華嫂冰室 (杜智臺)

返工食LUNCH 12:15到達要係門口按票, 等左大約30分鐘才能入座好多遊客同返工人士黎呢度食野店員都無西面, 和平應對繁忙既餐廳入座後用QR CODE下單, 店員都無咁忙!招牌菠蘿包 $22外皮係菠蘿皮好脆!! 裡面夾住鮮牛油、蛋同蓄茄、外脆內軟呀同同事3個女仔一齊SHARE食1個, 食完都幾飽!!! 樽裝凍奶茶 $25樽裝可以拎走, 香港製造無防腐劑, 紅茶味香濃, 個人覺得有D甜, 如果可以有低糖版就好~ 我食左檳城豬扒喇沙湯, 好多餡料呀, 有大大塊豬扒, 豆卜, 芽菜, 生菜, 轉做米粉個湯好香椰香味道, 一路食米粉, 一路飲湯, 勁快食哂同事食左秘製撈米線同所向無敵餐蛋麵, 其他客人好多都有叫所向無敵餐蛋麵, 好平$38就有個餐蛋麵我見個秘製撈米線都有汁唔會太乾, 有機會自己食呀~…查看更多

從來冇食過菠蘿油既多 同行友人好驚訝就帶我一試😅我地早係午市繁忙時間前就去拎位 好彩仲未係人龍時 食到一半人龍就出時啦😂為左試多啲款 分別叫左2個鮮奶油多 招牌菠蘿包同兩碗米線 當然係3個人share的 雖則我係大胃王 但費時食太多嚇親朋友😂😂鮮奶油多 外面烤得脆脆 配上入面塊涼涼牛油 一啖食落去 好滿足 回味無窮啊!!!😆😆😍對於我尼個新嘗試既人黎講 係極度覺得邪惡又好有滿足感啊!! 超級矛盾🤣米線既料都十足 招牌菠蘿包相比之下就比較失色 下次再食鮮奶油多 我就唔想share laaaa🤣🤣🤣😙😙😙…查看更多

招牌菠蘿包！朋友喺金鐘訂左酒店慶祝生日staycation，我就去同佢哋食個外賣華嫂冰室嘅午餐，傾吓心事，gathering下。不過因為係屋企食咗個好飽嘅早餐，食唔落一啲正餐嘅午餐，唯有嗌個招牌菠蘿包試吓啦。招牌菠蘿包$25- 好耐冇食過菠蘿包喇！雖然外賣個包凍咗，但係菠蘿包外層依然鬆脆，麵包都幾軟熟，最鍾意嘅係有厚切蕃茄同埋流心荷包蛋。幾樣食材都好簡單，夾埋一齊食真係好味道，唔怪得會係稱得上招牌！推介！朋友們食蕃茄豬扒通粉，份量都好足，同埋都幾好食！下一次有機會都想試吓。…查看更多

之前入過屏山店食華嫂,要排個幾鐘頭隊. 今次去開灣仔見餓餓地就去華嫂食番個包頂下肚, 平日黃昏時間唔洗排隊直入, 叫左個招牌菠蘿包加熱奶茶.上枱果陣賣相幾靚, 拎上手係啱入口既溫度, 但覺得再熱少少會再好食D. 金黃色既外皮,咬落去脆脆地, 個蛋唔燶仲有少少流心. 平時唔食牛油既我, 今日破例食左半舊哈哈個包一口咬唔晒, 要慢慢食. 歎埋杯熱奶茶, 正宗既港式下午茶~…查看更多

有一段時間沒有吃華嫂了，早前經過尖沙咀的分店，排隊的人多得駭人，所以還是去銅鑼灣分店好了。這次還是照舊點了常吃的食物：招牌菠蘿包、招牌芝士蛋咸牛肉豬仔包、檳城喇沙湯米線、凍奶茶。水準仍能保持，略嫌不夠熱。味道依舊，但也是覺得不夠熱啊😣湯底沒有令人失望，雞翼很入味，這次豆卜讓人失望😞，完全不入味。華嫂是我最喜愛的港式冰室之一，希望它可以繼續保持水準！註：以上圖片沒有經過任何修飾。…查看更多

