Plato Cafe & Bistro (吳松街)

佐敦都算多美食, 所以都應該會幾多人, 但今次揀左間好舒服既西式餐廳, 好適合同一班朋友黎聚會松露薯條啱啱坐底左好肚餓, 但都要等齊人先可以叫野食, 咁見到個牌, 係fb/ig like 下page, 佢就可以送碟松露薯條, 就當係醫住肚先啦, 雖然係送, 但都唔馬虎, 熱辣辣既法式龍蝦湯緊係想飲湯, 所以就叫左個龍蝦湯, 配疘塊脆口的蒜蓉包, 不時通常龍蝦湯都好咸, 但今次味道啱啱好, 讚德國脆皮咸豬手我覺得味道可以既, 佢皮都好脆口, 好夠味👍果然係有皇冠既菜色美國安格斯內眼牛扒原本想試下佢既西冷牛扒, 因為佢有皇冠, 反而肉眼無, 但係咁啱今日無哂西冷, 咁就試下個肉眼la, 肉味好夠, 好juicy, 都唔錯(不過我都係想試下個西冷, 因為平時肉眼會好味過西冷, 但反而今次廚師推介係調反轉)美國聖路易斯豬肋排佢既ribs 都好食, 焗得好軟, 好入味, 豬肋排真心推介一定要食北海道帶子蘆筍忌廉汁意大利飯原本想叫有黑松露既意大利飯, 但因為一開始都食左個松露薯條, 加上今餐都唔多菜, 就叫左個蘆荀, 好味, 唔會太"漏"煙三文魚牛油果醬薄餅好耐無食過pizza, 所以就叫左個pi

最近同朋友飯聚都鐘意嚟佐敦，貪佢就腳又比較多高質小店喺OpenRice 訂咗枱，有八五折優惠！不過優惠只限套餐一行四人，我哋點咗一個二人餐+兩份晚餐爬文見到脆皮豬收系必叫嘅，皮脆而肉嫩做得出色，讚風乾火腿配嘅黑醋汁好開謂，讚+$28升級嘅龍蝦湯就普通d,有d似開出嚟套餐跟嘅甜品tiramisu 有酒香飲品方面可以揀手工啤，唔飲酒嘅話咖啡都唔錯。整體唔錯，食物多樣化，套餐抵食#自己香港自己救#黃色經濟圈

呢間舖黃到發金，平時經過望入去，見啲位都好好坐近近地，今次一於揀呢間支持黃店一直覺得文宣組啲作品真係世界級每一張都係藝術，拼埋一齊已經好賞心悅目like ig/fb有野送，又有得幫黃店宣傳唔通唔做咩一片風乾醃製火腿，搭上鮮甜哈蜜瓜咸咸甜甜的組合構成一道極開胃的前菜不愧係意大利名品我地叫咗套餐，所以有餐湯送龍蝦湯就要加28蚊轉有足料到，龍蝦味亦重但個人口味黎講 鍾意忌廉湯濃郁奶滑味多啲肉眼扒 七成熟肉眼呢個位牛味較濃郁，多汁脂肪含量高且平均散佈呢間啲扒無令人失望，調味得宜燒汁惹味，有焗薯同秋葵伴碟(伴碟好食到傻)值得一叫!!豬手黎講，真係好難整得好食呢間真係有驚喜首先要做到脆皮已經難食過有啲餐廳好多都淋咗，唔知咬緊咩然後豬手肉肉質緊緻，肥瘦適中，沾埋旁邊芥末醬食味道更出色伴碟同樣有焗薯同秋葵青檸同蜜桃梳打薑蜜茶呢排疫情嚴重，好多餐廳生意都大受打擊呢間黃店雖有做足防疫措施 例如有放搓手液響門口位只招待香港人等等 但睇得出晚市時間都大不如前呼籲各位經過都幫襯下，等黃色良心店都捱得過今次

