無辣不歡 (已結業)

🐔手撕雞蕎麥麵 $35驟眼睇雞同麵嘅比例似係1:1 但可能因為蕎麥麵比較light所以食完麵仲有幾舊雞剩雖然佢叫手撕雞但其實大部分都係雞塊 只有少少絲 但我更偏好呢種 因為雞塊比較有口感蕎麥麵唔會煮到太腍 但麥味就唔太出 可能因為醬汁都比較辣 蓋過咗佢哋嘅味醬汁辣味好足 食到最後有少少胃痛(不過都可能係因為食之前飲咗杯凍嘢個肚本身都唔太舒服)…查看更多

葵涌廣場二樓又發現好野了無辣不歡-聽名都怕怕的手撕雞蕎麥面 ，已叫極少辣都好辣下、但呢個配搭幾特別，本身又鍾意雞又鍾意蕎麥面。食下去有麻既味 其實辣就不算好勁既，係麻勁點，不過食落都好食 😋記得買埋野飲😂…查看更多

好耐無去過葵廣蒲喇🤣XD，去到仍然見到係食店同夾公仔機係佔最多嘅，老實講我好少喺葵廣掃街，應該只係食過幾間，而且喺三樓嘅。但呢日發現原來二樓都有個角落係賣嘢食嘅，其中特別有一間大排長龍，行經兩次都係同一情況。佢就係叫「無辣不歡」🌶。我就即刻上網睇吓食評先，原來係出名食四川辣菜嘅，包括手撕雞同麻辣小食等...。一場嚟到，我哋又忍唔住排埋一份，試吓係咪真係咁正，加上近來鍾意咗試辣，但利申唔食得辣🙈。真係好鬼多人買，落單畀錢到食物Ready，前前後後都成廿分鐘😫。好搞笑哋女店員成日會消失咗，因為佢行咗去布幕後面嘅廚房(偷望到)。題外話，佢好忙，但都OK好禮貌。手撕雞蕎麥麵(細)($20)，賣相幾唔錯，麻辣手撕雞嘅份量都幾多，但蕎麥麵就真係少啲了，嗯應該得兩啖左右。不過當小食嚟講，係OK嘅，無人同你講係正餐嘛，哈哈🤣。$20話平唔平，但呢個價錢確係一試無妨。麻辣手撕雞🐔正如其他人所講，辣味果然係幾勁，一開頭唔覺嘅，但食下食下辣味慢慢滲出嚟。可惜味道唔係想像中咁一試難忘，因為我認為個麻辣唔夠鹹。蕎麥麵就無乜特別，但好過食湯麵，另一選擇。三色芋圓冰粉($18)，呢個係追加項目，因為驚個麵會辣，而且佢又賣得唔貴。成都老冰粉喺好多川菜餐廳都有得賣，因為可以解辣，但同時亦可當係甜品嘅。冰粉好大碗，抵食👍，而且口感滑嘟嘟，配埋黑糖食甜甜地，唔錯。三色芋圓食落三隻色都一樣味，但口感幾好嚼、幾Chewy，I like it😋。總括嚟講，小食店係抵食嘅，值得一試。可能口味因人而異啦，個麻辣手撕雞確係令我有啲失望，絕對唔係難食，但我就覺得唔夠鹹；朋友就嫌唔夠辣😅。如果以招牌菜來説，我只能夠畀中評而已，冰粉就反而值得推介。…查看更多

話說幾個月前食過一次當時無嗌辣度😨結果辣到跳舞😂😂即刻買烏龍茶灌都唔掂嗰次之後一路唔信邪要再試😎上次真係辣到乜味都食唔到呀大佬🤮今次醒喇嗌個手撕雞蕎麥麵小辣(細)$20當日星期六1230去到 好多舖都未開舖面小小 同大部分葵廣小食店一樣無位坐 要自己搵位立食等左OK耐 我前面得一張單都要等超過10分鐘可能啱啱開門啦😁嚟到賣相都好靚仔呢次都辣 但頂到唔飲野😎手撕雞好嫩滑 一啲都唔鞋蕎麥麵就乜調味都無嘅🤣出奇嘅係蕎麥麵無味反而中和左啲辣🤣會再訪嘅 下次會嗌淨雞…查看更多

