NUTMAD cafe and dining (已搬遷) 新店位置

Bookmark 咗餐廳，一路都想去食，今日終於搵到機會，點知睇錯門牌號，行咗十幾分鐘冤枉路，差啲搵唔到，好彩最終都搵到。1⃣️煙燻豬豬卡邦尼賣相吸引，醬汁係用生雞蛋 同埋芝士調配而成，令醬汁可以黏住係每一條意粉所以味道好濃郁不過，可惜我可能更喜歡口感冇咁硬嘅意粉2⃣️慢煮西班牙伊比利亞黑毛豬賣相吸引，切開都吾需要好大力黑毛豬嘅表面好脆口，而且甜甜地有少少嘅脂肪包住啲肉 仲有啲焗薯做配菜 幾好食😋3⃣️法式多士配焦糖香蕉 雪糕見好多人推介，我哋兩個人都特登點份量好多，就算3-4人食用都夠分享，有啲食用花做裝飾，俾個👍🏻作為甜品或者打卡都一流不過口感一般，失望4⃣️加$28 Latte 味道還可以5⃣️加$20 冷泡茶味道一般最後埋單約每人$220，無比較就無傷害，食物質素唔算太差，但午餐menu，價錢算貴！

Nutmad呢間餐廳一直係我嘅to go list😝事緣就係一年前我家姐食過一次係咁話好好食😋於是令到我都好想去試吓😂但係呢間餐廳淨係開星期一至日六點前⋯我呢個打工仔收7點，返足一至六，真係好難試到🥲🥲終於今日想帶婆婆去試新嘢，聽講nutmad搬咗新舖，大咗又靚咗🤔雖然冇得book位，但都博一舖啦！好好彩地等咗20分鐘左右就有位🥰呢間餐廳繁忙時間限時兩小時用餐時間，其實都好足夠😄好搞笑地安排咗個八人枱俾我哋兩個😆下次如果同一大班朋友嚟坐呢個位都幾正！🙌🏻🙌🏻餐廳食物種類唔多，有前菜、沙律、三文治、主菜、麵食、甜品，每樣都有幾款選擇😋今次食咗我家姐強烈推介嘅煙燻豬豬卡邦尼意粉🍝同埋慢煮黑毛豬配咖啡香料😯意粉好入味，煙燻豬豬即係有啲似煙肉咁脆脆地～不過黑椒味太重，可以輕手啲🤣🤣慢煮黑毛豬外焦內軟，真係有少少咖啡嘅香味👍🏻配搭嘅薯仔就略嫌冇咩味，食唔曬🙈希望下次有機會食到佢哋好受歡迎嘅焦糖吐司，眼見差唔多每一台客人都有叫😍😍PS 餐廳職員態度非常好🙏🏻☺️見到我婆婆主動問要唔要比杯熱水佢👍🏻