友利坊 x 友利冰室 x 勿當奴 (已結業)

📌 友利坊 x 友利冰室 x 勿當奴 - 太子彌敦道750號始創中心地庫B1樓B02-06號舖🗓(10/7) 星期一 ⏰ 晚上6:45左右 💈特式：今日行開太子，見到始創中心地牢開左間友利冰室 x 勿當奴嘅餐廳，見到門面/裝修都係好本土香港人風格💛，玩味十足，咁就梗係要支持下本地餐飲業啦。🥩🍔🌭🌮🥗🥯🥘🍲🍝🍣🥟🍤🍱食物：佢地提供嘅食物都幾多元化，有港式茶記食物/中式小炒/廣東燒味/日式烏冬丼飯/快餐焗飯漢堡/西式扒餐意粉，真係應有盡有，好似一個小型food count咁，而家等我同大家講下味道先。晚市二人餐 $238 - 佢地呢個餐係包左一個八揀一嘅主食，一款飯或意粉，仲有兩杯飲品。🐮🦐香煎封門柳及吉列炸蝦 - 主食就揀左封門柳，餐廳係選用紐西蘭谷飼牛，蝦就用吉列炸再配埋日式燒肉汁，可以一次過食到西/日式。谷飼嘅封門柳肉味比較濃，就算上枱已經有大約8成熟，入口唔會覺得鞋；吉列炸蝦即炸熱辣辣，size都ok，表面好脆口同最緊要係唔油。🐷招牌乳豬卡邦尼意粉 - 呢個意粉跟餐要加$10，不過見佢真係太特別，用中式燒乳豬配西式嘅卡邦尼。餐廳標明佢地d燒味係自設工場，每日新鮮出爐，所以都值得一試，燒乳豬脆皮肉嫩，入口有油脂香，仲真係會跟埋乳豬醬，細節分滿滿。個卡邦尼汁底超creamy，餐廳用上扁身意粉，勁掛汁，抵讚👍。🐥日式唐揚炸雞 $48 - 呢個係跟餐加配小食，size就係一口尺寸，外皮炸得好脆，但又唔會好油膩，入面有肉汁都好juicy，仲有配埋沙律醬。☕️🍵🥤🧋🍺🍷🥃🍹🧉🍾🍶🥛飲品 : 飲品就跟套餐包埋，當然係要試佢地嘅自家製飲品，叫左富士蘋果伯爵茶同洛神花茶，味道都唔錯，仲要係膠樽包裝，飲唔晒可以拎走，一邊行街一邊飲。🍽環境：餐廳佔地都唔算好細，門面同入面牆身都有大量本土特式嘅塗鴉，例如有獅子山/香港飲食文化/屋村文化等等，當然仲有好多香港獨有字句之類，枱凳方面都算擺得鬆動，坐得幾舒服，地方亦都光猛整潔。🤵🏻🤵🏻‍♀️🤵🏻‍♂️服務：店員服務幾好，呢度營運模式係類似快餐店，入座前首先在門口counter買食物，之後搵位置坐低，就會有職員送餐上嚟，而且上菜速度都算快，餐具同醬料就放晒係出面自助區自取。💰💸價錢：叫左個二人餐，包埋飲品，再加埋小食，埋單都唔洗$300，係太子區嚟講都算相當抵食，又可以當支持下本地餐飲業。🐲💬總結：我覺得係呢度可以食到咁多唔同國家嘅菜式，雖然未叫樣樣做到好精，但都捉到該國菜嘅神髓，而且亦值得香港人去幫襯，支持下本地香港食肆都好應該，況且佢d食物質數又唔差，整體感覺都唔錯。推薦指數：❤️❤️❤️❤️💛…查看更多

二次光顧「友利冰室 x 勿當奴」，今次來到太子店，面積比荔枝角店大，坐得更舒服。和朋友點了一個二人餐，分別有一款主食、一份飯或意粉、兩杯飲品，都幾豐富。餐廳強調食材大部份都選用外國入口，如這一塊斧頭豬扒就是採用美國榖飼豬。豬扒煎香，肉質juicy嫩口，配以蘋果黑醋醬，果香、醋酸味和豬肉異常匹配！碟上還附有沙律，以及一個薯蓉球。當中式乳豬遇上西式意粉⋯⋯意粉也是使用產自意大利的扁意粉，頗為掛汁。卡邦尼醬creamy，夾雜了煙肉片和菇菌，不過就稍嫌醬汁有點過多。乳豬有3件，外皮烤至脆身，豬肉肥瘦度適中。蘸上乳豬醬同吃，味道酸酸甜甜，幾香口。二人餐附送飲品。試了蘋果伯爵茶，打開已聞到香濃的蘋果味，入口是清香的伯爵茶味，間中又會滲出果香，幾特別。另外點了一份日式唐揚炸雞小食。雞粒炸到脆卜卜，入口惹味。…查看更多

