星海薈﹒譽宴

營業中

休息中

這間海鮮酒家位於沙田的萬怡酒店內，鄰近地鐵站，亦鄰近購物熱點—新城市廣場，主打高質點心及粵菜；晚市時段設有特惠孖寶及其他優惠食品，亦有四人、六人及十二人等套餐，適合聖誕、冬至及公司春茗等多人聚會。高貴亮麗的環境寬敞舒適，亦是婚宴場地的不錯選擇。招牌白胡椒蟹 - $638足足斤半重的肉蟹肥美飽滿，芳香不嗆喉的白胡椒雖帶有辛辣味，但能令到螃蟹本身的鮮甜味更明顯，層次相對較為豐富；兩隻蟹鉗超級巨型，紮實彈牙充滿肉汁；蟹身更加細嫩鮮甜，更有少許甘香的蟹膏，鮮味無比。古法沙薑雞 - $118一整隻鮮雞用古法炮製，香氣四溢的沙薑特別入味，雞皮清爽幼滑，肉質細嫩可口，連雞胸亦不乾柴，食而不膩，回味無窮。花旗參竹絲雞海螺燉花膠 - $98/位真材實料的老火燉湯，補氣提神的花旗參帶微微甘苦，鮮甜的竹絲雞滋陰補腎，更有脆嫩的海螺和富膠質的花膠。

正頭痛今年公司春茗地點, 今晚家人到位於沙田萬怡酒店一樓的星海薈食飯, 馬上叮一聲: 正是我要找的地方! 中餐館鄰近沙田市中心, 馬鐵, 巴士, 小巴多樣化交通可達, 又有酒店停車場, 自駕都無問題 。位於酒店內, 裝潢當然絶不失禮, 大堂呈長形估計可擺20圍枱,  中央設有不太高但非常寬闊的舞台, 非常適合做春茗聚餐甚或婚禮。餐館有多款套餐選擇, 但我們還是散叫, 四餸一湯, 食個飽飽!   川貝海底椰鱷魚肉燉花膠湯, 清甜美味, 食材超多, 滋補潤肺, 好適合秋天乾燥日子食用。紅燒皇子乳鴿皮脆肉嫩, 附膠手套及濕紙巾方便大家大快朶頤。家常海參豆腐煲, 落重成本好多海參, 先煎香過的豆腐軟彈, 咬開內裡依然白白滑滑。瑤柱扒豆苗, 翠綠的豆苗表示食材新鮮, 配上啖啖瑤柱碎的獻汁, 健康美味之選。最後當然少不得星海薈的招牌白胡椒蟹, 大大隻蟹鉗好吸睛, 但我最愛的是蟹腳, 蟹肉一梳梳, 胡椒味重, 值得推介。  

香港沙田萬怡酒店內 1樓(星海.星海薈)酒樓中心位就是舞台位置, 以浪漫薰衣草顏色配搭 一串串水晶垂在舞台2邊.門口黃色人仔非常搶鏡, 像伴郎一樣酒店地方近沙田市中心都很方便,晚市有很多套餐優惠!餐牌茶介, 小食正常, 最重要好吃我們分別選了：川貝鱷魚燉花膠湯；招牌白胡椒蟹；特惠孖寶$198 （紅燒皇子乳鴿和清蒸龍躉斑仔）；薑蔥龍蝦滑雞煲；清香桂花糕（＾＾）首先上菜很快先到是紅燒皇子乳鴿真的BB乳鴿，細細隻肉質非常嫩，皮薄脆不肥膩味道入味骨頭都軟軟地，回味無窮！招牌白胡椒蟹一分錢一分貨，上枱用鐵板的服務員上菜時, 再淋上秘製白胡椒汁，滋滋聲好香胡椒味肉蟹大過我成隻手掌帥傅已經拍開蟹殼，所以食時好容易開, 啖啖肉.肉質厚實好滿足，而且蟹味鮮甜加上胡椒辣味連爆過紅洋蔥都好惹味，色香味俱全！川貝鱷魚肉燉花膠湯見到大大粒無花果，即叫即燉熱入口甜到無法形容，厚身花膠軟臥好味, 非常燙口, 要小心喝鱷魚肉我都有食，瘦肉口感比較硬身，食完胡椒蟹喝燉湯覺得喉嚨很舒服！薑蔥龍蝦滑雞煲 用的是原隻波士頓龍蝦薑蔥蠔油汁味道不錯，雞件滑溜，雞脾肉位多。清蒸龍躉斑仔蒸時間掌握不錯, 剛剛好很嫩滑桂花糕口感爽口清

