一番風味

一向對海鮮粥情有獨鍾，同朋友經過一番風味就想試一試佢哋嘅招牌蟹粥，估唔到一試難忘，蟹粥蟹膏味香濃，金黃色嘅蟹粥一放到上枱已經鮮香撲鼻，原隻肉蟹肉質厚實，應該都幾新鮮。難得係香港都可以食到嘅咁好味嘅蟹粥！此外，仲叫左惹味烤茄子🍆，呢個就惹味但有少少過鹹，如果不是叫了蟹粥，茄子餸飯應該味道剛剛好！二人同行食一窩粥已經好飽，建議四人同行可以選擇餐廳的四人套餐，有粥有小菜 餐前小食叫了川椒皮蛋，開胃必叫！…查看更多

～♠～♠～♠～♠～♠～♠～♠～邊度食：一番風味 @灣仔食乜嘢：睇下面～♠～♠～♠～♠～♠～♠～♠～母親大人鍾意食海鮮，行過見到呢間餐廳啲蟹粥顏色咁靚，🤗 梗係即刻番屋企報告俾老媽子聽話搵佢一齊去食啦招牌蟹粥 ❤️ ($348)評分：8/10.先講吓呢個招牌蟹粥，可以畢到四碗滿嘅粥，因為落咗蟹膏(?)用咗膏蟹(?) 所以熬製出嚟嘅粥隻色咁金黃色咁顯眼😍 啲粥唔算煲到好蓉爛，反而偏傑有啲似啲 BB 食嘅糊仔咁 👀 但味道好鮮美，完全唔清淡。我個人覺得好正花雕蒸蝦球 ❤️ ($108)評分：7/10.除咗粥水之外仲有啲小菜可以嗌，呢個蝦球賣相就真係冇乜點有心思可言，橙色一 pat pat 嘅食落先發現系蒸蛋 😂 啱啱上抬嘅時候成碟嘢酒味好重但其實食落酒精已經揮發晒。蝦球係大粒嘅但就唔平喇砵酒軟殼蟹 ❤️ ($48)評分：7.5/10.軟殼蟹其實炸完之後味道同所有嘅炸物一樣，不過蟹肉依然保留住咬開會一絲絲嘅質感。所以算係火候控制得OK 啦。但都係油膩嘢間唔中食吓就算咸香雞 ❤️ ($78/例牌)評分：6/10.雞肉都嫩滑但好鹹，名副其實嘅鹹香雞😅 而且食落係凍嘅，比較似前菜多過小菜查看類似食評👉#娜娜灣仔系列👉#娜娜主食系列～♠～♠～♠～♠～♠～♠～♠～地址：灣仔灣仔道138號明豐大廈地舖…查看更多

未試過澳門蟹粥先來試試本地蟹粥，朋友之前食過覺得好唔錯，帶我地一行四人豪一豪！環境寬敞整潔，桌面沒有油膩感。招牌蟹粥蟹粥的主角是羔蟹，粥底用上蝦等其他海鮮煮成金黃色，未入口已經流口水，粥看到米花，入口非常鮮甜，四人行每人吃到兩碗，份量十足！避風塘炒蟹用上肉蟹，蟹肉豐滿、爽滑鲜甜，炸蒜香味融入蟹肉之中，吃光蟹肉不要浪費，炸蒜伴入粥食，綿中帶脆，又是一番滋味！日式鵝肝炒牛柳粒，鵝肝炸過，裡面仍非常嫩，牛柳粒很軟，又一下飯好菜！…查看更多

香港有很多好嘢食， 呢一間食過之後， 可能搵唔到咁好食嘅蟹粥蜜汁子薑雞， 煮得相當入味，  蜜汁+薑是這樣的滋味 ，而且巧妙地用了日式的薑， 最後還把薑一起吃清光。砵酒軟殼蟹， 是豆瓣醬家+砵酒， 由於我們不吃辣的就把醬汁另上， 軟殼蟹大隻新鮮香脆鬆軟。重頭戲是招牌蟹粥， 一鍋的蟹粥大概有五六碗左右， 蛋黃色非常之鮮甜， 光是看顏色就知道火喉入味。 難得的是， 入面嘅蟹都也很鮮嫩， 裏裏外外都做得很好。還有其他四人餐， 小炒等， 特色美食， 當然要預埋至愛的屋企人來吃了。…查看更多

