皇朝明珠

放假跟家人來吃午餐，食物整體很有水準，用料新鮮上乘；座位舒適寬敞，佈置相當雅致；環境及食器十分整潔衞生；員工工作認真積極，非常友善。他們推薦的菊普味道甘醇，加上淡淡的花香，喝完一口接一口。 室外座位很寫意，可以看看山海，往下走更可以遠眺慈山寺觀音像。蝦餃皮薄煙靭，內餡飽滿實正。蝦味濃郁，調味剛好，十分爽脆彈牙，是食過最好味的蝦餃。金魚餃造型像真，鮮蝦內餡和蝦餃一樣。水晶球外皮晶瑩剔透，可以看到入面餡料非常飽滿。配上味道淡淡但層次豐富的上湯，值得一試。帶子超級新鮮，口感柔軟，味道鮮甜獨特，有驚喜。內餡和蝦餃一樣飽滿實正，真材實料，香氣十足。兒時有見過三式糕，三式腸粉真的第一次見，非常適合想試多款口味的食客。腸粉很嫩滑，口感軟糯，內餡肉質鮮嫩。賣相絕對滿分，是打卡的首選。外層酥餅鬆脆，入面的汁煮和牛非常軟腍。小啤梨的造型超級可愛，咬開餡料有輕輕的柚子香，不會油膩。菜心很新鮮，脆度煮得剛好，而欖菜肉碎的味道又不會掩蓋菜心的清甜。炒飯很有鍋氣，粒粒金黃色，炒得非常好。餡料十足，有鮑魚，瑤柱，雞粒，原隻鮮蝦和帶子，整體調味不會搶過食材的鮮味。外皮超脆，肉味甘香，不喜歡肥膩的食客也可以嘗試這道菜。海味用料十足，整體味道很鮮甜，口感細滑。蛋散超級鬆化，入口即溶。楓糖醬分佈平均，甜度剛好。…查看更多

唔食唔知道，原來「皇朝明珠」已經有40多年歷史，我本以為會如南丫島海鮮酒家般的格局，想不到如此舒適雅緻，原來去年10月重新裝修，走中高檔粵菜路線。酒家面向海，有很大空間及停車場，設置露天餐桌及室內空調舒適雅座。中午主要食點心，造型精緻，很有水準，此外非常欣賞燒乳豬，即點即做。招牌脆皮乳豬（例）$228多年來的手本名菜，盡享地利，即點即做，的確出色，乳豬皮非常鬆脆，肉質鮮嫩多汁，這餐我最欣賞這一道。魚翅羊肚菌灌湯餃 $138/位足料製作，大大隻灌湯餃，伴以迷你鮑魚、羊肚菌各一及若干魚翅，濃湯香醇，美味的享受。上湯金魚餃配水晶球 $48/位金魚維肖維妙，賞心悅目的蝦餃升級版，啖啖蝦肉，味道鮮美，配清香雞湯及時蔬。白玉翡翠餃 $63色彩吸晴，翡翠綠與白鴛鴦配，餡料有豐富白菜及豬肉，味道豐富。黑毛豬鮑魚燒賣 $68/件鮑魚已經矜貴，再加埋黑毛豬做的燒賣，冇得輸！黑松露素皇餃 $22/件賣相矜貴，金箔綑邊，黑松露香味四溢，值得推薦。陳皮山竹牛肉球 $58許久沒有吃到有水準的牛肉球了，唔錯呀。手袋和牛酥 $58匠心之作，手工精緻紮實，可以拿起手袋仔，酥皮夠脆，和牛餡料很滋味。啤梨鹹水角 $68啤梨做型極似，黏柔軟熟味道好。甜梅菜黑豚叉燒腸 $78鮑參翅肚羹 $128   週末要善待自己，鮑參翅肚吃得開心。金箔千層紅棗糕 $58紅棗味香。服務到位，寫意環境，食物有質素，喜歡在戶外享受佳餚多一個好選擇。…查看更多

話說星期六同啲朋友想去啲chill啲嘅地方，等個人有啲放假嘅感覺，其中一個朋友提議不如去三門仔飲茶，佢之前去過話啲野好好食，老實講，除咗踩單車經過，無真正去過，所以我地就決定去試一試。我地一行四人揸車過去，酒樓有自己嘅車位俾食客泊，好方便，落車見到間酒樓已經好驚喜，因為佢唔係傳統果啲海鮮酒家嘅樣，係走新派格調，分咗露天同室內，其實坐露天都唔會熱，但因為朋友想涼冷氣，所以我地揀咗室內。一坐低即刻睇下有咩食，因為我地晏晝去，所以係飲茶食點心，晚市至係食小菜同海鮮，點心都好多野揀架，我地Total叫咗10樣野，有點心又有飯。招牌乳豬（例牌）酒樓有自己嘅燒味爐，所以乳豬係自家製，乳豬件係新鮮同暖嘅，鍾意佢嘅味道有少少甜，好好味😋酥炸魷魚鬚朋友好想食所以叫咗，呢個酒樓嘅炸野好出色，炸魷魚鬚好酥脆香口，味道又唔太咸。上湯金魚餃配水晶球呢個名我地都好好奇所以想試下，其實佢係類似蝦餃嘅餡嘅餃，不過用上左金魚嘅造型，再加上好清嘅雞湯，所以好似金魚起水裡面游咁，個餃皮好簿，餡就啖啖蝦肉，加埋雞湯，成件事好配合，味道好豐富。皇朝三式蒸腸粉三色腸粉分別有鮮蝦，叉燒同埋牛肉三個口味，腸粉皮晶瑩通透，每個口味嘅腸粉餡都落足料，好滿足。手袋和牛酥呢個又係聽到個名好奇叫嘅菜式，其實係手袋造型嘅酥，裡面係和牛餡，外面酥脆，裡面咸香，絕對唔係得個外型。黑毛豬北菇燒賣本人係燒賣狂熱者，去邊度都會叫燒賣試下，呢度嘅燒賣好足料，淡淡肉，因為用咗黑毛豬，所以肉味好濃郁，仲要好彈牙，係會再食嘅燒賣。時令燉湯平時忙好少飲湯，所以突登叫咗個時令燉湯潤下，今日嘅燉湯係野菌燉雞湯，一聽呢個組合就知好飲，清香嘅野菌味加上濃濃嘅雞湯，好夾好養生。荷香籠仔海蝦蒸飯黎到三門仔，點都要叫一下海鮮相關嘅菜式，所以叫咗呢個蒸飯，一黎到大家都忍唔住影相打卡，因為飯面鋪滿鮮蝦，下面係吸曬啲蝦嘅精華嘅炒飯，仲要香香嘅蒜蓉味，我地都爭住拎，好快就食曬。對於第一次黎呢度飲茶嘅我，感覺好好，因為裝修好新派好靚，點心又好精緻同好味，而且好有一種去咗外地嘅感覺，好舒服，所以絕對會再去！…查看更多