DINELAND

營業中

休息中

依日夜晚去咗一間別緻嘅西餐廳 Dineland，充滿園林景觀設計，更有戶外座位，遠離煩囂，放空輕鬆一下！餐廳門外有個用餐區，環境恬靜、雅致，座位有分室外及室內。室內地方雖然不大，但以灰色裝修型格，又可見到開放式廚房，感覺輕鬆寫意。是日頭盤 - 煙三文魚沙律開胃前菜，鹹香味適中嘅煙三文魚，加上翠綠鮮爽嘅沙律菜，真不錯～是日餐湯 - 南瓜湯當日餐湯係南瓜湯或可另加 $48 法式龍蝦湯/牛肝菌忌廉湯。南瓜湯好creamy，超濃郁，層次分明，帶有香濃南瓜味，配搭暖笠笠嘅小麥麵包及搽上牛油，絕對滿足我味蕾。即刨黑松露帶子扁意粉         $198香濃又香滑，黑松露一向係最鍾意。片片黑松露超級香，帶子好大粒，厚肉鮮甜，扁意粉煙韌爽滑，散發濃郁黑松露同忌廉香味，每條扁意粉都沾滿醬汁，呢款好好味，值得推薦！法式紅酒燴牛面頰闊蛋麵           $188牛面頰肉質鬆軟嫩滑而不鞋口，香濃嘅紅酒汁完全浸入牛肉內，非常入味，充滿骨膠原。闊蛋麵應該係手工製，食起嚟唔錯，質感彈牙，紅酒及香草令整份麵條鮮甜香濃。鵝肝多士         (+$78)煎至香口嘅鵝肝，質感軟綿豐腴，與置底嘅脆多士結合，翠綠

\ 是日靚晚 /屯門除咗牛牛，仲有好多隱世高質餐廳🥂住屯門嘅朋友介紹我黎《Dineland》，餐廳落地玻璃好有格調，好岩情侶黎享受浪漫氣氛❤️✨海鮮拼盤 $168 👍🏻包括精選生蠔4隻、加拿大翡翠螺4隻、凍蝦4隻，一次滿足你三個願望，仲要好新鮮🥰全部肉質十分飽滿，呢個價錢真係勁抵！✨法式香煎鵝肝多士 $98輕奢華美食😻奶油口感結合酥脆多士，柔軟入口即化。🍽️Set dinner✨是日餐湯味道甜甜地好特別，獨特風味。✨是日頭盤酸酸甜甜好開胃！✨即刨黑松露帶子寬帶麵 $198 👍🏻一片片黑松露勁香，雜菌材料十足，滿滿高級質感💖Pappardelle 煙勒富彈性，勁掛汁，好有驚喜！帶子大大隻，煎得好香。✨提拉米蘇 + $30口感幼滑，微微酒香。✨水蜜桃梳打 $38清爽解渴😊

拍拖唔一定要出市區先搵到有氣氛嘅餐廳，屯門啲新樓地下都有唔少特色餐廳！😌好似呢間 Dineland 就好有格調，四周都擺咗好多綠植🪴，室內樓低高，以灰色為主調，而室外走田園風🍀，日頭感覺舒服，🥰夜晚好浪漫！🥖蘑菇忌廉湯+黑糖包+沙律蘑菇忌廉湯好濃郁，濃濃嘅蘑菇香，質感豐富，而黑糖包熱辣辣，好香好鬆軟，仲有甜甜嘅提子味，好特別！沙律色彩繽紛，薯仔粒粒同蔬菜都好爽口，淋上泰式辣醬，微微酸味，好開胃！🦑龍蝦汁意大利飯配燒原隻日本魷魚 $238 原隻大魷魚好 IGable！魷魚烤得恰到好處，外表微微焦香夠惹味，入面依然嫩滑彈牙，原汁原味！意大利飯掛滿龍蝦汁，每一啖飯都散發龍蝦味，唔會太膩，好香口！🦪半打特選生蠔 套餐+$128平時好少食到韓國生蠔，原來都幾OK，唔會太貴，算有肉地，金屬味重，肉質清甜，性價比高！🍮提拉米蘇 套餐+$30Tiramisu 柔軟而濕潤，融合咗咖啡同酒香，加上可可粉嘅微妙苦甜，深度有層次感，每一口都讓人陶醉！