三年前吃過元朗總店的華嫂冰室 當其時仍然未有分店而且人氣已經10分旺盛 吃過他們的招牌菠蘿包個人認為其實味道不算特別屬於中等水準 近年開始進攻多間分店 於是見今日就腳 同男朋友食灣仔分店睇吓到底佢出名到今時今日係有咩乾坤早前一道話要排一個鐘左右 依家人潮明顯減退 今日平日下午兩點左右嚟到只係等左5分鐘就入得叫咗招牌菠蘿包同一碗檳城喇沙豬扒米線 (限量供應)招牌菠蘿包 ($21)裏面夾嘅先有大大塊確係好夠牛油香 裏面嘅煎蛋沒有流心 算係全熟 菠蘿包唔出色 菠蘿皮唔夠脆 唯一值得一讚嘅係食落整體配料幾夾 但其實都係非常普通 唔特別檳城喇沙豬扒米線 ($53)喇沙湯底兩點唔夠濃喇沙香味 唔辣 只係食得出好濃嘅椰奶味 豬扒攞返少少分 大大塊厚切 肉質感不錯 不會乾韌 但味道都係一般貨色米線偏淋 不喜歡熱奶茶(跟餐加$8)茶味偏濃 但係一啲都唔滑 甚至覺得有啲澀整體有啲失敗 好彩唔使排隊 叫做填飽個肚子 男朋友話可能希望大失望越大 但係我自己就一向知道佢其實食物唔出色只係配搭特別 味道其實可能一般茶餐廳會做得比佢更加好…查看更多

一直都是去屯門天水圍店的, 經過見到灣仔分店, 進去試一試。星期六, 雖然是過了午飯時間, 還是很多人排隊等位, 等了差不多1小時。當然是必食的招牌豬扒包啦~上邊一層脆脆的皮, 裡邊有厚厚的牛油, 剛剛半熟的煎蛋, 蛋黃會流出來的那種加上厚切蕃茄, 正!炸雞球($34) 加豆卜(+$7) 蕃茄湯底(+$8) 出前一丁(+$3)~續樣計錢。炸雞球脆脆的, 偏油膩, 豆卜正常, 蕃茄湯底很結遢遢。香煎豬扒($34)加豬潤(+$8) 冬蔭功湯底(+$8) 出前一丁(+$3) ~豬扒夠淋, 豬潤爽口, 湯底濃味偏辣。話梅柑桔, 跟餐加$8, 酸酸甜甜地的, 還可以。灣仔分店食物比屯門分店較多元化, 但味道好似屯門分店的較好, 不過人流方面, 屯門分店還要多, 星期六下午想吃就休想了!…查看更多

灣仔覓食，午餐要食平啲，又要好味，就諗到去華嫂冰室12點左右去到，唔算好多人，等位大概等咗15分鐘就到我哋喇餐廳遊客比較多，所以時常都掀起排隊熱潮。入到去餐牌選擇唔算多，主要都係食包類同埋粉麵類，我哋每人叫咗一碗粉，我就叫咗瑞士雞翼米線。雞翼出奇地入味同好味，簡單配個米線只係34蚊，超級抵。另外當然唔少得嗌個招牌菠蘿包黎到新鮮熱辣辣，菠蘿包面超級脆，入面夾住牛油、蛋同埋 蕃茄。牛油大大塊，適合鍾意食菠蘿油嘅人。呢度嘅菠蘿包味道真係好香好脆難怪咁多人慕名而來…查看更多

晚上在會展睇演唱會，網上一搜才知道灣仔華嫂是開到晚上九點，就決定去食吧！.味道還不錯，都有元朗總店八九成！裝修光猛，坐得闊落，而且七點去到也不用等位.雞翼冬蔭公米粉 4/5冬蔭公是我至愛，辣味對我來說是剛好，香味也很夠，如果稍為有少少椰香會更好，個湯底同米粉真係好夾！雞翼就十分滿意，瑞士汁很濃。.鹹牛肉芝士蛋包 5/5依個包烘得好脆，好香，個蛋係煎到啱啱好有蛋漿，一咬落去就好滿足，個人覺得比招牌菠蘿包稍為岀色小小.招牌菠蘿包 4/5入面有牛油，蛋，蕃茄，夾埋個菠蘿包，每次食都覺得真係一個幾有趣既配搭，但又好好味.熱奶茶 4/5好濃，茶味有些少澀，平時不落糖的我，加了一包糖就覺得剛好.總括都好滿意，咁耐冇食，仍然都keep到個質數，上菜又快又唔會趕人走！…查看更多

灣仔既早餐選擇唔少，不過劣食亦都唔少，以港式早餐黎講，除左華星之外，華嫂會係一個唔錯既選擇。今日叫左佢地既招牌菠蘿包，就係菠蘿包夾牛油、煎蛋同蕃茄。叫得做招牌，菠蘿包係幾高質，包皮係脆既，而有一陣焦香味；而餡料既組合都好夾，牛油好香、煎蛋既蛋黃係流心既，用既唔係一般茶記用既蛋，呢度既蛋味好香濃，最後塊蕃茄都切得幾厚，可以平衡返牛油既油膩感。不過佢係切開左一半夾餡，唔會好似漢堡包咁成個包都有餡，淨下有半個菠蘿包我係就咁食既，不過都好享受。奶茶就差唔多，茶味濃不過唔夠滑，一般質素。總捨黎講，呢度既早餐值得encore，下次黎試粉麵類。…查看更多