又來到灣仔區覓食，既然最近愛吃中菜，一於來品嚐一番。餐廳裝潢簡約，有電視可送飯XD，不過中央冷氣的關係，有部分位置會較大風，可能會比較冷呢。這裡招牌是 蟹粥，當然要吃啦。在等待期間，先嚐嚐芝士白汁焗扇貝，焗至微微金黃色，芝士白汁黏稠度爭d，牛油味道幾濃，滑滑的扇貝頗大粒，但其他配料(菇類)沒太大吸引力，如下次再吃叫粉絲蒸扇貝可能更滋味。再吃吃黃金軟殼蟹，很爽脆香口，酥炸得剛剛好，能吃出蟹殼和蟹肉的部分，而且油膩程度屬一般，不會很"漏"。重頭戲招牌膏蟹粥(時令價$328)登場！一大煲滾燙的蟹粥，包含整隻膏蟹，先說蟹的部分，已經預先鉗碎蟹殼，再自行鉗幾下，即可拆開蟹肉，很鮮甜滑溜！而金黃色的粥底方面非常綿滑，一點也不稀身，充滿蟹的鮮味，蟹膏蟹黃亦佈滿在內，豐腴得很，非常美味。單是蟹粥，兩個人都可以各自食到四碗多，撐到肚皮脹脹的，下次要和多些親友來，才能吃多幾款菜式呢。…查看更多

招牌蟹粥 ($328)凍凍地食個粥簡真係一流，暖笠笠。蟹粥成煲金黃色，睇落好吸引。入面真係成隻蟹，蟹肉都唔少；橙黃色蟹黃仲成個粥底都係。粥底好綿滑，蟹既鮮味好香口。大大鍋，份量夠四人share架。…查看更多

回想上次食蟹粥的時候，應該是去澳門官也街的那一次，最近去了一間餐廳「一番風味」位於銅鑼灣。裝潢以舊香港風貌為主，簡單的中式餐館佈置。🌇🍽見每桌食客都必有一煲蟹粥，當然我也要點選啦。最後點選了：「招牌蟹粥$328」、「脆皮牛腩$88」、「薑汁芥蘭$58」。🦀🍲🐂🍖🌱「招牌蟹粥」應該是餐廳必點的菜式啦。價錢就是以時價計算，當天的價錢是$328。份量亦不少，足夠5-6人進食。蟹粥整煲都是橙黃色的，吃得出有好多蟹膏混和粥內，亦有一隻原隻大膏蟹，蟹拑亦算大隻，可以算是啖啖肉。味道亦不會過份濃味，吃得出蟹膏蟹肉的鮮味。🦀🍲「脆皮牛腩」驚喜的一道菜，因為牛腩外皮炸至金黃色，入口鬆軟不韌，外脆內軟，味道剛剛好。🐂🍖「薑汁芥蘭」薑汁味道不算太重，但芥蘭入口爽甜，很新鮮的感覺。🌱「餐牌」我已經影左上載至openrice既「餐牌」入面啦，方便大家查閱相關菜式。📋…查看更多

有晚同屋企人系灣仔行完街 經過依間餐廳 見到個餐廳名 “一番風味"幾得意就入左去試下!! 入到餐廳 環境好乾淨 見好多人刀叫左個蟹粥食 自己刀忍吾住叫埋一份tim!果皮蒸鮮鮑 - 食落去好香果皮味 鮑魚爽口仲好多鮮味 連埋果皮一齊食 正~~薑蔥炒桶蠔 - 系用美國既桶蠔,好大隻!!咬落去隻蠔到  啲汁必晒出黎! 用薑蔥炒系特別香口 吾錯吾錯! 食蠔一定要叫黎食~~招牌蟹粥 - 最最最期待既招牌食品就系蟹粥!!!!!!啲膏真系無呃人,超級多!好足料,而且粥底好綿 蟹肉鮮甜 吾怪得成為招牌粥~~識食一定食蟹粥!!大大煲好岩一家人一齊食 又夠飽肚值得一讚 like!…查看更多

