香香宮煮 (金輝大廈)

營業中

休息中

得知尖沙咀一間火鍋店以宮廷做主題, 今晚一家人去食返餐!餐廳內佈置有如小型宮廷一樣, 卡位以宮殿名命名, 地方整潔, 座位舒適,更可以免費試穿宮廷服飾拍照留念。送上混醬盤, 乾淨企理看看menu, 火鍋配料選擇多, 更有少熟熟食供應。湯底勁多選擇, 雖然價錢偏貴, 但款款有特色, 而且食過就知好足料! 揀左養顏既【花膠雞湯鍋 (半隻)】HK$298金黃色湯底跟雞件分開上檯, 先試湯底, 味道濃郁, 偏鹹左少少, 正好balance之後再加清湯打邊爐。雞件已有8成熟, 稍為焯一陣就食得, 雞皮金黃, 沒有肥油層, 肉質鮮嫩, 配上幾件頗為大塊既花膠, 質地有如豬皮咁爽, 但膠質既黏性唔多豐富。牛魔王當然想試多D唔多款既牛, 揀左【鐵扇公主牛魔王三拼盤 (細)】HK$398一次過食到安格斯牛肉粒、牛肉片、牛胸尖、牛舌等... 每款牛色澤鮮嫩, 冇雪氣;安格斯牛肉粒有咬口, 牛肉片脂肪分佈平均, 對比牛肉粒, 牛肉片更嫩更林, 至於牛胸尖口感超爽, 牛脂豐富。一次過嘆到咁多款牛, 滿足到喜歡食牛既我地。【鳳尾蝦雲吞】HK$78 (4隻)形狀跟傳統雲吞不同, 包成餃狀, 表面冇水氣, 似乎係即

屋企人話好耐都冇出外打邊爐， 今日咁啱大家都係尖沙咀附近嗰邊放工， 揀咗網上好評如潮嘅《 香香宮煑》， 用咗譯音，特別容易記！一如其名，店內陳設，裝修都盡顯宮廷feel, 古色古香味道十足， 每個角落都係打卡位～入門口已經有張龍椅， 照得金碧輝煌， 客人可以換上宮廷服坐上龍椅拍照～安排在窗旁的卡位， 除咗量體溫， 枱面還提供消毒搓手液 ，酒精濕紙巾和贈送了口罩套， 店員還即場用了一盆熱水再沖洗餐具， 夠晒衛生放心。火鍋爐具是特製的銅盤， 而且呈正方形， 視覺效果好特別。醬料嘅味架乾淨整齊。湯底也有很多選擇， 研究咗一輪， 最後揀了《胡椒酸菜魚鍋》。香噴噴上檯，配料好多。 先試湯底，清甜中帶點鹹酸菜嘅酸， 胡椒味唔算好重 ， 整體味道很鮮。 主角嘅酸菜魚竟然用了石班肉， 感覺係原條石斑起肉 ，唔似雪藏斑塊。斑塊用料高檔鮮味， 魚味濃厚 ，肉質嫩滑， 近邊皮位置膠質頗重， 又有啲似龍躉皮。👍湯底仲有大量芽菜，豆腐卜， 鹹酸菜， 豐富美味！手打鵝肝墨魚丸$98用層架盛載非常之優雅。好欣賞佢手打又大大粒嘅墨魚丸， 真材實料，粒粒彈牙， 加入鵝肝作餡料， 矜貴之餘味道更豐富！韭菜豬肉餃 餡料脹卜

