大甲芋圓

營業中

休息中

原來有間平價版既芋圓專門店隱藏左係天水圍既民間😳我叫左個「招牌大甲芋圓」入面有仙草.芋泥. 芋圓地瓜圓. 大甲芋頭雪糕..份量好足（雪糕食左先記得影相😳）首先雪糕有啲淡.食落有啲似刨冰.芋圓就好煙韌.非常有咬口芋泥就有淡淡既芋頭味最最最有驚喜係仙草微甜.唔會一味死甜.入口重好滑.一碗份量足.又煙韌既芋圓都係賣$28.$28.$28最平$25有交易…..完完全全係學生負擔得起既芋圓平民版既芋圓經過天水圍不況一試..

C R A Z Y❕廿八蚊食到你飽嘅芋圓😱 原先睇到個價錢都對網上相中嘅size有啲保留，點知實物真係圖文相符🤩————————————————————————🔸招牌大甲芋圓🔸$28仙草｜芋泥｜芋圓地瓜圓｜大甲芋頭雪糕原先仲有埋包餡芋圓，但佢停售😭#仙草 我本身唔好，不多作評述，淨係知個底滿滿的。#芋圓地瓜圓 唔係好高汁嗰啲，芋頭同地瓜味比較微弱，口感偏硬 但同樣地好足料。#芋泥 純天然無添加的味道😚#大甲芋頭雪糕 今次嘅MVP✨ 佢嘅質地令我一再懷疑究竟係咪雪糕，質地綿滑 擺極都唔溶，同芋泥嘅分別只係奶味重咗，將芋頭打蓉加奶嘅感覺 真材實料🫶🏻————————————————————————［總括而言］廿八蚊❕我重申一次佢只係需要廿八蚊❕食到大大份又有啲質素嘅芋圓，仲有啲咩好投訴🥹 女仔當佢係一餐飯嚟食都可以。

天水圍呢間芋圓鋪都已經好多年了，成日都會見人買，今日都食翻次先。既然去得食，就緊係食人地個招版－－「招牌大甲芋圓」。望落都足料，有四款大小唔同嘅地瓜圓同芋圓，有個芋頭泥，再加個芋頭雪糕。芋泥好食，充滿芋頭香；芋頭雪糕都好食，不過就較重奶味。芋圓煙韌，都好有芋頭香。下面鋪底嘅係好多涼粉。涼粉口感適中，唔會太軟，甜度適中。另一款叫嘅係大甲三寶，入面乜都有：蕨餅、白玉、地瓜芋頭圓、寒天等等。份量都唔少，可以一次過食到好多種唔同嘅食。味道都數錯。呢間芋圓店足料 ，價錢唔貴，整體唔錯。

有冇試過食芋圓搭抹茶、焙茶雪糕等配料呀？呢間有呀，仲幾好食，會encore！😆▫️🔸焙茶仙草芋圓 $26Hojicha mesona taro ball第一次食焙茶雪糕，茶味好香濃😍啱晒鍾意茶嘅我，雪糕、紅豆、芋圓同地瓜圓下面係大大舊仙草😋唔係糖水/冰嚟㗎，好足料🤩芋圓同仙草都好食呀，唔會太甜，芋圓好煙韌，仙草爽口～▫️🔹招牌大甲芋圓 $28Signature Da Jia Taro Ball呢個啱鍾意芋頭嘅朋友，有一球芋泥同一球芋頭雪糕，前者芋頭味重啲，後者其實唔太似雪糕，接近芋泥嘅質感～

芋圓熱潮仲未過，尼間糖水鋪主打芋圓，基本上有仙草/豆花/紫米/綠豆沙底，餐廳就幫你配左配料。碗碗都有非常多既配料。叫左招牌大甲芋圓($28)，焙茶豆花芋圓($26)，抹茶仙草芋圓($26)。尼款最岩鍾意食芋頭既朋友，有1大球芋泥，芋頭味香濃，雪凍凍地，質地好似雪糕咁，加上1大球芋頭雪糕，再配上包餡芋圓，芋圓，地瓜圓。全部都好煙韌，冇煮過龍。仙草底既份量亦多，唔太甜。焙茶雪糕好重茶味，亦有芋圓，地瓜圓，起碼有10幾粒。豆花滑，豆味重，唔太甜。仲有紅豆點綴，所以好豐富。抹茶雪糕香濃重茶味，同焙茶豆花芋圓既分別在於，雪糕唔同左，個底唔同(仙草/豆花)，所以隨個人喜好揀想食咩。整體，已經食過好多次，每次既配料都非常豐富，而且水準keep到。

今次真係山長水遠入左天水圍食芋圓，事關早排見有個雜誌post話推介呢間「大甲芋圓」排頭4位？所以趁放假去check it out~星期六下午2點幾去到，唔太多人，唔洗等位。店舖不大，座位比較少，坐得舒服，最埋邊靠牆有個bar枱位。望望張menu芋圓配搭選擇算多，可以配豆花、紫米、仙草。招牌大甲芋圓男朋友9秒9就揀左招牌款，配料好豐富！有3色芋圓、包左餡嘅大粒芋圓、仙草、芋泥、芋頭味雪糕，咁多料都只係$28好抵食！芋圓煙煙韌韌，仙草清甜滑溜，我們覺得最驚喜係芋泥同雪糕，好重芋頭味，而又唔會太甜。紅豆仙草芋圓芋圓、仙草同招牌一樣，粒粒紅豆蓉，唔太甜，配芋圓一齊食都好夾！個雪糕食落好似椰子味？味道就偏淡，冇招牌果個芋頭雪糕咁好味。

第一次寫食評～之前上網睇到有人介紹見賣相不錯 價錢又唔貴 就試下買左個招牌大甲芋圓 有哂幾種芋圓同埋勁多仙草 加芋泥同芋頭雪糕各一球料係好多 但味道真心一般仙草食唔到有味 芋圓味唔突出成碗野淡貿貿🤔唯一可取是果球疑似芋泥雪糕既野食左半碗就放棄左👋🏻