今日帶兩老食好野，來到這間中菜館，位置位於酒店的商場內，中菜館長形設計，裝修一點都不馬虎，還帶點氣派呢！這裡的套餐款式很多，還有一些是孖寶的，當然少不了散叫的菜式，我們左挑右選，終於點了幾個菜色。餐前小食，每枱都會有的餐前小食，今日是芥苿黑白木耳，味道很爽脆，吃到有日本芥辣的味道，用在餐前小吃非常合適！雪梨無花果花膠燉湯，大大片的雪梨浮在水面，裡面還有原粒無花果和數片花膠，雪梨的潤喉加無花果的清甜，再加上花膠的滋陰，味道清而不躁，是秋冬的最好湯水。眼見隔離枱的生炒臘味糯米飯很吸引，所以我們都不執輸叫了一個，糯米飯炒得粒粒分明，口感煙靱，色澤也炒得很均勻，臘味很多，但味道不會像坊間的那麼咸，我們三個人可以每人吃到兩大碗，份量可不容懷疑！面頭還撒上蛋絲和蔥粒，令到糯米飯梗香，視覺梗豐富。招牌白胡椒蟹出場，胡椒蟹用鐵板上，臨上枱前侍應幫我們將白胡椒汁淋上面，熱騰騰的聲音响起，加上胡椒的香味撲鼻而來，非常治癒。肉蟹很大隻，和我的手掌差不多，蟹拑也很大隻，一啖一啖的肉咬著，非常滿足，蟹腳也可吃到一絲一絲的蟹肉。胡椒令到蟹肉鮮味提升不少，非常惹味。除了蟹外，他們用上紫洋蔥墊底，紫洋蔥吸收晒白胡椒汁

今日屋企人生日🙆‍♀️特登搵咗間中菜廳食生日飯🥰網上見到好評不斷,就一於試吓!估唔到真咁高水準👍店員好有禮貌,而且安排咗靠窗位置俾我哋就坐!環境好優美,坐得好舒適!同埋食滿$400就可以免費泊車😆招牌白胡椒蟹🌟唔怪得知喺呢度嘅招牌菜式之一,見到隔籬幾枱都有叫好吸引,蟹肉新鮮大隻😋味道十分惹味真係好推介👍巨無霸蟹份量已足夠三個人食!食到舔舔脷停五到口😆招牌菠蘿咕嚕肉🌟外皮炸到酥脆內軟,酸酸甜甜好開胃送飯一流🤩仲有成條菠蘿慢慢食真心正!店員話呢個菜式係攞過獎，真心要試試😋雪梨無花果花膠燉湯🌟味道好清甜潤喉解渴,好適合而家呢個天氣飲!金銀蛋祲菠菜🌟火候啱啱好菠菜好嫩,加埋西芹同蛋口感非常豐富!紅燒皇子乳鴿🌟外皮脆卜卜,肉質好實在美味可口!