香香宮煮一入去睇佢裝修以為去左古裝片場😂 餐具同擺盤全部都好有中國特色。朋友未到，先有小食食，個木耳好香但對我太辣，食得辣個朋友一黎到就清晒😂 叫左個花膠雞湯，超養顏！大大舊花膠，好軟滑。雞係預熟左，食果時放入去一陣就得，所以唔會淥到老晒。個湯超級甜，就算夾啲濃味既餸又唔會互搶風頭，例如個咸蛋黃響鈴，浸左一陣湯都仲好香咸蛋味，而家好重雞湯味！特別介紹埋雙拼魚滑，揀左蟹子同黑松露，兩隻都好香，個質地又好好，唔會太林或太硬，多蟹子同黑松露😎一定要講美濃水蓮！我想試好耐！終於係呢度有機會。佢係一種爽口既菜，但同時又好吸湯，清清地既菜加濃郁既雞湯100分 😋個薏米水又超正，一jar都倒到五六杯，好抵飲，好屋企feel，唔會太稀👍🏻

打邊爐已列入為港人飲食文化之一，除了各式各樣的湯底外，近年火鍋餐廳更大玩特式主題，有港式大排檔、少女全粉紅及艶麗怡紅院等，而今次男朋友帶我體驗的特式主題火鍋店是衝著中國宮廷風走甫進內便感受到那股濃厚的中國風，卡位以瓷磚及黑木搭建成彷宮廷，而每一個「小宮殿」都配有著名宮名，踏進坐位內彷如步進寢宮中坐下後服務員隨即呈上前菜與點菜㦤旨，前菜有薑、鮑魚粒、花生及麻辣木耳，把點菜紙交給服務員時頓時有傳聖旨之感，感覺既奇妙又怪怪的😂調味架放得井井有條，而且乾淨整潔，沒有污跡或油膩現象，內裡配料共9款有豉油、芫荽、辣椒、蒜油、炸蒜、生蒜、醋、芝麻及蔥花，算是既簡單又齊全的配搭但其實更讓我覺得置身宮中的，莫過於搖身一變身成為娘娘。入口處已放有男與女裝宮廷服數件，選了心水衣服後便到旁邊皇帝龍坐拍照留意，其後店員更表示可穿著那古裝用膳，從未有如此體驗的我不禁雙眼發亮地點頭，就讓我當一晚娘娘吧！一輪拍照後時間剛好湯底送上，內裡材料也頗豐富包括龍躉片、豬大腸、酸菜、枝竹、紅椒及少許香料配菜，湯底味道為淡淡酸菜味中帶點甜，是屬於較清新的酸菜魚湯底，個人覺得酸菜味濃郁度可進一步提升當服務員倒了三分之一湯進鍋後，迷

從朋友口中得知香香宮煮火鍋店甚具賣點，不論裝潢餐具以至菜單都大玩宮廷風。店舖門口先見大匾額，內進更發現有一張金漆龍椅，旁邊廂座有如東宮西廳掛有橫匾刻上名稱，猶如古代皇宮既小縮影!打邊爐既調味環節同樣講究，單睇面前狀似九宮格既調味醬油盤，配料齊全兼且有白芝麻粒及陳醋，當中盛載豉油既小器皿甚有睇頭，驟眼睇都有幾分似古代皇室飲宴常見既青銅鑄製餐具。前菜四小碟，包含角切鮑魚粒、蘸子薑、咸香花生、辣木耳絲，用來作餐前小吃開胃至極，特別嗜辣的皇上對辣木耳絲更是讚口不絕，沒有辣油浸泡但香辣風十足且惹味氣派十足既香香宮煮，意想不到就連竹蔗茅根水都用上玩味十足既仿雕花壺，而非一般既透明壺入樽，還有手中既三腳杯子，置身其中係咪好有一種回到遠古時代宮殿飲宴既奢華感覺?公主今晚想吃得輕口味一點，選擇左當中推介的豬軟骨蕃茄湯鍋底。此店用上傳統既彷古中式炭火鍋盆，當然今天沒有用上木炭取而代之的是電磁爐，不過亦不失可觀性及重拾宮庭風呢呢度牛肉類款式多兼且有牛刺身供應，既然黎得到要感受宮庭Feel，緊係要點推介既酒香陳年花雕浸牛肉。黑色小缽放入數片色澤紅潤既牛肉切件經已甚有睇頭，店員更係我們面前順時針傾倒手中果瓶陳年