有些事情，你忘記了嗎？時間匆匆，結業的結業，變節的變節，有點唏噓～但就帶著這點唏噓，提醒自己還有一點選擇，有些事情發生過就種在心裡。 以上的都是廢話喇～重點是我和朋友都想吃勿當奴 x 友利，這兩個月已經是第3次光顧了~(⊃｡•́‿•̀｡)⊃ 快要變成我們的約會飯堂了。.以下價錢是兩次光顧的參考:.友利冰室對食物出品相當有要求，每樣食材都經過嚴選。叉燒使用美國穀飼梅頭在自家工場燒製，無人工激素生長可安心食用，叉燒滑蛋飯的蛋是用日本來的，相對地也會較濃郁。香煎封門柳及吉列炸蝦配日式燒肉汁超級有驚喜，紐西蘭草飼牛柳肉味香濃，煎得剛好五成熟，還保持肉質鮮嫩。炸蝦香脆，配料的薯容都很滑，不會說能媲美酒店級，但以茶餐廳來說應該都可以上天花板了～招牌乳豬卡邦尼意粉的乳豬相當脆口，ᴄᴀʀʙᴏɴᴀʀᴀ 的杰身程度剛好，不像牛柳的驚艷，但亦不失。——-勿當奴就第一次食，ɪɴ ɢᴇɴᴇʀᴀʟ 是挺ᴊᴜɪᴄʏ的，我的魚柳包都不錯，魚有魚味xDDD，認真的因為別家真的沒有。薯條很好是粗薯條，點都好過淋ᴘᴀᴛ ᴘᴀᴛ的！✤叉燒滑蛋飯 $58✤香煎封門柳及吉列炸蝦配日式燒肉汁 $198二人餐✤招牌乳豬卡邦尼意粉 ($88單價/跟餐+$20)✤黑松露帶子炒西蘭花 $68..✿豬柳強餐 $42✿將軍噢堡餐 $48✿魚柳包餐 $48✿追加 脆香雞翼 $16…查看更多

🍽️：友利坊 x 友利冰室 x 勿當奴 (太子)太子呢間餐廳都開左一段時間，一直都無去試，直至朋友揀左呢間食晚餐，終於可以試試佢。食完第一次覺得幾好食，隔幾日我又去食多次😂首先第一次我食左招牌乳豬卡邦尼意粉$88。餐廳格局雖然似茶記，但呢個卡邦尼絕對有西餐廳嘅水準，醬汁整得好creamy，但食落一啲都唔膩，食哂成碟都唔滯！乳豬皮亦都燒得好脆，皮同肉嘅比例都好好！中西合璧嘅菜式，但一啲都唔怪！第二次去左試白汁海鮮焗飯$68。我叫左少飯，份量都好大😂海鮮好足料，除左面頭兩隻青口，仲俾左好多隻蝦，同其他海鮮粒粒。最鍾意就係面頭金黃拉絲芝士，超級正😍另外兩次都加左8蚊要野飲。我分別要左檸檬伯爵茶、富士蘋果伯爵茶。個人覺得稍甜（利申平時飲開少甜/半甜），但幾香，平時唔使叫少甜嘅可以試下！…查看更多

久違了的約會，難得友人放假就到時間聚下，就腳之下去旺角行街食野，今次去了想去好耐的友利冰室，試下出名的乳豬卡邦尼意粉。位於始創中心樓下十分方便，有點類似快餐店模式先付款後有位及送餐。餐牌，食物有多款選擇，要了兩個Set Lunch 。飲品及餐具都係自助，飲品都有好多選擇。熱飲。仲有售賣凍肉等等。廳面頗大，裝潢簡約，牆上的可愛插畫具港式風味。等待中見到火鍋幾吸引。招牌乳豬卡邦尼意粉，$88。乳豬得3片，份量比較少，乳豬皮脆香口，好味！卡邦尼材料有蘑菇及煙肉等，意粉口感creamy ，正常水準。秘製冬陰功海鮮炒意粉，$68，有青口、蝦、蜆及魷魚等材料十足，冬陰功味道香辣少少酸好醒胃，意粉軟硬適中又入味，幾好味呢。檸檬伯爵茶，跟餐+$4，淡淡的檸檬清香，同伯爵茶的茶味平衡，味道十分清新。食物味道幾好，價格合理，支持良心小店。…查看更多

很久沒去始創找吃，發現地庫開了這家新的食店。揾位，返回入口看餐牌，點餐付款，囘座位等侍應送餐。餐牌很多選擇而且表達得有點混亂，朋友提到乳豬出名，便隨便點了招牌乳豬卡邦尼意粉($68)。店内雖然是茶餐廳格局，但地方寬倘，有卡位，坐得挺舒服。等了大概10分鐘，意粉送來，賣相跟餐牌是一樣的，用大碟盛著。乳豬皮夠香夠脆，但分量偏少。卡邦尼意粉的蘑菇、烟肉和白汁配搭得很平衡，但烹調和味道跟乳豬完全零交流，感覺只是把這兩種食品放在同一隻西餐碟上，有點摸不着頭腦。朋友點了叉鴨飯，分量足，味道也不錯。我們點餐時還跟餐加了花膠螺頭燉鷄湯(加$28)，裏面有少少花膠、少少螺頭和很多很'鞋'的鷄肉， 勝在不重味精，都算好味。…查看更多