古早牛肉麵

深水埗區不嬲多美食，呢間位於黃金商場附近，門面好shape醒，望過吓價錢又唔貴，就入嚟解決晚餐！餐廳內外裝修都幾有特色，不過座位就偏窄少少。食物選擇雖然得兩面餐牌，但係選擇都唔少，最緊要係價錢唔貴，叫多幾樣嘢食都唔會覺得心痛！胚芽奶茶 $21 揀咗少甜，唔錯，真係有係台灣夜市飲嘅奶茶味道古法滷水大雞腿乾拌麵 $55 配咗麻辣醬，果然冇對唔住佢個名，真係大雞腿一隻，由於大雞腿都容易有醃唔到入味嘅問題，呢度呢個問題唔算大，肉嘅味道都OK，配搭麻辣味嘅乾拌麵，食慾大增。招牌紅燒牛肉湯麵 $59 食得台灣野，又點可以唔食紅燒牛肉麵？份量適中，配料有蘿蔔、牛展，牛展己有咬口，部份位置大少少筋，蘿蔔索到湯汁，$59收貨！蚵仔煎 $46 至於呢款就有少少失望，外層好厚及黏稠，口感較遜，入面蠔仔不多。…查看更多

次次經過深水埗，見到呢間台灣嘢都覺得裝修得好復古，想搵個機會去試吓，今日陪另一半出深水埗睇電腦，終於去試。環境 裝修設計有花過心思，內部設計到好似喺台灣夜市嘅餐廳咁，幾有特色。餐牌 價錢十分相宜，食物最平20幾蚊就有交易，牛肉麵$60都唔使。招牌紅燒牛肉湯麵 $59 有牛腱、蘿蔔，都幾足料，牛腱有4,5件，麵質幾彈牙，湯頭正常，$59來講都算抵食。古法滷水大雞腿乾拌麵 $55 可以揀肉燥或麻辣醬，身為嗜辣者硬係揀後者 。雞脾好大隻！滷水汁都醃到入肉，唔會有雪藏味，撈匀麻辣醬乾拌麵好正，辣辣地帶點麻味好香胃。起司蛋手抓捲餅 $36 價錢相宜，餡料加咗好多沙律菜，外層煎得脆香，內裡再加多d芝士就更好。肉燥燙青菜 $28 出街食飯會食少咗菜，所以叫返碟菜食下~輕芝士奶蓋岩鹽烏龍茶 $23 叫得輕芝士奶蓋，就無平時飲嘅奶蓋咁鹹，味道輕淡，配烏龍茶就清清地。總括然而，抵食嘅台灣菜，果然深水埗區又多嘢食，而且好多間食物都好平。…查看更多

唔知由幾時開始我已經開始食好多嘅牛， 可能係以前細個聽人講，牛非常之補鐵質所以就好鍾意食， 茄汁牛肉意粉， 肥牛火鍋 等等。。。知道深水埗開咗間古老牛肉麵 ，梗係要去試下啦 ，成條福榮街都係賣車仔麵 ，佢喺文記車仔麵對面 ， 入到去排隊等，冇聽錯係要排隊呀，雖然店舖唔算細 ，我估大概坐到40人， 但係真係好受人歡迎，所以都真係要等下。店舖嘅格局有啲似入咗古色古香嘅牛肉麵檔， 今晚點咗兩份牛肉麵， 面嘅底一啲渣都冇， 係非常香甜拗咗好耐嘅湯底牛肉香味， 牛肉牛筋牛肚都好入味，有清甜嘅味道， 入口即溶， 醃製牛肉的醬料夠香，配搭手打拉麵，粗度夠，食落去味道搭夾， 蘿蔔已經煲到軟身入味， 依晚餐嚟講一碗麵都食到八成飽肚， 生菜就冇乜特別，是新鮮的。來了兩碗麵招牌紅燒牛肉湯麵牛肚牛筋湯麵…查看更多

因下雨驅使我入這間台式店，既然牛肉麵是招牌，當然點一碗「招牌紅燒牛肉湯麵」來嘗試。另外，也點了「輕芝士岩鹽奶茶」解渴。大約5分鐘麵到了。湯底： 濃味重麵身： 不硬不軟，不錯（即使吃得慢都不會太「林」）牛肉： 味道不錯，最重要是不會太「UN」（最怕咬不斷的）蘿蔔是長身的。至於「輕芝士岩鹽奶蓋」不過不失，的確有岩鹽味道，甜度對我而言是剛好的人情味：因為提著蛋糕，坐前也有問店員可否暫放蛋糕在此，老闆娘（估）立即說好，是窩心的另外，聽到隔離枱說漏單，店員也很快處理，不錯。…查看更多

