上車車仔麵

其實之前都有聽過呢一間上車車仔麵，不過由於人流太好，真係太多人幫襯，唔係次次都有機會堂食。今日經過，終於見到冇乜人有機會入去試一試，本身猶豫食乜嘢之際，見到有一個叫做招牌八寶招牌八寶 $50有魷魚魚蛋豬肚牛腩雞翼糖心蛋蘿蔔影真大件夾抵食，咁樣都只係$50 以為咁平質素都應該一般般，點知蘿蔔冇渣非常清甜，魚蛋彈牙得來仲好有魚蛋味，豬大腸，竟然可以一啲臭味都冇，仲要冇肥肉。糖心蛋好食到我食完先醒起自己唔記得影相。蛋黃係橙黃色，相信應該係日本蛋。又平又快又好食，一定會再幫襯…查看更多

冬蔭公湯底嘅車仔麵大家食過未？在石門嘅一間車仔麵店，佢的湯底同麵底都好創新：除左平時嘅湯底之外，仲有冬蔭公同胡椒口味；麵底則有左陳村粉，在車仔麵店算罕有。$38有三餸一麵連飲品，而$50的招牌八寶-牛腩、雞翼、蘿蔔、豬皮、魚蛋、豬腸、魷魚和流心蛋🥚。陳村粉頗滑，份量充足。更重要嘅係冬蔭公湯底，唔會太辣，而且加上香茅，酸酸地好開胃，有啲似食泰國船麵，好有泰國風味。而配料唔會太難食，但無咩特別：特別係魷魚，有啲韌；魚蛋也唔太彈牙。雖然舖面面積不大，但其裝修有啲似中國古時大牌檔的風格；而且舖面乾淨，用餐感覺非常舒服，要多啲支持吓💪🏻💪🏻——————————————————————————————餐廳評分（5分為最高）美味：🐤🐤🐤🐤環境：🐤🐤🐤🐤🐤服務：🐤🐤🐤抵食：🐤🐤🐤🐤可達度：🐤🐤🐤🐤🐤…查看更多

要數沙田石門街坊良心店，一定係呢一間呢間車仔麵店經常大排長龍大概係因為大家有共同目的......食車仔麵啩室內裝潢傳統，設計似大排檔地磚、牆壁、牆上餐牌都係，重有木枱櫈為主3餸車仔麵僅$38，叫個8餸車仔麵都係$50車仔餸有幾款平時比較少見嘅款式包括牛面珠條、原件花膠、新鮮鵝腸、仿長腳蟹棒、辣鹹酸菜等招牌八寶 $50有8款餸有溏心蛋、魚蛋、魷魚、牛腩、蘿蔔、雞翼、豬皮、豬腸，加埋菜芯腩汁好配合，湯底色澤偏深，鹹度適中原隻溏心蛋咬開呈流心狀，似日式嗰種溏心蛋牛腩入口軟腍，帶有少量牛筋感，有咬口豬皮、蘿蔔、豬腸就比較吸收湯汁，軟身又入味，豬皮厚身而爽口，幾抵食不過魚蛋、魷魚就一般，唔太入味，有少少硬身，唔多吸收到湯汁三餸麵 $38，陳村粉、冬蔭功都係極罕有嘅車仔麵配搭餸揀咗豬紅、蘿蔔、牛面豬條蘿蔔足足兩大舊，夠晒清甜，軟嫩無渣，入晒味豬紅就比較普通，唔太特別牛面豬條就比牛腩更軟嫩，有少少筋位略帶油脂香，牛味更濃郁，有入口即溶嘅感覺最特別之處係湯底有冬蔭功，麵底有陳村粉幾有新鮮感！陳村粉較粗身，比河粉闊，但比河粉薄質感爽滑，好有懷舊味道，好掛湯冬蔭功湯底原理原來係一羹冬蔭功醬混合基本湯底湯底本身似係有少少腩汁，略有牛味加入一羹冬蔭功醬後就成為冬蔭功湯底本來湯底驟眼睇與感幾稀，無任何掛湯感但試一試發覺味道幾濃，仲有幾分辣味，辛辣味中又夾雜少少香茅味…查看更多

今日和同事去左試新野，餐廳在公司附近今次又外賣自取，為求試下上車車仔麵邊種配料好味，一於叫左個招牌八寶粗麵食。湯底好深色偏咸，招牌八寶配料包括魷魚、蘿蔔、豬大腸、魚蛋、豬皮、雞翼、牛腩、糖心蛋，仲有塊生菜。魷魚鬚好硬身仲要無咩味唔食好過食。蘿蔔淋身大大件但就唔入味。豬大腸煮得好軟身食落有點異味。三粒魚蛋普通貨色細細粒。三塊豬皮好軟身好吸湯味。雞翼味道還可以。牛腩好深色好淋肉味被湯底汁濃味掩蓋，糖心蛋蛋黃呈流質好入味，蛋是咁多配料中比較好味一款。…查看更多