之前朋友推薦過話呢間既lunch好食，但係離我公司太遠啦，lunch我真係食唔到。。。唯有過黎試佢既dinner~順便提早一日慶祝情人節～～～散叫好似唔算抵，所以我地一下子就向二人餐埋手。二人餐有兩款，一款係set死左其中一個主菜一定要係意粉/意大利飯，另一款係無限制主菜款式。我地揀左後者，因為男朋友又想食牛扒，而我又想食豬手～周打蜆湯普通，材料好多，但係好似同我平時飲開既唔太一樣，唔係好慣。有少少失望既係。。。前菜竟然無哂蜆。。。只有青口。。。我地兩個都麻麻地青口。。。不過食落都正正常常既，新鮮，唔腥，唔覺有沙，調味都ok，不過我都係唔係好鐘意青口。。。今晚既重點來了，炭燒美國安格斯肉眼牛扒一上就聞到陣陣肉香味～雖然望落去配料唔多，塊扒又好似唔係好大咁，但佢既質素絕對比我想像中好。首先我本身係叫五成熟，老實講佢煮到好似三成咁。。。不過唔緊要，我接受到三成，所以都係照常食。切落去已經知塊牛扒真係有翻咁上下淋身，完全無筋。食落去，肉味香濃，而且。。。馬上覺得三成先係剛剛好既熟度，易咬，唔鞋又好食哈哈！塊扒某啲位熟度應該有五成，個啲位反而入口有少少鞋。醬汁方面唔濃味，對於我黎講唔會太影響到

踏入新一年，同個fd收工諗住唔好hea食，搵間好少少嘅餐廳試試～見到佐敦”PLATO!” 評價同質素好似幾好，一於試試佢！🍻原本都十五十六諗緊點咩食好，但見到個至尊二人套餐幾唔錯，一於直接揀佢唔駛諗咁多！蒜片白酒欖油紐西蘭青口先嚟頭盤青口，即使係2人套餐，但份量非常足！紐西蘭青口肉質夠厚，個汁好入味～😋餐湯方面，羅宋湯正常發揮。而朋友轉咗做法式龍蝦湯🦞，試咗佢少少，味道都幾香濃！唔錯～德國脆皮咸豬手主菜方面，我哋其中一款揀咗咸豬手～塊皮真係堅脆～咬入口果陣都勁脆勁響！好似食厚切薯片咁～😝豬手肉好嫩好林唔乾身，值得推薦！炭燒美國安格斯肉眼牛扒醬汁唔會好濃味，所以唔會遮晒肉眼牛扒原本嘅味道，亦都食得出幾香牛味🐂。叫咗5成熟，但比預期中熟咗啲啲～如果再生少少就更好。巴馬火腿牛肝菌意大利飯個套餐雖然只包兩款主菜，但由於無飯落肚硬係差少少。於是就加多個意大利飯～牛肝菌好香，連埋咸咸地嘅巴馬火腿同意大利飯非常夾。朱古力心太軟配意大利雪糕套餐包咗一款甜品，自己一向都鍾意食朱古力，而且又見多人推薦呢度嘅心太軟，咁緊係要跟一跟！一叉開，香濃嘅朱古力醬就漏晒出嚟，連埋個雲里拿雪糕一齊食，無得輸～呢個推介果

今日約左朋友響佐敦食飯去左一條小街 見到對面街見到有間餐廳好似幾唔錯就入左去試試MENU有好多選擇 仲有唔同SET有SET DINNER 有2人SET我地一行4人叫左款貴D既2人SET另外再單點左一啲野食SHARE套餐包左前菜、湯、2個MAIN COURSE同甜品、飲品當日既餐湯係蠔同菇既配搭味道都幾唔錯 仲有粒粒蠔肉前菜我地揀左白酒青口酒同蒜味均勻 唯一係青口無清走啲海草肉眼扒好大塊 4人SHARE都唔過份要左MEDIUM 上台都無OVERCOOKED肉味濃 食到淡炭燒香脆豬手已細心咁幫手分開左唔洗狠狽咁切開另外單點左2款野食炸魚薯條 炸得好香脆 個漿粉做得唔錯建議落埋少少檸檬汁食會更好味意大利雲吞有驚喜麵皮幾CHEWY GORGONZOLA汁帶蘑菇香 夾埋好好味順帶一提 LIKE左某社交平台就會送一客黑松露薯條薯條炸得好脆身 撤上少量松露醬味道香口惹味 食食下好快清哂甜品係一碟過上既雪糕無得揀味 不過淋左焦糖醬都濃味飲品我就加左錢要左杯特濃朱古力名符其實 朱古力味都好濃 幾好飲