自華嫂進駐灣仔以來，一直聽講地點偏遠、大排長龍，今日想搏下熱潮已經減退，點知平日午市2人仍然要等15-20分鐘先入到去，一坐低即刻叫野。雞翼豬扒蕃茄米線 ($53)以為呢個招牌組合有得就咁叫，原來要加$19先拼到 -- 香煎豬扒米線 ($34) + 雞翼2隻 ($11) + 蕃茄湯底 ($8)。嫩滑雞翼滷得超級入味，煎豬扒稱唔上香口，勝在厚切大塊滿足到食肉獸既欲望。 蕃茄湯底同想像中一樣濃郁，每一啖都係起沙既蕃茄蓉，酸度適中。炸雞球蕃茄出前一丁 ($45) -- 炸雞球米線 ($34) 轉出前一丁 (+3) + 蕃茄湯底 ($8)炸漿薄得黎香脆乾爽，雞球夠味又彈牙，配埋沙律醬幾好味。招牌菠蘿包 ($20)幾欣賞煎蛋係糖心亦唔油膩，不過蛋同蕃茄食落同菠蘿包冇融為一體既感覺，最好食反而係食哂d料、變返菠蘿油組合個一啖。 菠蘿包酥皮好香脆高質，有興趣再黎試下牛油火腿菠蘿包。話梅柑桔 ($9)、凍檸檬益力多 ($9) (跟餐半價ed)話梅柑桔好岩我口味，最底係滿滿既咸柑桔同話梅碎，仲有粒話梅妹下。 檸檬益力多完全冇檸檬味，可以不叫。個人認為湯粉麵既叫法都幾複雜，感覺要加好多錢先叫到想食既組合，眼見大部分人都叫多餸蕃茄米線，如果可以推出常見組合既優惠套餐就更好喇。整體食物都幾有誠意，座位比想像中闊落光猛，雖然要搭台都坐得幾舒服。 排咁耐隊都係值得既，有下次。…查看更多

有次8點倒黎,好多野都賣晒今次早d,終於試到檳城喇沙湯米線.本身都鐘意食喇沙,而華嫂嘅都唔錯～湯底唔係稀..對我黎講係夠辣,幾惹味豬扒有兩大件好飽肚下😆～米線份量就反而覺得少左d! 由於已經入夜,呢次係唔駛等位的😁你Encore‼️仲叫左招牌菠蘿包~就係菠蘿包夾左蛋同蕃茄呀冇咩驚喜⋯冇咩回憶⋯淨講個包係好食⋯但夾住呢兩樣又唔覺好食左咁囉~…查看更多

一直知道華嫂冰室元朗店很有名，但實在不方便。終於灣仔有分店，可以一試！聽說之前很多人排隊，幸運地我只排了十多分鐘就有位！如果要排9個字以上，就實在非常不值得！招牌菠蘿包$20菠蘿包幾脆，但沒有什麼特別，就是蛋加番茄的味道，蛋過熟。芝士鹹牛肉蛋治 $23蛋同樣過熟，非常普通。招牌雞翼番茄米 $42蕃茄湯底實在非常失望，如果喜歡蕃茄湯底的人，應該會比較喜歡勝香園的！這個番茄湯底偏鹹，沒有什麼番茄的鮮味。凍奶茶 $18，跟粉面可半價$9奶茶尚算不錯，可能冰花奶茶會更濃。這是一間屬於中上的冰室，有很多冰室都有這個水準，如果要排隊半個鐘甚至一個鐘以上就非常不值得。…查看更多

終於食到呢間成日大排長龍既冰室，開左係港島區就更方便就算weekend離都係等左10分鐘度就已經可以入座，可能因為餐廳位置比較隱蔽。2個人嗌左呢度最出名既雞翼豬扒蕃茄湯出前一丁（出前一丁+$3)，雞翼冬陰公湯米線（冬陰公湯好似要加錢），同招牌菠蘿包馳名既蕃茄湯底果然有好濃郁既蕃茄味，但相對冬陰公湯就比較特別，又香又辣好開胃最出色既係個招牌菠蘿包，入面有蕃茄同蛋，初初睇想都怕伏，但個包加左牛油又幾match好好食，我會為左呢個菠蘿包再離…查看更多