向來以鮑魚馳名嘅陶源酒家係沙咀道開新分店，位置少許偏遠，附近係工商業區，人流唔多。 門面同店內嘅裝修不錯，比人一種很grand的感覺，最重要係樓底高，增加唔少空間感。 一共叫左六款點心同一客炒飯。 蘿蔔千絲穌＄24： 外皮不夠脆，一夾即穿。但入面的蘿蔔絲入口即溶，無澀味而帶點清清嘅甜味，不俗！ (6/10)鮑魚雞粒穌＄28： 外皮好鬆化，內餡較咸，很濃咖喱味，完全蓋過鮑魚同雞嘅鮮味。 (4/10)午爐蜜糖叉燒腸＄28： 賣相晶瑩剔透，叉燒足料亦頗鮮味，唯粉皮較韌，不夠軟滑。 (4/10)醬皇豉蒜蒸鳳爪＄26： 非常入味，鳳爪帶點黏口，醬汁濃淡適中。 (8/10)原隻鮮蝦餃＄32： 粉皮較厚較韌，內裡嘅鮮蝦爽口。 (6/10)香煎特式菜肉冬菰包＄30： 造型好特別，冬菇包的像真度蠻高的，實際上係菜肉包哈哈！味道一般。 (7/10)廚皇炒飯＄98： 正當我諗緊呢個廚皇炒飯係用咩材料時候，打開menu一睇，佢嘅英文係Chef fried rice conpoys & mushrooms wrapped with lotus leaf, 但可惜係無荷葉包住架！材料包括瑤柱、紫菜、炸乾蔥、西蘭花等，但無食到蘑菇。飯粒乾身挺立，味道不過不失。(6/10)以前食過荃灣另一分店嘅晚餐，各個小炒都做得幾出色，所以對陶源都抱有期望。但個人認為，午市點心試過一次就足夠。
…查看更多
…查看更多