原定週末的澳門兩日一夜之旅取消了，當然有點失望。既不能跟家人好好放鬆一下，又吃不到久違的澳門美食。為了補償失落，只好試試本地薑的手勢。澳門美食就等於葡撻、豬排包？ 非也。讓我們最深刻的是蟹粥這晚就朝著蟹粥前來「一番風味」！雖然對灣仔不太熟悉，但店鋪很容易找。店內環境有點像一間小型酒家，比想像中大得多。除了有一般4人座，還有足夠坐約10人左右的大圓枱。事不宜遲，馬上點菜。除了主角蟹粥，還點了兩個小菜。首先上枱的就是咸香雞，份量選擇了（例），其實可以選擇半隻/全隻，但要留肚食蟹粥！儘管我本身就愛吃雞，但也是對雞有要求的。滑雞、「鞋」雞都可以，但最怕那種鞋到咬不爛的雞，食得非常吃力。還好這碟雞口感適中，而且味道十分香口。我比較愛吃滑的部件，媽媽就比較喜歡「鞋」的部分更有咬口。最重要是它的確是咸香而不止是純粹的咸。看起來很像雞肉，其實是十分大的炒蠔。薑蔥是主要配料，薑味非常突出。看起來像雞翼吧！炒得有點帶脆的邊，裡面蠔肉很肥味。一隻蠔分了好幾口才吃完，真的很大隻！平常我很怕蠔的腥味，但這樣的煮法卻完全不會留有蠔腥，反而帶出鮮味。主角當然要壓軸足料大大隻蟹蟹粥。鍋子一上基本上就聞到蟹糕味。除了有滿是蟹糕的蟹蓋，還有蟹鉗和蟹腳。旁邊還有鐵鉗子用來吃蟹。光喝粥已經有濃濃蟹味，吃得出來當中花了不少時間。而且份量超多，我們倆每人吃了三碗還是沒有吃完。而蟹肉方面是彈牙的，對了我的胃口，難得吃得到爽的蟹肉。蟹糕與蟹粥混合吃，雙重的口感與兩種蟹味。比分開吃更惹味。而中途店員還主動幫我們換碟，不怕滿碟是蟹殻，非常貼心。除了蟹粥還有其他海鮮可以選擇，下次來可以再試。這裡的菜式感覺是高級和精美版的家常便飯，一般人都不會不對胃口，反而是怕太多選擇會花多眼亂沒有加一收費是意外驚喜，灣仔竟然也有這麼貼地的餐廳。…查看更多

之前有朋友話好食，食評亦有很多相，對蟹粥非常感興趣，於是3人行去灣仔碰一碰運氣，好彩星期一，黎到門口都唔多人，有位即食，見到一個4人餐都唔差，不過我們3人應該食唔晒，見食評都話個蟹粥好大鍋，所以決定散叫一個蟹黃蟹粥和2碟小炒，2杯凍飲，叫左菠蘿咕嚕肉，同薑蔥桶蠔煲。 通常出街食我都成日叫菠蘿咕嚕肉，因為自己煮唔到，估唔到個蟹粥好快就黎，當然佢一定一鍋每日煮好架啦，顏色好橙黃，粥內有一隻大過我手掌膏蟹，蟹膏係橙色一塊塊，足料一鍋足4-6個人食，真的很大鍋，價錢係時價，今日就$328貴得黎係值得，粥底又綿，我相信佢先用一些膏蟹要黎做粥底，到有客人叫，再另外加一隻大膏蟹落去再煲一陣，粥先可以禁重膏蟹味，唔食蟹肉淨粥都啖啖精華感覺，而裡面足一隻大膏蟹，我們數過一隻蓋，2隻鉗，6件身同腳，所有膏仲連住肉添，蟹腳啖啖結實有蟹味，蟹蓋更不同凡響結實橙色膏，很久沒試過如此滿足啦，堅食晒一滴都唔浪費。薑葱桶蠔煲，桶蠔無呃人，大隻脹卜卜，啖啖薑蔥香氣同蠔非常惹味，總共8隻唔錯菠蘿咕嚕肉，比較失色，比起另外2個普通左，佢用左豬柳上粉炸，粉醬唔厚脆身，啖啖肉，洋蔥夠甜，有紅椒青椒菠蘿同炒，外貌都唔錯。我們另外叫左可樂$12， 凍利賓納$14 其實佢餐牌都有其他經濟小菜，不過我們特意來食就食豪d啦，最好的地方係，無加一服務，服務員都好nice,執野都好快手，上粥又主動問幫我們分到碗裏，酒樓水準！一定再和朋友黎再食遠都值得。見到憐桌日式牛柳粒鵝肝都好吸引，可惜我唔食牛所以無叫到。…查看更多

