甜藝家

尖沙咀有幾間出名的曲奇餅店，而在K11的甜藝家則是名氣餅師Tony Wong新開的一條專賣曲奇的幅線，有Tony Wong的加持，不難想像有一定吸引力。今日行開K11，見幾多人幫趁，好奇心驅使下就入去望下。甜藝家有多款包裝曲奇和曲奇禮餅，門口位玻璃飾櫃內有多款口味的朱古力，上面亦應節地放上多賣賀年禮盒。禮盒全部都打開了睇倒內裡係點。部份圔奇有得免費試食，試過好食先買。付賣除左接受現金同信用卡，同時可以用微信支付同支付寶。最後我都買左兩款試下。心花怒放($198)包裝好得睇。心花怒放包括左蝴蝶酥和玫瑰酥兩款，每一件都係獨立包裝。心形的蝴蝶酥一邊是朱古力配爆炸糖，另一邊是白朱古力配紅桑莓乾果脆粒，賣相靚之餘亦夠特別。玫瑰酥就真係成朵玫瑰花咁，兩款酥餅都好鬆脆好食。朱古力爆炸雪茄($168)朱古力爆炸雪茄其實係朱古力蛋卷中間加了爆炸糖，每一條同樣係獨立包裝。蛋卷有三層，比一反蛋卷厚牙，朱古力味幾濃，加左爆炸糖令口感更豐富。總結，曲奇款式幾特別，味道亦有保証，送禮自用兩相宜，獨立包裝用殷當散水餅或婚禮回禮小禮物都啱。…查看更多

Santa Claus🎅🏻is coming to town～ 就到聖誕節啦🎄！ 又到左買聖誕禮物嘅時候啦！ 嘩，有好多聖誕造型嘅禮盒，送禮啱晒！ 正當諗緊買個薑餅人曲奇送比小妹， 就想買多盒餅返屋企食一家人食。😏 媽咪最鐘意食蝴蝶酥， 上次買過大嘅，今次就買個細嘅迷你蝴蝶酥（$118）， 份量都幾多， 蝴蝶酥金黃鬆脆， 每一塊都呈現對稱嘅心形，大細平均， 酥皮層次分明，鬆脆可口，散發濃郁嘅牛油香， 恰到好處、唔會太甜嘅焦糖外層， 食極都唔會厭。☺️ 心花怒放（$198） 一盒有12片玫瑰酥和9片朱古力蝴蝶酥， 最重要係全部都係獨立包裝， 咁就唔洗擔心開左就要即刻食晒佢啦！ 可口酥皮配以玫瑰花🌹造型嘅「玫瑰酥」，口感鬆脆， 每一口都有淡淡嘅玫瑰花香味。 蝴蝶酥一邊沾上法國黑朱古力配上紅桑莓乾果脆粒， 另一邊沾上白朱古力和沾上爆炸糖，幾新穎嘅配搭。 如果想要聖誕包裝， 加多$10就會有啦！😏 …查看更多

大名鼎鼎的甜品師 Tony Wong 原來在尖沙咀開了店，之前在深水埗對我來說不方便，最欣賞他的玫瑰花蛋糕及蝴蝶酥。這家店裝潢時尚寬敞，擺設如精品，優質材料製造，不同口味的酥餅、蝴蝶酥及蛋捲可以試食，合心意才買真貼心。禮合包裝非常漂亮，全部獨立包裝，送禮得體、自己食開心，今次買了心花怒放及朱古力爆炸雪茄。心花怒放如其名，見到已經好開心，花型玫瑰酥，花蕊中間透出淡淡的玫瑰花香，味道甜美；鴛鴦蝴蝶酥上，黑朱古力一方配爆炸糖，白朱古力配紅桑莓乾果粒，層次豐富，朱古力爆炸雪茄造型好坃，入口鬆脆，黑朱古力味濃、配合爆脆口感，美味有特色。如精品一樣漂亮的甜品，會有誰不喜歡，百多元一盒正合符送禮要求。…查看更多

早幾天陪朋友選購禮盒，在尖沙咀一連逛了好幾家曲奇店。其間來到K11內的「甜藝家」，沒想到是筆者先破財。原來「甜藝家」是甜品師Tony Wong的其中一個品牌，主打蝴蝶酥、曲奇等。店面裝潢光鮮亮麗，予人寬敞之感。店中陳列櫃整齊擺放著各款禮盒，又設有試食區。店門前有玻璃櫃放著林林種種的巧克力。同行朋友推薦的蛋卷，回家後立刻拆開一條試吃。雪茄蛋卷造型可以跟雪茄有幾分相似。記得店員介紹產品前曾提到蛋卷是用了法國可可粉跟意大利朱古力醬，果真有著香醇濃郁的朱古力味。蛋卷內捲著爆炸糖，口感非常特別。罐面蠻漂亮的蝴蝶酥，淡粉紅簡約設計又不失大方。打開後，數了約有三十多塊，一塊塊金黃蝴蝶酥並排列著，好吸引。入口酥脆，頗重牛油香。後來才留意到包裝紙上寫著用了低糖配方，頓時覺得食得更健康。另外還買了一盒獨立包裝的蝴蝶酥，這盒的蝴蝶酥好美，沾上了黑白朱古力。而且還有特別設計的花型玫瑰酥，希望那位收禮的友人會感到開心！…查看更多

前幾日公司收到客戶送的禮盒， 同事們試過都覺得很好吃， 今日專程一齊行到K11的甜藝家，再買幾盒返屋企食。第一次接觸這個牌子的禮盒， 食材天然又美味。朱古力爆炸雪茄蛋捲～ 一盒有12支獨立包裝，造型好似一支雪茄， 蛋捲做得鬆化， 入面有頂級法國可可粉和意大利朱古力醬， 朱古力控一定要試下。蝶之花～ 一打開盒內有三層蝴蝶酥， 最抵兩層是原味蝴蝶酥，面層有大大小小的蝴蝶酥帶有白朱古力， 配上糖珠及糖花，賣相非常漂亮精緻。心花怒放～ 一盒共有12片玫瑰酥＋ 舊片朱古力蝴蝶酥，獨立包裝。花型蝴蝶酥花心，中間滲透淡淡的玫瑰花味道。 這盒蝴蝶酥的味道層次感十分豐富突出， 入口鬆化味濃。很喜歡甜藝家的禮盒，賣相高貴漂亮，食品高質， 這裏的蝴蝶酥簡直一試難忘， 還有雪茄蛋捲造型非常特別， 這裏的禮盒除了可以送禮之外，還可以自己買返屋企慢慢歎。…查看更多