王家沙．花樣年華 (又一城)

今日中午和舊同事選擇呢度聚餐。首先環境麻麻哋，坐得好逼！兩個人想叫多碟嘢都唔得！涼菜：四喜烤麩，味道一般，木耳都不脆的。應該擺咗好耐。招牌蟹粉小籠包，還不錯，湯汁多，但皮不算薄。不過上菜嘅姐姐嘅服務就很差了，就咁「啪」一聲放檯面，我仲以為係茶餐廳食緊飯！一定要改善。京醬肉絲：味道不錯，肉絲嫩，味道鹹甜適中。不過麵餅就太少了！收得$108應該畀多幾塊嘛！還叫了一個家鄉炒年糕，不過唔記得影相，味道不錯，年糕也煮到恰到好處。總體來說，性價比一般，服務就很一般！…查看更多

同朋友嚟九龍塘行街，甘啱想食上海菜，見到呢度有間裝修唔錯，而且菜式種類幾多嘅店鋪，所以決定試吓！招牌蟹粉小籠包（$78）食上海野一定要叫小籠包😋味道唔錯，一咬落去好多肉汁，但食唔出蟹粉味，似普通小籠包😢四川麻辣水煮鮮魷湯麵（$98）上菜的時候聞到好大陣酸味，有別於平時的水煮湯底味道，好感不大...但食的時候就沒有太酸，反而幾香麻辣味，適合重口味嘅人食。魷魚份量偏少，而且魷魚係細條，味道也很一般😢不太建議呢道菜上海粗炒（$98）上海粗炒有上海菜風味，味道也不錯，唯獨是偏油，食到底見到一堆油不太開胃😣😣芝麻豆沙餅（$48）最後叫咗個甜點，豆沙餡好好食，好香豆沙味！外皮口感一般，如果外皮改用酥皮，口感會更豐富。…查看更多

今晚慶祝生日@又一城嘅王家沙•花樣年華, 多謝我嘅best fd就我帶阿仔去MTR沿線嘅mall食.晏晝打去book枱好彩都book到, 問埋bb high chair✅同埋切餅費✅$100, 6點45準時有枱yeah, 估唔我地咁早入座其實walk in已經要排隊.🥢由於阿仔扭計扭左成餐飯咁濟, 所以我都係倒d野食落肚: 蟹粉小籠包同原味小籠包擺左一陣先食都有爆肉汁👍🏻; 三絲粉皮夠薄夠掛汁; 楊州炒飯, 擔擔麵都好足料好味; 另外生炒骨都係好味之選.🥢雖然滿哂座, 但店員都好attentive仲好helpful拎highchair俾我呢, 真係不枉我自從上年食過店家嘅大閘蟹set dinner之後繼續幫襯🤪.🥢…查看更多

記得好耐之前已經與家人經常到王家沙吃晚飯， 今次到位於九龍塘又一城的✨王家沙．花樣年華✨， 餐廳門口擺放著一棵漂亮的櫻花樹， 店內採用開放式設計， 環境舒適， 主打年輕路線， 餐廳提供新派及傳統滬菜， 令客人對王家沙有一種煥然一新的感覺👍🏻。 大約八點到達， 晚餐有🤤招牌蟹粉小籠包$78、 金網燒鴨包$58、 京蔥爆羊肉配薄餅 $118、石鍋鮑魚飯$138、 上海擔擔麵$78、 芝麻豆沙餅$48。🔸招牌蟹粉小籠包～ 皮薄湯汁多，肉鮮好味，咬開來濃濃的蟹味🦀，配上清爽的醋汁和嫩薑， 超滿足😚。🔸京蔥爆羊肉配薄餅～ 羊肉嫩滑👍🏻， 京蔥作配搭更加惹味。🔸金網燒鴨包～ 這款點心很特別， 外層軟熟的包皮， 裏面肉質柔軟帶汁😋， 還有包底脆口的金網， 口感豐富而好味。🔸石鍋鮑魚飯～ 熱辣辣的石鍋飯粒粒分明， 頂層有鮮甜彈牙的鮑魚😙， 我喜歡加點豆瓣醬， 味道更加提升。🔸上海擔擔麵～ 麵條細滑口感， 麻醬和花生醬的濃厚味道， 絕對是擔擔麵的精髓🍜。🔸芝麻豆沙餅～外酥內香的味道， 甜度適中， 加上香甜的豆沙💕， 美味的甜品。好耐冇食過王家沙， 以前的水準已經很好， 今次吃過後又再次愛上了。🥰…查看更多

花樣年華走開放式既路線，並非位於一個鋪位，正正代表餐廳時尚活力、突破自己既形象。普遍既上海菜餐廳裝修比較懷舊，但花樣年華卻背道而馳，圖中既黃紅色建築突顯餐廳充滿現代感既一面。- 蒜泥白肉蒜香味超突出，但有少少搶走左豬肉片既味道，白肉下面仲有啲粉皮添！估唔到粉皮配蒜泥幾夾。- 原盅雲吞雞雖然係一個人既分量，但各材料既份量幾多，雲吞餡料豐富，雞件肉質亦唔會煲到太老，另外仲金華火腿粒同白菜仔，湯變得非常清甜。- 招牌蟹粉小籠包小籠包係我食上海菜非點不可既菜式，花樣年華既蟹粉小籠包外皮略嫌有啲厚，但在頂端咬一小口之後，蟹粉香味撲鼻而來，令人回味無窮。- 石鍋鮑魚飯炒飯唔會太濕，仍然保持粒粒分明既口感，配料有雞肉粒同冬菇粒，當然仲有主角既原隻鮑魚啦！一啖食曬成隻飽魚特別滿足。- 香蔥油淋雞客人可以將蔥油倒落整碟雞。如果驚太鹹，可以逐件雞點落蔥油到。我選擇左後者，蔥油味都已經好香，另外雞皮幾香脆，肉質幾嫩，啖啖肉。豆漿超級冰凍，甜度適中。花樣年華並非完全用年齡而判斷，心態決定一切，即使老邁都可以變得花樣年華。所以我認為餐廳並非主打年輕路線，而係任何人。…查看更多