我同食肉獸男朋友今日試下佢甘鹽豬手同牛肉。 牛肉是左5成， present 好似有10安， 超大。 我的鹽豬手， 夠多汁， 皮脆肉嫩，又唔係太咸。 另外薄荷朱古力及棒子朱古力，但就有小小失望。 如果真係食唔曬， 盡量唔好浪費。 但每份的份量都好多， 如果當晚餐， 中午可以唔駛食太飽

約咗喺尖沙咀返工嘅朋友食飯,向尖咀已經諗唔到食乜,所以今次轉戰佐敦吳松街意大利西餐廳 !呢類型餐廳同吳松街有點格格不入，因為裝修別緻企理，坐得舒服!餐牌有set dinner同埋二人餐揀，兩個女仔食二人餐好似太豐富喇，所以我哋叫咗兩個set dinner開心share!朋友揀咗個蜆肉意大利天使麵而我就揀咗德國豬手。Set dinner跟埋是日餐湯。今日係西蘭花忌廉湯湯不只有忌廉味，真係有西蘭花嘅味道，好真材實料，亦都唔會太鹹!主菜之一:蒜片欖油白酒鮮蜆天使麵($158 set)蜆夠大隻啖啖肉，天使麵夠份量，有咬口 主菜之二:德國脆皮咸豬手($238 set)真係好大份呀!豬手製作需時，要等一段時間先上台， 豬皮有少少微燶，識食一定係食微燶，咁樣先夠卜卜脆!豬手啖啖肉，唔肥之餘仲保持到好嫩滑一個意粉一份豬手我哋兩個女仔share啱啱好至於飲品我哋分別叫咗薄荷朱古力同特濃朱古力。好大杯 ，朱古力味都幾重，加埋忌廉入口好滑溜，薄荷味仲為炎夏增添幾分涼意~食完成餐好滿足

今日慶祝老公生日，特地挑選一間高質西餐廳吃大餐。因為已事先訂枱，所以不用等便能順利入坐。餐廳不像一般西餐廳燈光暗暗，這裡裝飾得較為新潮，連餐廳LOGO及牌面都是用上鮮艷的顏色。餐牌選擇很多，有較實惠的二人餐，有五花八門的晚市套餐，如果還想再吃別的可以看散叫餐單。因為我想吃豬手，所以分別點了二個特別版晚市套餐。套餐配是日餐湯及麵包條，還有$34內是飲品。當然，什麼都是可以加錢升級的。是日餐湯可加$18升級做龍蝦湯，飲品選了貴的可以補回差價，還可以加錢要甜品。進入主菜前，先說說湯及小食。是日餐湯是西蘭花忌廉湯，湯很濃郁，每口湯都充斥著少少西蘭花碎，口感豐富。小食我另外點了香煎法國鵝肝多士，這個小食一上桌就香氣四溢。鵝肝煎得香脆，而且厚肉，配搭酸甜的莓醬可以解膩，一塊實在不夠喉啊。至於主菜德國脆皮咸豬手，份量真的是超級大。豬手不會很咸，肉質飽滿，連脆皮吃更有風味。伴菜西蘭花、小甘荀及薯仔亦出色，可以在吃很多口肉後中和一下。餐飲點了檸檬生薑茶，薑味不會濃得蓋過檸檬味，兩者雙輔雙成，有點暖胃又可以消滯。我們坐在窗邊，還可以一邊進食一邊看著人來人往的外頭，真的很寫意啊﹗