北京老家

想同朋友聚一聚，朋友介紹呢間北京老店，環境設計以中國風木質傢俬為主，燈光暗暗的，瀰漫着古色古香嘅氣息。#北京填鴨 嚟到當然要食北京填鴨，一行3人叫半隻都夠食，皮脆鴨肉嫩，肥瘦分布均勻唔油膩。#涼拌萵筍個人都比較喜歡，清清地又爽口。#四喜烤麩麵筋混合冬筍、雲耳及菇，軟綿多汁。#醉雞酒香撲鼻，濃濃酒湯汁浸著滑雞肉。#小籠包有湯汁皮薄餡靚。#炸芝麻湯丸炸得金黃粒粒飽滿，熱辣辣，口感酥脆煙靭，皮唔厚芝麻餡多。#拔絲士多啤梨最注目一定係佢，一上枱賣相好吸引，麥芽糖拉絲再加埋士多啤梨，酸甜適中，外脆內軟，拎嚟打卡一流。坐得舒服唔趕人走，一班朋友食吓傾吓好滿足。#北京老家地址：旺角西洋菜南街218-220號生發大廈3樓…查看更多

大雨淋淋，經過一家古老飯店，竟然有喜出望外嘅晚餐！用茶洗杯時，聞到一股好香好特別的味，已經對呢間餐廳有啲期望，原來係麥茶，好飲！之後叫左個素鴨，幾脆，但片皮鴨就一般，皮唔夠熱，鴨可以！因為一般所以無影相，哈哈😆喜出望外嘅小菜係啲乜，就係全芫荽炒孜然羊肉，估唔到有驚喜，好食！😋最後叫左個拔絲士多啤梨🍓，整得好靚，師傅好有技術，每一條都好幼細，好利害，最重點係個士多啤梨好新鮮，又甜又好吃！值得再來！👍🏻😏…查看更多

屋企人想食上海野，本來打算去樂天皇朝， 老公覺得冇乜新意，跟住就揀咗呢一間北京老家，話說有朋友試過話呢間嘢幾好食。 但我已經忘記咗要揀食上海菜。嚟到呢一間北京老家， 本來係想揀尖沙咀嗰間分店，冇位關係所以book咗旺角呢一間，但係太子站出會近D。入到去覺得擺設裝修都古色古香，好有北京味道。 連一啲細節位好似張枱有塊好厚嘅玻璃，下面有個魚缸。 有屋企人認為呢一個炒麵好鹹， 但我又覺得味道啱啱好喎 土豆絲辣辣地酸酸地，幾好味， 同埋土豆絲好爽。 小籠包皮薄餡靚，多汁肉嫩。 個炸雞有啲似炸子雞，不過肉有啲鞋，有啲失望。 松仁魚喜出望外，全部骨起曬出嚟，啲魚肉好嫩好鮮，個汁酸酸甜甜好配合。 食呢個令我諗起食神，嗰啲拔絲嗰啲絲真係甜甜地，幾好味。冇諗過擺烏龍嘅一餐，本來無太大期望，但屋企人都好滿意喎!…查看更多

無論裝潢、格局或擺設都明顯很重「北京菜」風味，未開餐已讓你融情入景。蓮藕盒外貌平庸，手心大小。炸皮厚度剛好，一咬下去，層次分明，小小咸味，不錯。韭菜水餃非常入味，怎麼可以這麼好吃，讚！糖醋小排骨一點也不小，大大塊，份量很多。很淋，每一口也嚐到醋味。北京填鴨，環顧四周，幾乎每一張檯也有點這個。鴨肉同皮都片得算均勻，略嫌momo皮太多粉同不夠熱，有改善空間。拔絲士多啤梨，必吃！但等了15-20分鐘才到。順帶一提，有個很資深的大叔服務態度很好，又有food knowledge，這個行頭買少見少了👍🏽👍🏽👍🏽…查看更多

屋企人安排黎食，地點好易搵，上到去成個環境都好似古裝劇嘅景，非常之多人。一坐低發現玻璃枱底有缸魚，設計幾好，如果驚同枱尷尬無野講可以望下缸魚，不過之後野食黎齊都擺滿哂，唔會再記得有缸野喺下面，可以專心食野。我地叫左個套餐，未睇清楚個餐牌，屋企人已經落左單，所以有幾樣都唔係好知係咩黎。首先黎嘅係粉皮，咬落軟硬適中，不過個醬食到尾都幾漏。之後有碟唔知咩肉，評唔到，因為辣到我食唔到。然後有必叫嘅片皮鴨，鴨肉肥瘦適中，個人鍾意食甜醬加白色塊皮多過舊肉。孜然羊肉，好香，但羊肉好碎，偏辣。最好味係個柚子汁炸魚，雖然條魚好大，但食落又唔鞋喎，同柚子汁好夾。最後有個炒魚麵，外型同口感都同銀針粉好似，但佢係魚麵，所以食得多又係好漏，但味道ok。甜品叫左拔絲士多啤梨，個糖醬超甜，食一粒已經好夠。…查看更多

一班中學同學Gathering，新年就真係食到膩哂。咁食下京菜。雖然得3條友，但堅係呢d想試個d又想試。所以真係叫到成枱都係野。呢間之前都想同麥師父黎試下但成日講就唔岩時間。今次終於一試啦～點知...講真我自己啊下，純粹本人立場不代表他人意見!! 多人介紹既野我覺得唔好食反而少d介紹又ok禾~大家記得飲佢杯茶啊好好飲，類似玄米茶啦～總括就係ok得黎又參參地次囉如下 : …查看更多

