沾仔記 (兆英商業大廈)

出去抖下氣食Lunch，但遲左出去，又係好難搵位嘅時候，呢個moment最有可能有位就係沾仔記，差唔多去到多數都有位一係就唔洗等咁耐(粉麵食得快)，即去了，去到果然係有位。餐廳面積中等。餐牌。招牌雲吞麵，$40，每次來多數都係叫呢個，有三粒雲吞，好似乒乓球大粒，外皮薄身，鮮蝦餡料十足，口感爽口彈牙有鮮香味，不俗，麵份量適中，味道正常水準。食物味道不俗，價格合理，主要係好快有位同可以食得快之選。上環禧利街15號地舖…查看更多

🐹跟鼠友週末去香港新景點—大館。未到預約時間，我們本想去樂香園先食過午餐，但原來星期日樂香園休息太失望了於是隨便就進了沾仔記。星期日下午沒什麼人，只有少量內地遊客在，菜牌上的選擇亦寥寥可數。我們點了最重點的兩個麵，鼠友太累需要些咖啡因，另加了十元罐可樂。招牌雲吞麵雲吞都算大粒足料，內餡的蝦肉餡夠鮮味彈牙鼠友喜歡配辣醬食雲吞麵，這兒的辣油很辣，點少許就很辣很香。鮮鯪魚球麵上枱一刻，真是有驚訝到，鯪魚球很大粒兩粒大大粒鯪魚球很彈牙，可以打乒乓波而且沒有細刺，沾少少辣油食很滋味。麵亦沒有鹼水味且有彈性的，加紅醋食亦不錯。🐹：30元一碗麵在中環區算是這樣吧，雖然是在做遊客生意，但都有一定水準。辣油夠辣夠香，鯪魚球沾著辣油食很不錯溫馨提示，辣油真是很辣，少少夠了，更不要加在湯底內。…查看更多

落緊雨既星期日下午，張仔同寶仔係中環遊走，打算搵地方食午餐兼避雨。行過見到係賣雲吞麵既鋪頭，仲貼有米芝蓮既海報，就入左去搵食啦。入到去睇到餐牌，原來剩係賣三樣食物：雲吞，鯪魚肉，鮮牛肉。咁去到雲吞麵店梗係食招牌菜啦。寶仔細食啲，就叫左雲吞湯麵。張仔就好肚餓，叫左大份啲既雲吞撈麵。真係一咬落去就明白點解上米芝蓮啦！先講麵身，麵質非常彈牙，條條分明，但完全唔重鹼水味。主角雲吞成粒乒乓波咁大，入面既原隻蝦肉又大又爽口。豬肉既味道調配得洽到好處，唔會有過份的油膩感。撈麵既湯頭味道比湯麵的重，將蠔油同麵撈暈之前可以先將雲吞放入湯中。超大雲吞！！！以呢個分量同水準既麵黎講，價錢絕對係適宜，推薦俾鍾意食港式麵食既朋友！…查看更多

我都有成多過5年冇去過沾仔記，好多年前就成日去威靈頓街果間，呢間係正永亨銀行大廈旁邊，經過就多，入去食我都係第一次，真係沾仔記重拾舊日的足跡。今次我同朋友食下午茶餐，我地夜晚七點幾都仲可以係中環食到下午茶餐，實在非常難得，仲要環境算係不俗，客唔多，都幾適合同朋友傾計，靜靜地。我當然係揀最愛的雲吞麵，套餐飲豆漿都係24蚊好似都幾抵食喎!雲吞依舊大大粒好似乒乓波咁大粒，蝦係用鮮蝦，除左食到鮮味，朋友食到有蝦殼添! 幼麵依舊彈牙。豆漿都係代理果D，冇乜豆味，算啦!…查看更多