小辣椒

如果TEA TIME想輕食/刺激一下味蕾,小辣椒-不錯的選擇!食物 :1. 叫左個下午茶MENU內的擔擔麵($15)份量不少,辛辣中帶少少麻,麵質帶咬勁,配上少許花生及蔥花,單看賣相已經吞口水,食一啖,辣中帶麻令人胃口大增,不錯!!2. 開胃後,想來個重澱粉質食物,叫了蔥油餅($12),可惜,可能豬扒首領對上海餅食要求頗高(可參考首領強烈推介的另一篇有關上海韮菜豬肉餅食評!),今次呢個質素一般!店員上桌時已預先剪碎,賣相不吸引,食落實實的,好在是即製,熱辣辣3. 豬扒首領友豬叫了京蔥炒牛肉客飯($37配百事可樂),試食後覺得鑊氣十足,京蔥JUICY,牛肉還可以(首領經常投訢現今好多餐廳既肉片.牛肉片只得肉既樣,完全冇味,質感死實,閉眼試食以為食香口膠果種,陰公!!)小辣椒小炒應該不錯,有機會想晚市再來!…查看更多

1月2日, 最近日日放假都日夜顛倒, 今日又訓到黃朝白晏先識醒, 起身開眼之時已經係tea time, 即時想起北角的小辣椒門前那塊完全反通漲嘅下午茶餐牌!::: 牛展冷麵 + 凍奶茶 ::: $15 + $5雖然只係十零蚊下午茶價, size都唔算好細, 配菜伴碟等都叫有d賣相, 一點都唔馬虎! 牛展有三大塊, 伴少許青瓜絲, 下面係夠凍嘅麵條同芝麻醬汁~ 牛展雪得比冷麵更冰凍, 咬落不免有少少實實地, 不過因為薄身, 所以問題不大. 牛展雖凍但不失滷水味. 冷麵有些微蛋香, 已經無乜彈性但就頗煙韌~ 撈埋青爽嘅青瓜絲同麻醬一齊食味道亦十分夾. $15一碟冷麵其實已經好好!凍奶茶都幾大杯~ 茶味有少少澀, 奶味頗濃重, 其實都好飲~ 不過就有d漏.::: 擔擔麵 + 凍朱古力 ::: $15 + $5擔擔麵用料都足, 好多花生粒, 但係個湯底真係油咗d… 辣唔算辣, 擔擔麵味好似唔係咁嘅… 麵條幾粗, 意外地都幾彈牙wo~ 呢個價錢真係冇乜野要求, 算唔錯架喇~凍朱夠晒濃, 味道調較得幾好, 比一般茶記更好~::: 生煎鍋貼 ::: $10/4隻同樣係下午茶之選! 鍋貼大大隻~ 煎得夠香夠脆! 外皮略厚, 但勝在餡料鮮味而且仲保留到少少肉汁~ 唯一要彈都係油咁d… 食完真係好飽滯.呢度環境都唔錯~ 地方大, 枱與枱之間距離闊, 坐得舒服仲有電視睇! 現今社會百物滕貴, 呢度竟然仲有十零蚊就可以成交嘅下午茶! 份量仲要唔呃秤~ 味道仲要幾好~ 去邊度搵? 點可以唔比個笑?…查看更多

星期一有假放，同食家去左北角既.....小辣椒食下午茶，無記錯好似三四年前晚餐食過一次，味道不錯價錢亦公道，估唔到下午茶餐更係抵抵抵﹗0的小食只係十蚊八蚊就有得食，全日未食過野成三點幾，當然又大吃特吃一番﹗三點幾人不多，只有一枱國內朋友在隊啤高談闊論，那麼悠閒我估是遊客吧﹗是來一碗我與食家也喜愛的酸辣粉試下﹗下午茶只係$15一碗吧﹗大大碗﹗薯粉外是花生碎、蔥粒及芫茜粒﹗湯底夠酸，辣味只是適中，不太麻是大路口味﹗不過薯粉夠粗身，煙韌亦彈牙，掛上酸辣汁也開胃好食，如花生可以原粒上，會吃得更有口感更過癮﹗蔥油餅，一客有八件，$10﹗即叫即煎加熱，不會是放到凍哂的求其出品﹗是熱辣辣的，餅皮香脆滿是蔥香，必試﹗好味道﹗紅油抄手，一客有六粒﹗$15﹗吃過最好吃的是紅油辣中有甜，抄手細細隻餃皮夠滑用來掛汁﹗呢度的抄手大隻就係大隻喇，抄手是很足料啖啖餡料﹗不過紅油唔夠辣，似是在吃辣汁菜肉餛飩﹗擔擔麵，$15﹗個汁未免太稀，好似湯麵咁﹗不過好在花生味夠濃，配在麵上吃也不錯，飽肚之選﹗這個水餃我最愛﹗$10蚊有六隻，超抵食﹗水餃皮夠厚，煙韌亦飽滿﹗很有媽媽出品的感覺，帶陣陣麵粉香﹗而家在很多麵鋪吃時餃皮是無味的，這兒的勾起不少兒時那美味感覺﹗餡料夠滿，不會一味死肉，吃到有芹菜、黃牙白，入口不膩清新，好吃啊﹗再吃六隻也可以啊﹗最後兩個人食左五個下午茶餐，仲要清哂﹗是不是好可怕啊？不過今天我估晚餐都不用吃了，太飽，一天只吃一餐不為過吧﹗埋單$75包兩杯熱COFFEE，抵食到爆﹗同食家講好下次來只吃今次最滿意的幾樣再試新野﹗更多相:http://hk.myblog.yahoo.com/smallsmalllin/article?mid=22424…查看更多