見宣傳話胡椒蟹震撼價$298，專登嚟呢度食晚飯。原來除咗白胡椒蟹特價之外，仲有三選一嘅晚飯推廣，心大心細之下都係食個白胡椒蟹先～超鮮味呀隻蟹，淋上秘製白胡椒汁，色香味俱全！仲有隻蟹已經扑到好易剥，膠手套、濕紙巾、蟹鉗齊全，非常貼心。中式嘅脆皮燒雞$198我最鍾意，鹹鹹地，香味十足，皮脆肉滑餸飯一流～金銀蛋莧菜$128都好味㗎，好多上湯，金銀蛋鋪滿莧菜面，鹹鹹地嘅上湯真係可以連湯都飲埋。換碟快，環境舒適，座位與座位之間夠晒闊落，呢餐晚飯唔錯～

阿媽話街市唔係成日有大隻嘅蟹，但又好想食.....朋友推介嚟呢間酒店裏面嘅食肆，果然大隻兼抵食。招牌白胡椒蟹，阿媽目測大概斤半重，蟹肉又厚又多，隻蟹鉗大都呢！仲話話呢個份量嘅係如果街市有得賣都要二百幾$300 ，而且唔係時時有，都未計煮嘅心機同水電煤。而家$468唔使自己煮唔使自己洗，！話時話，鐵板上枱，侍應再喺蟹面淋上胡椒汁，即時椒香撲鼻，聞一聞真係格外醒神呀！胡椒香同辣逼入蟹肉，微辣的香氣更加突顯蟹肉嘅鮮甜，個種味覺衝擊好正！胡椒平衡左蟹嘅寒性，呢個配搭幾好喎！清蒸虎杉班足足有一斤重，我同阿媽兩個食就啱啱好，條魚蒸到啱啱好，條魚仲擺得非常生猛。豉油都沾到魚鮮，未食望下魚眼就知新鮮。甜甜蜜蜜嘅拔絲菠蘿咕嚕肉都係朋友推介，拔絲嘅做法令咕嚕更脆。外脆內軟有焦糖香味，新鮮多汁嘅菠蘿同咕嚕肉，一濃一淡，絕對唔會咁易食滯。我好鍾意食金銀蛋浸菠菜，呢度又煮得幾好。欣賞呢間食肆用嘅都新鮮靚料，上湯浸住靚皮蛋咸蛋同菠菜，索哂味，湯頭都好飲。呢間的確係同系列較高質嘅分店，無論服務、食物、整潔度都比其他分店更好。金屬感同幾何線條配合、優雅華麗水晶燈、沿路走來嘅酒店範圍，係有鼓尊貴氣派。

位於石門嘅萬怡酒店一樓，環境十分靚😍好乾淨舒服， 準備入門口嗰陣，店員會首先同你探熱，之後就可以自己噴消毒酒精噴霧。/💕招牌白胡椒蟹$388💕足料老火湯$168💕生者唐山菜煲$128 💕金磚豆腐$58💕假日/晚市茶芥$30/2-💕 招牌白胡椒蟹$388［滿星］⭐️⭐️⭐️⭐️⭐️‼️招牌菜真係招牌菜！😍用左獨特嘅胡椒調味，我一向都比較鍾意薑蔥炒蟹，但係依個調味一點也不輸蝕，胡椒香味同味道都好香好重味，好正！而且好多肉、好多膏❗️淨係一個蟹蓋已經嚇親我，一拎起超超超級多膏，蟹鉗又勁多肉，啲肉唔使刻意再掂啲胡椒汁，都好重胡椒味了！🥰🥰份量又好多又爆好食，一開始食咗一舊之後根本停唔到，係要食晒佢先至食到其他嘢，但係食到一半已經有啲飽嘅感覺😂😂😂依個價錢真係必食！/💕金磚豆腐$58［滿星］⭐️⭐️⭐️⭐️⭐️‼️我係一向唔中意食豆腐，平時比人逼先食半舊😂😂😂😂但係我竟然食到3至4舊！個炸皮好薄，又有點胡椒味😍咬入去個皮唔會硬，一咬就入到豆腐，重點個豆腐超級滑，好似豆腐花咁！（因為我唔食豆腐但係食豆腐花）😂/💕生者唐山菜煲$128 ⭐️⭐️⭐️⭐️一黎到就好香，因為佢係煲上所以嚟到都炸炸聲！好夠味，落左辣椒、肉粒調味，好正！💕足