表叔火鍋

乍看之下，四川麻辣、日式壽喜燒，以及台式辛香兼備的火鍋遍佈大街小巷。然而，碩果僅存的港式火鍋，藏身於無止境的街角，默默地點起微微的燈光。 (1) 花雕醉雞鍋／四川麻辣鴛鴦鍋 (2) 手切頂級牛頸脊（上）／雪花牛頸脊（下）手切頂級比起雪花牛頸脊的脂肪分佈更為平均。有恰到好處的油花，比起平常的薄片再多四分之一的厚度，令肉味更濃郁。 (3) 脆鯇骨腩身為魚類愛好者研究所，下刀之準確，令魚骨沒有散落四處。骨腩部位汁多味美，肉質結實爽脆。另外，新鮮魚鰾亦處理得宜，沒有帶腥。 (4) 手打四寶丸墨魚丸、豬肉丸、牛肉丸及鮮蝦丸。除了墨魚丸，其他比較鬆散，沒有應有的爽彈咬勁。鮮蝦丸打發成細膩的肉蓉，混入蝦粒，滑潤清鮮。 手切黑豚腩肉、桂花蚌、牛栢葉、鮮竹笙等材料都令人食指大動，貫徹港式的火鍋的精髓，入煮為鮮。 同行友人將外國的速食文化融合本土火鍋，進食速度十分驚（嚇），有如迅雷不及掩耳。 隨即收到暖心警告⋯⋯「下？你仲玩電話？一陣真係無得食㗎喇。」「我地食嘢速度黎講，打邊爐係最慢。」「仲幫人夾嘢，快啲食左先。」「我自己食哂成碟豬肉，你果兩塊牛都未淥。」：個爐未滾⋯⋯？(´･Д･)」…查看更多

今日同幾個朋友去左打邊爐，呢間鋪搭小巴好多時都會見到，上網seaech完見到都唔錯呢。環境唔係有好靚既裝修，始終我地主要打邊爐，如果裝修越靚，野食價錢相對都貴。啲枱凳都唔會放到好迫，都有足夠既位置。先黎左渣竹蔗水，夠哂凍同清甜。叫左胡椒豬肚雞做湯底。飲左兩碗湯先，好香胡椒味，飲好暖胃。手切肥牛，煮完之後望落好似好韌同嚡，點知食落好淋同好牛味！廣島蠔，一碟都有成8~9隻，食落唔會有雪藏味，唔錯！即炸魚皮，唔洗放入湯都可以就咁食，非常鬆脆。即炸響鈴，放落湯幾下再食，唔單止索哂湯，而且佢本身都好鬆化。手打四寶丸，真係好彈牙，咬落去嗰時差啲走出黎。…查看更多

約左朋友食飯, 因為佢帶埋佢囡囡一齊, 又見呢排都keep住落雨, 所以喺返佢屋企附近, 而佢就推薦左呢間火鍋店.格局似飯店類型, 普通鑲嵌式爐面圓板枱, 擺位唔會迫住隔離枱, 仲有4-6人卡位.坐低就會有豉油調味料放定喺到. 款式都係一般食開的.叫左個刺身拼盤, 有三文魚, 赤貝, 甜蝦, 同埋比較特別既水母刺身, 海蜇食得多, 刺身食都係第一次.湯底雖然有好多選擇, 但因為有小朋友喺到, 所以我地叫左個清湯鍋底, 野食都叫左係小朋友都會食既野.手打四寶丸都幾大粒, 4款食落都好彈牙.水餃啲餡都好多好飽滿, 隻隻都漲卜卜. 煮完啲水餃皮都無爛, 味道唔錯.蜂巢豆腐, 雖然無平時食開既山水豆腐咁滑, 但呢種索哂啲湯食落口就別有一番風味.雜菜籃啲菜都好新鮮.最後叫左個烏冬, 煙煙韌韌幾好食.…查看更多

