Noc Noc

營業中

休息中

男朋友話佢曾經嚟過呢間bar飲嘢，覺得氣氛唔錯～今日嚟試吓啲食物先😋餐廳裝修都係酒吧風格，比較黑，我覺得幾好情調～仲播緊足球添⚽️見豬手好似幾正，叫咗個德國鹹豬手配酸菜 ($198)😋佢切得好整齊，每件都唔會太大舊，好易食～個皮非常香脆🤤酸菜個樣好似普通椰菜，但食落口係幾酸架，好開胃☺️另外我哋都叫咗一個忌廉牛油果扁意粉配香草烤雞 ($118)😚烤雞嘅調味適中，有香草味😚個忌廉汁都調得好好，加埋牛油果食更加creamy!小食方面叫咗一個炸菇片配黑松露醬 ($68)🍄呢個真係幾特別，菇片好薄好脆，黑松露醬都非常濃呀！👍🏻我覺得呢個送酒啱啱好🤣第二日仲要返工，所以冇飲酒，叫咗一杯Chocolate Smoothie ($68)🍫上面有厚厚嘅cream，smoothie質地都好滑，唔會太甜，唔錯😌呢間餐廳環境氣氛好，食物出品都唔錯，下次再嚟飲嘢chill吓😚

忌廉牛油果扁意粉配香草烤雞 118最抵食算係呢個！各方面嘅材料份量平均之餘，每種食材都發揮到自己嘅味道😋 牛油果🥑係又新鮮又冧嘅，植物性油脂好full 同埋佢嘅香草烤雞翼調味真係幾好👍🏻 少少惹味，為雞扒提升了鮮味但唔會太濃。值得encore西班牙海鮮焗飯 $158呢個就先係正常好食！焗飯都唔會太過濕，亦都唔會太過乾。食落暖laup laup 。份量ok. 成個餐加埋，我最咪仲打包左少少走。有青口，有八爪魚🐙仔，有蝦～凱撒沙律🥗 $88除非你加配大蝦，煙三文魚，或者烤雞🤔 如果唔係，就未必值得叫。因為真係比較平凡普通嘅沙律菜。菜比較多都係生菜🥬 新鮮嘅，但無火箭菜、羅馬生菜、羽衣甘藍.etc 麵包脆脆嘅數量都係好少😕 所以感覺有啲唔抵食。環境就真係外國酒吧風格，門面開陽，對住一條寧靜嘅街。適合吹水嘅好地方。