青花 (THE FOREST)

泰國菜黎講小食種類比較少，希望能夠加入蝦餅，春卷同雞肉串燒就更好啦！

作為旺角街坊，青花並唔係第一次去，今次本身想去食兼寫返篇食評介紹下，點知遇上咁失準嘅情況。青花平時畀我感覺都係中上嘅泰菜，唔知係人太多，定係疫情過後廚房人手有流失，今次啲嘢都唔太好食，而且賣相都比較樣衰……豬頸肉嚟到已經好亂，不過味道係唔錯嘅，油脂比例啱啱好，所以都值4分。　藍蝶花蟹肉菠蘿炒飯。嚟到已經係咁樣衰，明明啲嘢都擺啱位，但明顯就係冇心機擺咁。大家見碟豬頸肉都知，我唔係太介意賣相，味道絕對可以搭救，但啲飯係濕濕地嘅，犯咗我死忌，菠蘿都係求其燒，但頂燒焦咗，下低就唔太燒到。　手抓餅，基本上喺邊度點都會好食嘅一碟。　奶油咖哩雞。感覺好似連續煮咗幾個鐘，入面啲嘢都已經面目全非，口感都係非常之爛，似係食緊殘羮……剩低大半碟冇食到，差到已經唔識考慮味道。　白咖啡，正常味道。桂圓龍眼茶。應該係長輩最滿意嘅。鹹檸梳打，正常。餐廳環境都仲係靚嘅，但食物真係要做下QC……本身想嚟寫個好評，但同長輩食咗咁樣嘅一餐，真係只能以劣評回報。不過由於以前食過係唔錯嘅，我承諾之後會再去多次，如果好食，都一定會寫返好評。

第二次嚟，今次唔食套餐，散嗌，食多幾款冬陰公湯，好飲，夠酸夠辣又唔太辣，但唔夠熱，隻蝦係好大隻但同上次食炒金邊粉一樣都係好梅，可以走蝦炒蜆，完全唔記得咗個名，但呢個好好食，蜆肉肥美，d肉其實幾多，不過甩晒係碟底，呢個可以encore 冬陰公雞翼，味道幾好，少少辣，肥美juicy，香脆惹味咖哩軟殼蟹，好椰汁嘅咖哩，薯仔好淋好入味，不過唔係好夠熱手抓餅熱辣辣，好食，最熱係手抓餅蝶豆花顔色好靚熱情果梳打賣相幾有趣

影相真係唔係我強項🤣🤣🤣加上餐廳咁多人客，我又唔想影到人，所以唔影了，不過呢間餐廳整得好靚，有興趣可以自己來睇吓我哋返嚟睇吓個menu，由於我哋樣樣都想試，研究完一輪認為點二人餐抵食d，所以點咗二人餐我最鍾意呢個豬頸肉，肥美juicy🥰點個汁食好正手抓餅熱辣辣脆卜卜好食😋串燒乾咗d，唔好食跟餐仲有勁大碗青木瓜沙律，勁大碟菜，勁大碟Patai (Patai 酸咗d，唔好食😢) 2杯嘢飲，結果梗係食唔晒要外賣啦🤣，幾抵食，要嚟真係最好約多幾個朋友，咁就可以試多幾樣😁

今日同個朋友預祝生日，一行四人，主角話要點個四人套餐就跟佢意思啦！😁個套餐有啲係固定有啲係自選，我地就大概包咗冬陰功湯，泰式金邊粉，燒菠蘿蟹肉炒飯，蒜蓉炒白菜，黃咖哩海鮮，手抓餅， 惹味拼盤，串燒四串， 跟餐有四杯青檸梳打，我哋將其中一杯升級咗做蝶豆花啫喱青檸梳打同埋另一杯升級左做班蘭椰子奶蓋～冬陰功幾香，但對我嚟講偏辣，不過朋友食得辣都覺得唔錯👍金邊粉份量唔多，同埋炒得太濕，覺得一般～ (無影到相)個菠蘿炒飯嘅菠蘿都算多汁，不過個飯炒得唔夠均勻，有啲飯痴埋一舊，同埋味道咸左啲串燒就ok嘅，雞肉串都幾滑😀(都唔記得影相🙈)拼盤綜合嚟講都正常味道～而個咖哩就太稠了手抓餅就整得唔錯，有層次，夠熱，唔會太油👍👍但係杯班蘭椰子奶蓋兩個朋友試過都覺得勁甜， 完全飲唔落口， 所以要求店員更換一杯減甜， 店員係唔太願意嘅情況下都換咗畀我哋，朋友覺得奶蓋都唔錯，厚度夠，同埋滑， 杯飲品就有少少班蘭香味，正正常常總括嚟講食物都唔會話好出色，不過裝修就幾花心思，個環境係令人放鬆嘅，不過不失啦！

早兩日同朋友去左旺角「青花」食泰國菜，會揀呢間餐廳既理由係因為睇到佢既食評唔錯，所以想試下。見到個餐牌第一個反應係，咁少嘢揀既🤨，比平時去其他人地方食泰國菜，呢度既選擇真係比較少。 朋友飲呢個熱情果梳打，個樣好吸引，佢真係比晒成個熱情果妳，話味道唔錯。之後揀左個咖哩食，係海鮮有魷魚、蝦、蜆，味道唔錯。個蒜蓉包好食，好少有餐廳做咁厚既。朋友話食咖哩要叫飯，我就話不如誠下手抓餅啦，個人覺得太油。🙄叫左個小食拼盤，餐牌上有5款食物，但叫既時候講左冇雞翼（真係估佢唔到😔）會另外加番兩件其他嘢比我地。好似係有雞搥、魚餅、豬頸肉同扎肉。呢個個名特別，但食落好普通，問左其實係類似豆瓣醬（比佢鹹少少），很幾條但要幾廿蚊，呢個最誇張。總結：食物唔特別好食，又唔會難食，但價錢唔平，叫左呢幾款嘢，埋單四佰幾差唔多五佰蚊，應該唔會再去食。