是日完成一個重大既present,有得早收工，就相約友人到灣仔一間新開既餐廳「形番風味」食蟹粥餐廳門面簡單，用色也單調，豈想到，餐廳內環境很大，裝飾品也用得細心值得一讚既係餐廳既台大大小小，有大圓台可容納一家大小，也有卡位，可以二人世界睇下餐牌啦友人不會看中文，店員細心地遞上英文餐單餐廳主打小炒同蟹粥價錢好合理，小炒都係一般茶餐廳既價錢當然我地叫左個蟹粥估唔到個蟹粥咁大煲足夠四個人食，絕對不誇張用料好足，一整隻蟹放入去慢慢煮粥十分的軟棉粥既顏色也很討好（雖然會感到邪惡）因為有這種顏色全靠蟹膏的功勞一人食左3碗，仲有淨，最後只好把包蟹是新鮮的，食得出的鮮甜，啖啖蟹肉配上棉棉既粥十分暖心值得一試！小炒方面，我地簡單地點了兩樣首先係鵝肝牛柳粒上碟靚牛柳粒好入味，唔會煮得太老，牛味也很足！正！驚喜既係廚師十分大方俾左好多鵝肝我地睇相.....當時無數到，只係覺得食唔哂鵝肝同牛肉一向是絕配，但通常只會在西餐食到！估唔到依家中菜廳把它略微改變，變出好味小炒對於這個小炒很滿意，唯獨美中不足的是對我來說有點油，可能鵝肝的關係！不過無所，食完再做運就可以另一個小炒....火喉控制得很好所有食材都唔會太老，保持應有既水份同質感兩人確實不應太貪心，叫太多下次叫一個小食加一個粥，應該就足夠了很滿意既一餐！值得推介…查看更多

