馬拉Go

營業中

休息中

晚市有一人套餐，$108/$118包炒時菜/小食拼盤+主菜+餐飲，同埋兩粒朱古力雪糕，咁啱又無人等位，坐得舒服。喺星期六晚上可以食到，好滿足。老闆人超好，服務貼心，知我地想食多啲菜但又想試下小食拼盤，最後話會比大碟啲菜我哋😍雖然係套餐包埋，但一啲都唔馬虎，菜係蒜蓉炒白菜同菜心，小食拼盤有蝦多士、沙嗲串燒同炸丸，非常豐富❤️主菜我哋叫咗雙味雞翼撈麵同招牌喇沙。雞翼好貼心咁剪做單骨雞翼，分別有南乳同香茅味，炸得好香脆。最喜出望外係佢嘅喇沙湯，香濃椰香帶絲絲蝦味，夠晒豐富惹味，連我平時唔太喜歡喇沙都忍唔住不停飲個湯😋絕對值得再訪😃

在地嘅老死知小弟都幾鍾意食馬拉嘢，佢話晌附近偶然發現呢間「馬拉Go」小店，試過確喺高質。所以，是夜同朋友到訪，餐廳位處商場二樓，扶手電梯一上到去就見，好易搵。 「啟岸巷子」喺條營造出日系感嘅「食街」，原不過，暫時進駐嘅餐廳唔多，而「馬拉Go」確喺一間小店，左邊幾張高腳吧枱位，右邊就幾張2/4人枱，但就見外賣速遞單唔少。 最吸晴相信喺牆上花花碌碌、色彩繽紛嘅「磁磚」，睇真啲原來喺牆紙，不過，就幾有大馬風情，同埋擺晌四周，相信喺老細珍藏嘅手辦公仔同擺設，我仲發現有黃金戰士呀！ 食物方面，幾頁睇晒，分為輕食、惹味叻沙系列、馬搵拉撈麵系列、特色飯食系列及多種特色飲品，務求貴精不貴多。 此外，仲有一款滋味二人餐，包小食拼盤、任揀兩款主食、香蒜時菜、汽水兩罐，睇落確喺幾划算。 招牌蝦麵 $98老死就推介呢款主食，佢話個湯底保證唔會令人失望，的確個蝦湯唔單止濃郁，好強嘅蝦鮮味，，仲好掛汁，所以，最後一滴都無嘥。而餸料非常之多，麵內有魚蛋、魚片、烚蛋、豆卜、小棠菜同怡保芽菜，另外仲碟上烚蜆、炭燒大蝦同豬頸肉，非常豐富，魚蛋彈牙有魚味，豆卜索滿湯自然好食，怡保芽菜好爽脆，烚蜆鮮甜到不得了，大蝦同豬頸肉果

土瓜灣越嚟越多好嘢食，不過想百花齊放，就要多多支持小店，始終人流仍舊唔及其他地方，一場嚟到，冇理由仲食連鎖嘢啦？呢間比較新開嘅商場，有一間仍舊守業嘅誠意小店，佢地嘅馬拉菜好有一手食馬拉嘢都係食飯同喇沙多，撈麵就比較少食，用黑醬油撈嘅麵條，辣辣地好惹味，麵感彈牙十足香茅豬扒唔係以厚取勝，而係實力擔當，醃得十分香口，但竟然唔會過鹹，完美平衡。太陽蛋同魚蛋絲都好有心思，值得再食招牌蝦麵叫得招牌，當然要試。湯底香濃但唔會鹹，飲多十啖都唔口渴，太神奇了同老細講好飲，佢話：「呢個湯呀，煲死我喇！」可見湯底真係花好多工夫去熬製。麵底質感又彈又索味，雞蛋好綿又入晒味伴碟有蝦、魚同蜆肉，鮮味強勁，倒落麵食或者就咁食都正嘢飲方面，都沖得好唔錯，話梅梳打非常解辣解渴樽仔咖啡味道非常獨特，第一啖你唔會聯想到係咖啡定拉茶，烘焙味好突出，極具南洋風味

餐廳面積不大，只有十多個座位，牆上同吧枱面放左店主嘅figure，好warm嘅感覺🦐招牌蝦麵 $98可以揀辣同唔辣。估唔到係分開有一碟燒物，有蝦，大峴同魔鬼魚，海鮮磯燒味好香。魔鬼魚肉質好滑嫩，入面有d軟骨可以食埋。作為招牌菜式，湯底蝦味真係好濃郁，🍡斑斕伴雞肉卷串串飯 $78斑斕雞肉卷做型好特別，雞肉粒外層微脆，雞肉食起黎有陣陣斑斕葉香味，有點似拆開左嘅斑斕葉炸雞。🍳太陽蛋鋪係飯面，伴有峇拉辣醬同煙肉紅蘿蔔絲，辣醬好香帶馬拉盞香味。仲可以揀乾伴麵，食落會有飯咁乾身。🥪斑蘭麥脆咖央多士 $48一直都好鍾意食咖央多 目標係搵晒香泡好女食嘅咖央多！呢個絕對可以歸類好食！用麥包嘅多士賣相更吸引，多士烘得香脆，咖央椰香味滿滿，帶淡淡斑蘭香味。牛油同咖央比例平均🧋斑蘭奶茶 $32呢到有唔少特色自家製樽仔飲品。斑蘭奶茶口味比較甜，似泰式奶茶🍿爆谷樽仔咖啡 $32爆谷嘅焦香味好濃，咖啡味同焦香味平衡