寶哥火鍋味館 (已結業)

香港人食嘢一向刁鑽，打邊爐除左 要有得滾下滾下，最好仲可以有啲日本嘢食㖭。今次就搵咗佐敦嘅寶哥， 貪佢可以一邊打邊爐， 仲有盤高質素嘅日本刺身可以一齊食。咁就可以滿足曬兩個唔同嘅胃喇。寶哥喺佐敦長樂街， 門口有啲細，唔係太起眼不過如果見到地下係賣酒嘅鋪頭, 開門，然後上樓梯就係啦。寶哥入面環境都幾舒服， 火鍋區域間左一個個卡位， 可以保持私隱度又坐得舒服。任食火鍋有三種套餐， 我哋揀咗中間嗰隻。首先係嘢飲，可以任飲，有汽水啦有啤酒又有竹蔗茅根同埋酸梅湯， 涼爽清熱又解毒。然後到湯底，湯底呢度都好多款可以揀㗎。除咗有沙爹湯，有椰子湯， 想食多啲餸嘅話，可以揀鮮人參醉雞湯、胡椒豬肚湯，亦都可以揀蕃茄牛坑腩湯，仲可以揀雞煲添。 不過因為我哋想食清啲，所以揀咗猴頭菇鯊魚骨湯。 真係會見到一塊塊鯊魚骨喺入面㗎， 亦都有猴頭菇喺湯入面。重點嚟啦我哋揀咗個套餐包咗六款和牛刺身拼盤， 刺身拼盤都幾多款式， 有吞拿魚有左口魚邊有刀背同北寄貝等等， 全部都非常新鮮，而且雪味亦都唔重。 最正嘅係吞拿魚係厚切嘅， 無筋之餘又入口即溶。另外仲有海鮮拼盤有海蝦 有帆立貝 有生蠔仲有青口。 海蝦肉質爽而彈牙， 帆立

今晚約班姐妹聚會，由於有佢地都係油麻地同佐敦附近番工，而其中一位又好鍾意打邊爐，所以揀左一間新嘅火鍋店試試。餐廳都幾特別，要先經過賣酒的地鋪上樓梯去一樓先係火鍋店。我地book左七點，可能時間尚早唔算太多人，環境唔錯幾寬敞，簡約清新，適合任何類型既組合。老闆一開始就介紹$238任飲任食，除左menu上既食物任食之外仲有刺身~海鮮拼盤~手打丸一份，湯底我地就叫左個猴頭菇鯊魚骨湯。刺身刺身拼盤一人一塊唔使爭，款式都有好多：吞拿魚、甜蝦、北寄貝、八爪魚同牛刺身。我地第一次見到有牛刺身，即刻夾黎試，第一次係香港食牛刺身，好有驚喜呀，好重牛味完全唔腥，好滋味。食完刺身就先上個湯底，侍應介紹可以先煲滾試一試啖湯先開始。我地就跟佢所講先試下個湯，清同鮮甜得黎有少少藥材味，果然無介紹錯。海鮮拼盤好豐富，有蝦、鮑魚、花甲、魚同生蠔。齋睇都覺得好豐富。先食大蝦，好新鮮好甜，蝦肉爽口彈牙完全唔會話淋晒無晒味。生蠔好濃蠔味，可媲美桶蠔的蠔味，好值得推介俾愛蠔之人。特大花甲滾一滾就放入口，爽口鮮甜，無好鹹嘅海水味，千奇唔好滾太耐唔係就會咬唔開。鮑魚肥大肉厚，控制得好一點都不韌。手打三色丸手打三色丸包括墨丸、鯪魚