朋友上次食過呢間京菜幾好食，見Apps有得訂枱一於去試下。用Apps訂左星期五7：30。店舖打過嚟話一係訂6：00，一係訂8：30，都算，知道旺角食野向都係咁，是但啦。於是改左8：30。好喇，早d去到都估到佢唔會有位，於是8：20左右上去諗住拎位啦，結果阿姐仲要話無booking，開埋個apps俾佢睇啦，佢仲要係咁望自己嘅booking紙。攪左一輪終於有位坐，好彩野食都算唔錯。先叫左個土豆絲，叫左個唔辣驚大家食唔到。雖然呢個係唔辣，但係都好香，幾爽脆！再嚟多個涼菜叫左個雞絲粉皮，呢個就無咩特別，正常味道！煎餃岩岩煎起熱辣辣，加少少醋好好味！清炒豆苗青青地可以中和番之後嘅辣味！清清地有d蝦又有d菇，唔錯啊！另外再叫左雞，叫左無咁辣嗰隻，唔記得係醬爆定宮堡...問左侍應，呢個唔係最辣嘅！賣相唔錯，而且無骨㗎！再嚟叫左個水煮魚片，無骨嘅，唔會好辣又有香味。底下仲有d薯粉同芽菜，吸晒d辣味，幾過癮！再來一個北京炒飯，其實係蛋白炒飯嚟嘅！糖醋排骨幾好食wor,又估佢唔到除左辣野之外唔辣嘅都Ok wor!最尾叫左個拔絲士多啤梨，好睇又好食，都總算下左d火。到今日朋友再login 個apps ，見到佢個booking俾呢間野寫左缺席，本身淋熄左嘅火又燒著左！唉，唔識用apps就用番最原始嘅電話book枱啦。唔計佢訂枱嘅服務呢間野係可以食嘅，不過我諗我唔會星期五六日嘅多人時間再試喇！…查看更多

店員說OpenRice 提供的95折優惠是只可以星期一至四。但COUPON沒有列明，我當日是星期六，所以不能使用優惠劵。我想問各位我是否可以去海關投訴OPENRICE及北京老家觸犯商品說明條列呢? 地點選點真心方便，容易找到。店內的環境裝修不錯，有仿估格調。洗手間清潔乾淨。侍應服務周到貼心。但真心講此店的食物唔掂，唔值得推介。廚房唔掂，冇心機煮。我是為咗北京填鴨來試呢間以北京老家自稱的北京菜食店，但真是不知所謂，無論色香味都沒有。如果唔信，試完為此店平反。但我推介的拔絲士多啤梨和草捆牛骨，都是gimmick，冇乜特別好食。總結係廚房做得唔好邊會好食。…查看更多

平時小妹一向食Cafe或西餐多，中菜多數都係一大班人先食，中菜的份量較多，多人分享先可以叫多幾款食物。不過最近又突然心血來潮想食片皮鴨，就黎到這間位於太子的「北京老家」，睇過食評半隻片皮鴨價錢唔算貴，而且仲有頗多不同的菜式可以慢慢揀，最注目一定係拔絲系列，拎黎影相一流啊!.餐廳係屬於樓上鋪，一打開電梯門，古色古香的環境就在眼前。木桌木椅木屏風，還有不少帶中國風味的裝飾，真的滿有特色。.就連每張檯入面都放置了一盤金魚，一路食飯時仲可以見到佢地游黎游去，舍意非常，這感覺真好呢!.餐廳所用的茶壺茶杯都印上了自家店名和圖案，裡頭裝的係麥茶，飲落挺香的。.餐牌上的款式選擇多，包括涼菜、北京填鴨、豬/牛/雞/羊菜色、海鮮、素菜、麵/飯/餃/餅、湯、火鍋和甜品。.蛋皮尖椒豆腐 $72本以為會係平時食開半件皮蛋加豆腐個種，原來呢度係將豆腐切成一粒粒細小的方形再加上少許皮蛋、紅椒和青椒撈埋一齊。本身喜歡食皮蛋既小妹仲概嘆得咁少皮蛋唔夠喉喎，點知食落原來又好惹味喎，送飯一流。.蟹粉小籠包 (6個) $108小籠包皮薄餡多，少不了的一咬爆汁，帶有蟹粉的香氣，但略嫌蟹粉味不重。.北京填鴨 (半隻 $198，一隻$358)，香脆鴨皮連京蔥、青瓜條和薄餅半份既片皮鴨份量都不少，兩個人夠食有餘。在薄餅皮上搽上一些京醬，再放上些京蔥和青瓜條，最後才放上片皮鴨包起。.咬落那片皮鴨皮相當脆身，加埋些脂肪位一同咀嚼夠晒香之餘又相當邪惡，好彩有些青瓜條平衡了一下油膩感，就是凍左咬落都係脆身，不錯。.京燒羊肉 $108原來京燒是炸的意見，每件羊肉都炸得頗酥香，食落帶點羊羶味，整體黎講係幾香口，不過食多幾件會覺膩。.拔絲士多啤梨 $88不愛食士多啤梨的話，仲有蘋果、地瓜、香蕉和山葯等選擇。小妹當然係首選士多啤梨，等左一陣這道拔絲終於上檯了，紅噹噹的士多啤梨上，還拉出了一絲絲亮晶晶的金黃色糖花，賣相還滿嘩然的，更惹來不少人的注目呢。.士多啤梨還滿大粒的，食完還頗多汁香甜，加埋面層的糖霜，咬落去帶微脆，甜味更見突出，好食。…查看更多