灣仔區小店多多各有特色，而且價錢親民，懂得找，真有不少寶。近日發現一家叫一番風味的小店，主廚兼老闆年青有為，出身於名人飯堂＂利苑酒家＂，今年才31歲（資料來自飲食雜誌），已經創業。主打海鮮小炒，招牌蟹粥，不收加一，相當公道。店子比想像中大，門面看來似是小店，原來沿走廊內進別有天地，前身是茶餐室，怪不得！裝潢老香港風味，灰白色牆身，木桌椅子，掛滿舊日香江的黑白照片。一般本地食肆作風，是日鮮貨及推介寫在黑板上，吸引客人。彩色餐牌圖文並茂，整體企理，但價錢有手寫更改，正是售價海鮮食品之難處，想公道一點列明價錢，入貨價卻浮動。實惠海鮮小炒，有誰不動心，周一我們二人小局才來過，想不到蟹粥及花雕蛋白蒸賴尿蝦在FB 及 IG 亮相後，馬上應朋友要求今晚再重臨，亦好，我還有想試的。兩度光顧，散點及套餐皆嚐了，喜出望外，小吃、招牌及主菜皆出色。麻辣手撕雞 一試傾心，麻辣調味恰到好處，夠辣富麻但不霸道，沒有蓋過手撕雞之香，雞肉軟滑，青瓜絲爽口，適量刺激，作為前菜非常稱職，我們吃完馬上進加。美味指數：4/5陳醋雲耳 爽口開胃，上乘陳醋，味道宜口不搶喉，雲耳軟爽，多吃有益，有助滑腸；加了少許白芝麻，黑色雲團中添輪廓。美味指數：3.5/5爽脆海哲 名符其實，爽脆好嚼，微辣添香，白芝麻添辛。美味指數：3/5花雕蒸瀨尿蝦 橙黃鮮艷顏色奪目，別於一般只用蛋白呈白色，這個是蛋、清雞湯及十年以上花雕酒混合的汁，聰明的變奏，先成功搶鏡。花雕份量足，酒香溫醇，吊出蝦香；瀨尿蝦新鮮肉甜，相比椒鹽做法更吃出材料新鮮，因為無從取巧，材料不上乘不成，中央去殻，方便進食；蒸蛋滑溜非常，火喉準繩，味道鮮美，賣相、味道皆機乎無懈可擊，心水推薦！美味指數：4.8/5古法蒸龍躉 龍躉亦是主打，有三種煮法可選：古法炆/蒸、清蒸及炒球。小龍躉原條上，預先起肉，大師功架，高檔食肆做法，大廚果然是名店出身。用養殖的花尾龍躉，古法以雲耳伴著蒸之，沒有多餘汁水，調以甜鼓油，魚味過得去，肉多富彈性，非常滑溜，蒸功出色，鮮美好吃。美味指數：4/5白肉蒸龍躉球四人餐內的，除了非原條上外，配料及外表差不多，同樣肉滑美味。美味指數：4/5薑蔥炒桶蠔 肥美的美國桶蠔，以大量薑蔥及濃郁醬油炒煮，外表白滑富焦香，沾滿醬汁，肚子大大脹卜，入口爆汁，鮮美滋味，夠鑊氣。美味指數：3.5/5果皮蒸鮮鮑相比其他精彩的，這一道只是中規中矩，富果皮香，鮮鮑蒸熟後亦再煎香至焦黃，增添口感，該做的亦已做妥了。美味指數：3/5招牌蟹粥 （膏蟹）另一道吸睛之作，橙黃的誘惑，粒粒蟹膏浮沉粥內，令人急不可耐。粥底混了泰國粘米及珍珠米，煲至綿厚稠滑，爆晒米花，入口充滿蟹甜，甘香滋味，絕對相信是先熬了蝦蟹湯頭，然後用作粥底煲粥出來之成果。膏肉新鮮肉彈，沒有久熬而變質，定必是新鮮後加作食用的；蟹蓋內勁多膏，質感較硬，不算很好吃，我認為軟棉一點的感覺才豐膄。銷魂蟹粥確有出準，另一道心水推薦。美味指數：4.8/5仁稔碌鵝 瓦煲炆的原煲上桌，保溫有睇頭。據說選用5斤重的獅頭鵝，確保鵝味夠濃，切成小件，每件連皮及少許皮下脂肪，肉質果然香嫩富嚼勁，以仁稔醬醃味，微酸開胃，滋味無窮。美味指數：4/5多款菜式皆美味出色，環境比一般海鮮小店企理整潔，運作暢順，服務良好，價錢親民，性價比高的店，近日心水，已納入我的飯堂名單了！…查看更多