同朋友仔聚會最好就係烚下烚下！今次同舊同學一起去到近旺角豪華戲院附近的表叔火鍋到打邊爐。未齊人時，我們叫左份刺身拼盤，$268已經有四款刺身，非常抵食及新鮮！三文魚厚切有口感、赤貝彈牙、甜蝦夠晒鮮甜、水母非常爽口！CP值咁高，難怪差唔多每枱都叫返盤。餐廳有多款招牌湯底，今次我們就叫了胡椒豬肚雞鍋。配半隻鮮雞都只係$138。將所有配料放入胡椒湯內，大滾就可以先飲新鮮的胡椒豬肚雞湯。雞湯唔係好油，而且胡椒味都算幾重，係夏天飲得太多凍野，用黎驅寒真係唔錯。食火鍋我特別鍾意食手打丸！手打丸的彈牙感係其他半熟的雪藏丸完全無得比！餐廳的手打四寶丸有齊墨魚丸、蝦丸、豬肉丸及鯪魚丸！無論邊款丸的口感都非常彈牙，相比下，我會特別鍾意食夠晒鮮味的蝦丸。朋友仔特別Order了一份廣島蠔，一份大約有8隻到，每隻的Size都唔算細，而且漲卜卜。烚熟後唔會太細隻，而且味道鮮而唔腥，$88都幾抵食。相比滑豆腐，我覺得蜂巢凍豆腐更適合打邊爐食！由其食呢D靚湯底的火鍋，呢D會「吸湯」的豆腐，可以讓大家食盡火鍋的精華！鳳城水餃係餐廳新鮮包起的，唔係一般酒家用雪藏的水餃。食落豬肉好Juicy，加埋爽口的木耳絲，味道及口感都係水準之上。食火鍋點可以唔叫返份靚牛呢？今次我們叫左一碟大的手切肥牛，一睇顏色就知佢新鮮，無雪味之餘，牛脂都幾均勻。煮熟後，牛肉的紋路好明顯，仲以為會好鞋⋯點知⋯⋯有驚喜！肉質夠晒淋，而且牛味都好重！加埋分佈平均的牛脂，令到牛肉片食落夠香。係大家食到飽飽地開始傾下計時，我們叫左一份自家製魚皮及一份即炸響鈴一邊傾一邊食。魚皮上菜時剛剛新鮮炸起，唔會太油，而且口感夠鬆脆！無論即食定浸湯食都唔錯。即炸響鈴係餐廳自家新鮮炸，卷得有層次，食落都唔錯。==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)…查看更多

表叔火鍋位於大角咀，距離展館約 15 分鐘步程。餐廳裝潢格調平實，屬街坊小店。各式火鍋生料及海鮮固然是餐廳的主打美食，日式刺身則是另類選擇。 筆者喜愛胡椒豬肚湯，所以特意挑選了這個胡椒豬肚雞鍋湯底。半只鮮雞隨湯鍋分開送上，待湯汁煮滾後才放入鮮雞肴煮。這個做法除可表明真材實料外，更易掌握煮雞的時間以保肉質細嫩。一如預期，胡椒豬肚雞湯食感溫熱辛辣，味道搶濃，亦因如此，建議添湯後才淥煮相對味淡之物。至於雞肉，味鮮但甜香享受不算出眾，嫩滑感理想。 肥牛屬火鍋的必食項目，這碟手切頂級牛頸脊油脂分佈平均，輕輕一炙口感鬆軟，肉香不俗。 白鱔片的味道合預期，微微彈脆。美中不足的是部份魚片帶少許骨，稍稍影響了享受。 手打四寶丸內含鮮蝦、墨魚、鯪魚及豬肉四款口味，四款比較，推介蝦味足又彈牙的鮮蝦丸及甚有住家風味的 (梅菜)豬肉丸。墨魚丸出品略鹹，需留意一下。 唐生菜及雲耳選材正正常常無乜特別，屬健康火鍋生料。 表叔火鍋作為一間街坊小店，店內雖沒有豪華的裝潢，但多了一份地道風味。店員服務細心亦是值得一讚的地方。二人共享火鍋，能吃的食物實在有限，很難對餐廳食品作出全面的評價，單以湯底及肥牛生料而言，大體上交出應有水準，可以試試！ …查看更多