黎到葵廣 周圍尋小食時 見到呢間 無辣不歡！我同男友都幾中意挑戰食辣野，因為每次一路食，一路‘ si si’ 聲嗌話好辣，再好唔爭氣咁買杯冰爽飲品。其實成件事好似做左場運動咁 ，出左身汗，最後係開心又愉快既 哈哈［手撕雞蕎麥麵 $ 35 （大）］本身想叫手撕雞手卷 但又覺得會唔多喉 所以就一野叫左個大既 手撕雞蕎麥麵 比我想像中大碟 好多雞 又好多麵 哈 我同我男友兩個食都食唔哂 (不過之前食左幾款小食了 哈)所以千其唔好眼闊肚窄不過個手撕雞同個麵真係幾好食個賣相都不錯成日都好想知究竟d麻辣係點整出黎愈食愈麻 但又愈食愈想食…查看更多

唔係第一次光顧無辣不歡，之前食過手撕雞手卷，亦都食過雞翼尖，最近試過手撕雞蕎麥麵，亦都覺得相當足料，所以幾乎每次黎，都會買兜食下。位於葵廣二樓，平日同假日佢都幾好生意，好多時黎都係只有兩位店員，鋪面多數唔見人，喺廚房製作，所以都會積聚少許人流，要俾少少耐性等由於今日係兩人同行，就點左個大份嘅手撕雞蕎麥麵，一大盒，老實講性價比幾高，麵條、雞肉各一邊，麵條唔會煮到太腍，而且幾入味，天時暑熱，特別想食冷麵之類。食到底會有少量辣油，唔及面頭嘅麵條乾爽。雞肉份量不少，撕成粒狀，經調味後，辣勁十足，唔好睇少，好幾次都食到留哂鼻水。雞肉唔會老、韌、乾、柴，以呢個價錢實在合格有餘:)除左夠醫肚，味道亦都唔錯，難怪佢生意唔錯架。葵廣都多左好多呢類麻辣、酸辣、涼拌小食，但我食來食去都係呢間…查看更多

葵廣愈黎愈多川辣野，呢間主打手撕雞，有手卷、麵、涼拌、小食等。對上一次黎葵廣就試左手卷，當時見有唔少人買蕎麥麵，又想食雞翼尖，心思思是日冇地方去，就去葵廣走一轉試埋。由於今次係外賣，就唔怕無地方妹雞尖。手撕雞蕎麥麵 $20/細揀左中辣，廿蚊黎講，都算抵食。盒底唔會有好大層油，正合我意。手撕雞份量俾得適中，有皮有肉，撕到粒狀，稱唔上十分滑溜，唔鞋我已經收貨。麻勝過辣，短時間內口水分泌，麵質軟硬適中，唔會一餅野，而且幾入味喎麻辣雞翼尖 $18一盒約有14隻，由於呢隻雞尖size偏大隻，幾好肉地，所以價錢都可以接受。平時唔係十分鐘意食麻的話，都係揀少辣比較穩陣，男朋友放棄左，我食得好過癮:)…查看更多

葵涌廣場所賣的四川小食店可謂有增無減，愈開愈多，所以要逐一嚐遍也要一定時間。因為之前幾次來無辣不歡太多人光顧，沒耐性等候的朋友都不想花時間等待，最後都吃不成。今晚人流相對較少，所以我們一人買了一盒細手撕雞蕎麥麵，蠻會吃辣的我挑了中辣，朋友則選小小辣。由於我的是中辣，故手撕雞跟蕎麥麵的色澤比小辣深紅，看到這令我更為期待它的味道。手撕雞香辣惹味，雞肉肉質軟嫩，雞皮部份滑溜卻不油膩，處理雞肉雞皮方面不錯。蕎麥麵軟硬剛好，不會過於軟腍，也有彈勁，吸附麻辣的手撕雞醬汁後咀嚼時味蕾過癮無比。…查看更多

呢個area好多人, 但全部都係買手卷同麻辣燙呢間人唔太多見到有手撕雞蕎麥麵記得之前係IG見過呢間既食評20蚊 小份手撕雞蕎麥麵 成交 問左有無辣度揀 佢講左無我前面得一個人排緊我等左三個字左右佢仲耐 我地兩個麵一齊出 第一啖試 個麵略鹹同油膩左小小, 唔太辣不過食多幾啖啲辣味開始出 食到最尾 我仲要買野飲止下辣廿蚊黎講 對板! 不過佢地個老闆娘(負責拎食物出黎)個樣好囂張, 對住客有啲唔耐煩咁 …查看更多