老爸突然話想食海鮮, 本打算帶他食蒸海鮮, 但話食過不想再吃……咁去食日式燒海鮮, 又話燒物熱氣…..那一於去間中菜小店, 相信一定有海鮮類小菜, 再由他全權點菜, 那一定合他心水啦! 小店門面光鮮, 一身白色的牆身配上中式設計的大招牌, 高高掛在正中央, 挺搶眼。門口亦貼齊不同時段的套餐和散點菜式, 有不少途人也註腳細看, 我倆也不例外。 推門而入, 環境光猛, 分兩個用餐區, 近門口處預設了五六張四人枱, 再走入內裏, 設有多張四人卡座, 亦有數張大圓枱, 枱與枱之間有一定的距離, 坐得舒適。店子的裝潢挺有心思, 牆上掛了多幅具歷史性的黑白街景相片, 吸引了我逐一細看, 有鐘樓、漁村、昔日菜巿場等等, 滿有懷舊風味。安坐後便細閱餐牌, 分門別類, 有小炒類、湯水類、時蔬、甜品、鮮搾果汁, 還有老爸目不轉睛地望着的時令海鮮類菜式, 店子小小, 但選擇不少。話明由老爸拿主意, 結果他點了三道菜式也是海鮮, 魚蟹蝦都點齊, 看來他真的很想很想吃海鮮。 ******************************首先是游出來的魚類菜式。身為魚痴，見到店子有幾種魚選擇，還可㨂麻辣、蒜香炒、古法蒸、炆，這幾款烹調方式，簡直令人興奮。本想選古法蒸，但諗諗下，蒸魚在家也常吃，不如要也一道蒜香炒龍躉 （$138），睇下鑊氣夠唔夠先。一客約有七八龍躉，伴上西芹、少許紅椒 和蔥段，熱辣辣上枱，挺吸引。趁熱馬上試試魚肉，魚肉爆炒至潔白中帶些焦色，大小厚度中等，魚肉片片分明，並沒有夾雜任何魚骨, 啖啖肉，肉質紮實，但絕不嚡口，味道鮮味。更喜歡連帶着魚皮 的魚肉，多份油潤膠質，正！配菜是青綠的西芹，清新爽口，但略為偏油，而西芹也並非我喜愛，若然改為西蘭花就更好。******************************緊接是打横行出來的蟹類菜式。店子有幾種蟹的菜式選擇, 包括招牌蟹粥、避風塘炒蟹、薑蔥炒蟹、薑蔥粉絲蟹煲、胡椒蟹煲及花鵰蒸花蟹, 而這道招牌蟹粥 （$328）話明是本店招牌菜，怎能不點一鍋？嘩！想不到如此大鍋，以一個砂鍋盛載上枱，店員一打開鍋蓋，香氣隨熱煙四散，不禁垂涎三尺。蟹粥盛載得滿滿的，舀幾舀，內有多件大大件的蟹件，看來這隻羔蟹挺有份量。蟹粥 可擇羔蟹和花蟹，老爸當然喜歡邪惡的蟹膏，見平時極少吃，一次半次，批准啦！第一時間先舀起蟹蓋，嘩嘩嘩！全是鮮橙色的蟹膏，舖滿整個蟹蓋，非常厲害。蟹膏色澤鮮艷，質感厚實，啖啖甘香鮮味，的確令人難以抗拒。除了蟹蓋滿載蟹膏外，蟹身也連帶着不少蟹膏，而鮮甜嫩口的蟹肉 亦不少，啖啖肉啖啖膏，滿足！滿足！蟹肉正，蟹粥 當然亦很出色，黃油蟹膏 與米飯 混和一起，全底蟹粥也呈鮮橙色，啖啖蟹膏的甘香，味道鮮甜，而米飯亦煲得剛剛好，稀稠度適中，質感相當綿滑，加上以厚身的砂鍋盛載，保暖度高，吃到尾聲還暖烘烘，滋味得很。雖然一鍋蟹粥份量十足，但美味得令人愛不擇手，吃下吃下也差不多見底了，我倆真厲害！ ******************************最後就是跳出來的蝦類菜式。選了一道花雕蒸蝦球($98), 色澤鮮亮的八大隻蝦球 配上鮮黃色的蒸蛋 上，如生猛的大蝦跳出水面般，若然灑些翠綠的蔥花, 相信會更吸引。選用的碟子相當淺身，故所蒸的雞蛋 亦很薄身，蒸弄的時候自然較難掌握，但它卻可保持滑嘟嘟的口感, 並加入了酒性柔和的花雕酒，既有蛋香，也滿有花雕酒 的甘香醇厚，得美味。而大大隻鮮蝦 似先經爆炒才放在蒸蛋上，故未能嚐到酒香，與蒸蛋有分離感，但蝦球極之鮮味，而且啖啖爽彈，也不錯。最後連碟底所餘下的蒸蛋水也不放過, 乃是精華所在, 酒香馥郁芬芳, 不顧會否醉倒也要把它通通喝光, 哈! 其實點會咁易醉呢?------------------------------店子命名一番風味的確很匹配, 不論菜式和裝潢同樣很有風味, 而今晚魚蟹蝦都出齊, 令老爸吃得非常滿足, 見他臨走時還站在門口細閱午巿商務套餐和午巿套餐, 不斷說很抵吃, 看來這間一番風味, 令他回味。…查看更多