一律嘅豬骨味呀鹽味呀味噌湯呀仲會唔會有其他特別嘅口味推介,今次呢一間就有呢款終極雞湯味道貌似都幾吸引~$89蚊一碗都尚算正常價位。因為今日唔太肚餓,所以我就揀咗軟身嘅幼麵喇~等咗只係幾分鐘,拉麵已經送上面前,眼看整碗雞湯都幾白淨似較清淡~高人教路話食拉麵嘅步驟係:「一聞二索三啜」先呷一口雞湯感受一吓,事實証明做人真係唔可以只睇表面,終極雞湯味道濃郁,雞香撲鼻,試清楚啲仲飲到唔止得雞湯嘅味道仲有混合埋豬骨湯嘅骨香味。口感較稠帶一點點油脂所以確實香濃,阿肥亦都搶咗幾口湯話頂瓜瓜喎!~普通版拉麵嘅叉燒只有一塊,質地三分肥七分瘦,鬆化易入口,食完都仲想要食多幾塊夾起一掫幼麵份量