招牌紅燒牛肉湯麵牛展肉厚，軟腍。粗麵有咬口。湯底味道徧濃，八角、桂皮等香料味道突出。蘿蔔，清甜多汁又無渣鹽酥雞扒肉燥便當一說到台灣味，鹽酥雞絕對是榜上有名。這裡做到鮮嫩多汁，口感Q嫩又酥脆。超好吃!肉燥以瘦肉為主，口感較重。味道鹹中帶甜。甘梅地瓜條蕃薯香氣撲鼻。外表黃金酥脆，內裡綿密。炸得外酥里軟的地瓜條，配上酸酸甜甜的甘梅粉，讓人忍不住一口接一口！黑糖珍珠奶茶黑糖味道濃郁。略嫌茶味有一點點不足。…查看更多

一心去深水埗買電腦用品，行左半日咩到買唔到，不過就發掘到間好食又有風味嘅台式小店，總算不往此行😆。店舖裝修到六七八十年代既模樣，起初都喺因爲哩個原因比佢吸引左入去。望望餐牌食物款式唔算好多，不過好多經典台式食品例如牛肉麵、蚵仔煎、手抓餅都可以揾到🤤。哩個紅燒牛肉麵湯底味道濃郁，牛肉同配菜完全吸收哂湯底既精華，唔單止上色，仲好入味。牛肉利用牛𦟌肉烹煮，瘦多肥少，肉質夠淋。麵條爽口彈牙，有口感。起司蛋手抓捲餅新鮮做起，熱到出哂煙。捲餅好軟身好煙韌。雞蛋煮到半生熟，透過捲餅本身熱力將蛋漿整到八九成熟，剩餘既蛋漿同溶溶既芝士混合埋一齊，令到整個捲餅好juicy，唔乾身，超級好食。蔥肉餡餅餅底好脆口，餅薄餡料多。蔥同肉比例適中，經過煎煮後肉汁仍然鎖喺餅內，食既時候要份外小心😆。哩到其實仲有好多台式飲品選擇，平時行街行到攰可以入黎飲杯野食下小食。…查看更多

夏日炎炎，冇乜胃口，簡簡單單食碗麵最好😋上次夜晚5個人去食要等30分鐘左右，今次2個人去食等一陣就有位。牛筋同牛肉燜得好稔好入味，一啲渣都冇，扁麵好彈牙，而且份量十足🤤湯底濃郁，微微微辣，食嗰陣唔覺得好鹹，但夜啲有啲口渴😐生菜掛住湯汁好好味，相比之下蘿蔔顯得遜色，唔入味之餘仲有啲苦😢大杯檸檬愛玉原價$22，跟麵配飲品可以減$4。小店冇得同主打檸檬嘅連鎖店比，愛玉份量偏少，就係一杯普通嘅檸檬汁加一粒粒嘅愛玉。揀咗微糖，好在口感都幾清爽。食完麵飲都幾舒服。…查看更多

今日難得朋友約我食飯，要便宜，又好食，當然去深水埗啦好香大大件雞排，咬落酸酸甜甜，系甘梅味道發揮功效，雞排食落香酥脆，超級好吃豬軟骨好淋，軟骨超好食，好高骨膠源；將肉燥和青瓜絲撈埋入寬麵條，好惹味牛肉系扎成一條蛋卷似的，超吸引啊咬一口，鼻蕾完全聞到好香牛肉味，大大块，肉質鮮美多汁配菜：白蘿蔔好入味，吸收晒湯汁味道，生菜好爽口焦糖奶茶甜味適中，珍珠彈牙，蘆薈粒食落帶有甜味，超特別芝士岩鹽奶蓋浮在上層，下層系巧克力，傾斜角度飲一口，芝士味和巧克力味分別在混合在一起而進入口內，好好飲好滿足一餐餐牌上還有好多食物未食過，下次再來食其他小食室內好古典文學，好似走懷舊風格…查看更多

深水埗很多特色食肆，見它是新開的，裡面裝修很有特色，決定試一試。我點了個招牌紅燒牛肉麵，既是招牌，理應好吃。吃著吃著，忽然發覺：怎麼不辣🤔🤔🤔🤔不過沒關係，伴麵的蘿蔔很入味，加分！不過如果沒蘿蔔，整個麵其實沒什麼特別。男友叫的是牛肚牛筋湯麵，湯底跟我點的一樣，不過整體比招牌的牛肉麵更好吃，至少牛肚牛筋都入味。我們另外點了一些小食，台式小香腸，一碟有4條，點單紙清楚列好。來到時有點驚喜，有甜薑等伴菜。不過這是我最不推薦的菜，因為完全沒有台式香腸的味道。至於紅油抄手，用的不是紅油（就是沒有用辣油制）用的是沙茶醬，所以只吃到沙茶醬的味道🧐🧐🧐🧐也是有點意想不到滷蛋豆腐比較乾身，滷水味不夠。不過值得一提的是飲品。可選大杯，小杯。價格只差$2。還可以選多冰少冰，少甜微甜。最重要是，餐廳選用外賣杯，喝不完可以帶走，一點都不浪費！總結：小食相對失色，可再光顧飲品！…查看更多