天氣乍暖還寒，今晚又忽然返北風，相約好友旺角等，晚飯兼派利是，佢提議在旺角食，但我兼人多又逼，我建議行去大角咀，我地沿旺角道行去福全街，大約五分鐘就到，橫掂凍凍地，就幫襯呢間表叔火鍋。一行二人，店員安排卡座，一坐低店員就為我地斟茶，很友善，座位頗為寬闊，檯面夠大，立即點菜了，火鍋生料選擇眾多，而且有新鮮海鮮和刺身選擇我地點左沙爹鴛鴦湯底，沙爹超級濃郁，很惹味手打四寶丸，有牛丸，蝦丸，墨魚丸和鯪魚丸，四款都彈牙好味，好友中意鯪魚丸，說有果皮香味，我就中意墨魚丸，超級彈牙黑松露雲吞，一客有八粒大大粒，皮薄菜肉有濃濃黑松露香味，推介主角手切牛肩脊，牛肉厚身而牛味夠濃，肥瘦適中，用沙爹湯底淥一淥，更惹味即炸響鈴，送上桌時熱辣辣，我沒放湯就即吃一條，很香脆，沾上沙爹湯底更可口雜菜籃有五款蔬菜，兩個人夠晒食食飽飽埋單，店員主動送上西瓜兩片整體食物很高質而價錢合理，招呼和座位都很舒適，下次再黎一定試埋佢地嘅刺身…查看更多

呢排真係火鍋上身，餐餐都離不開，所以學會四周圍搵下新火鍋店今次就黎到奧運站與太子站交匯點的表叔火鍋之所以黎就係因為佢新開，好幾個食評都係GOOD，真係通常新開既服務好食物質素好，呢個係我為食咁耐得出的結論燈火光明超易搵我地只不過1930黎到就已經人很多了，都幾得街坊喜愛喎!整定調味料先!!忘記充電的哥哥很快發現店內有提供充電服務火鍋材料真係一樣不少，應有盡有!! 太多的選擇就望左店內的相片睇下邊個係人氣菜!!結果選了幾款都非常滿意鮮茄薯仔鍋由於怕食雞煲會嚴重過飽，又想食得清清地既湯底，鮮茄薯仔鍋就是一流之選我地仲加左個粟米等佢慢慢煮，當燉湯!!! 粟米本身都係超甜粟，爽得黎更是甜!湯底既材料都不少架!很快的材料也到了，真的令你一鼓作氣食!! 唔使左等右等!!手切頂級牛頸脊一睇相就知佢雪花靚，部位更是嫩滑位置輕輕一涮，似就變得薄，放入口更是溶化得快!花紋靚又薄又香牛肉味，溶個下就值得呢個價值!!手打四寶丸每一粒都肥美龐大，對比下先墨丸、蝦丸、牛丸、鯪魚球丸，粒粒都彈口我同阿哥都笑稱可以用黎打乒乓球，真係難以置信的彈牙!!! 好值得一試鮮元貝 也只需68蚊就有四隻，親民價，大感動吧!!雖然擺入去火鍋一煮就很快收縮左一小舊!!但係真係清甜無渣呢一餐有咁多精彩的招牌菜抵俾啦!!最後更送上西瓜，更是甜在心頭…查看更多

旺角開飯開到厭，於是決定同同事去大角咀搵下野食，跟住見到呢間火鍋好似幾多野食，於是就決定抱住試下嘅心態入去食下。一入去見到地方都算大，店員仲熱心咁為我地送上調味盤，仲同我地介紹左好多好食嘅野冬瓜瑤柱田雞鍋 ‌呢個絕對值得一讚架，呢個冬瓜瑤柱田雞鍋係雖然只係108，但係田雞份量唔少，仲要專人為我地放落鍋，非常咁貼心。田雞未落鍋之前仲識郁架真心夠晒新鮮，入口感覺好鮮味，唔會有軟淋淋嘅感覺。而湯底都算清甜而且有足量嘅元貝，一啲都無花假架。即炸響鈴呢度嘅響鈴炸得岩岩好，上枱嘅時候依然保持脆身，加小甜辣醬我覺得比落鍋焯幾下仲好食，不過最最重要都係夠晒熱又夠脆，真係好值得推薦手打四寶丸呢度嘅手打四寶丸真係幾足料下架，就連粒粒丸都足料過人，呢度嘅蝦丸同埋墨魚丸就入面我比較鍾意嘅丸，因為蝦丸入面真係有蝦架，而墨丸亦都口感十足，夠晒彈牙，真係令人超滿意手切牛胸爽平時一般嘅火鍋店都好小會有牛胸爽呢樣野，我都係聽老板介紹先識叫同埋食法，牛胸爽數十秒等佢一變色之後就可以擺入口，事實證明真係唔錯架，因為真係好重牛肉味而且仲有小小油而不膩，口感十足嘅感覺除左野食，餐廳嘅環境都唔錯架，二個人靜靜地坐低食下野，都真係幾寫意架，因為格局或氣氛都比同類型餐好，下次都要同屋企人黎先得。…查看更多