太平館餐廳

營業中

休息中

同家人親戚一行八人去咗太平館餐廳慶祝Boxing Day。一踏入餐廳，就有一個去咗第二個國度同穿越時空嘅感覺，餐廳設計由天花到地氈都好懷舊，牆上掛有舊香港嘅相片，真叫人懷緬過去。環境氣氛都一流，座位闊落，坐得好舒適，家人都好鍾意。我哋點咗餐廳大部分嘅經典名菜：瑞士雞翼、干炒牛河、烚鹹牛脷、燒豬髀、焗葡國雞飯、焗梳乎厘，另外仲有捲筒石斑同大蝦多士配沙律。蝦多士：不過不失。炸得好酥脆，但無乜蝦味，亦無乜多士味。瑞士雞翼：瑞士汁一流，甜甜的，好濃郁，好開胃，佢加咗麻油令味道更香口。但我覺得雞翼口感可做得更好，雞皮唔彈牙，肉好淋，但亦係欠彈力同嫩滑。另外，啲雞翼未夠入味，佢只係層皮有瑞士汁味，肉則沒有。但個汁真係出色嘅，食到舔舔脷！干炒牛河：我全晚最欣賞嘅菜式。炒得好香，食落去唔油膩，鹹甜當中帶有淡淡嘅燶味，牛肉好嫩好滑好彈牙，河粉亦炒得剛剛好，晶瑩通透，有彈力。無得彈！烚鹹牛脷：見到碟餸，本身有啲擔心，擔心淨係得鹽水，牛脷會唔會好酥。點知一食有驚喜，牛脷好香，即使係厚切亦唔會硬，煮得好淋好嫩亦彈牙，口感一流，味道唔錯。燒豬髀：，汁好香甜，顏色同味道都好似瑞士汁，肉好薄身好嫩，吸晒啲汁嘅精華，

本來友人提議食太平館我以為是一間茶餐廳我倆都是第一㳄來一上樓梯 覺得裝修似是電視劇裏既舊式高級餐廳覺得好新奇 推介情侶來感受下拍下拖點菜我地就點左皇牌既三樣分別係干炒牛河,瑞士雞翼同疏乎厘首先上菜既係 干炒牛河我覺得有少少乾 同平時出面食既都大同小異但味道比較濃同牛肉比轉多始終一分錢一分貨之後上既就係瑞士雞翼 同出面食既有分別瑞士汁係入到肉裏面 我同友人一人四隻好快就清左一碟之後就到甜品了巨型疏乎喱 其實就係大大粒為打卡味道都ok既~~總括而言 價錢中等 每道菜大約一百尾 但懷舊環境同良好服務

第一次和男友到太平館晚飯，去到人都算多，但等待入座還算快，未夠十分鐘便可以有位了。我們點了以下食物:蒜蓉炒時菜 (西蘭花) : 已經叫了小油，但仍然油得緊要。干炒牛河：男友點了這個，覺得還好，牛肉都算林，但不算叫好好吃。我點了捲筒斑：老實說，$155.00　只是兩件這個似炸的卷，裡面研究不到是什麼蝦肉，總之一定不是鮮蝦，汁多又偏有點咸，又貴又不划算。最後甜品是所謂馳名的梳乎厘。我們在上正餐時已經叫了梳乎厘，侍應生說要３０分鐘，我們說OK，誰知吃完晚餐，等等等，等到已過30分鐘，查問下竟然沒有下單！！！又要再等３０分鐘！結果是再等了４０分鐘！！梳乎厘真的超大，兩個人很難吃完，感覺太甜，味道不算特別好味，只是「大」而己。最後差兩口男友都無法再吃下去，因為太甜了。總括：不會再來試，五百幾一個晚餐，去正式西餐廳更多選擇及美味。

今日專誠去High Tea.叫左:干炒牛河,瑞士雞翼配火腿炒蛋飯,梳乎里干炒牛河:味道清淡,牛肉好小又細件,好在唔太油,味道真係唔得.瑞士雞翼配火腿炒蛋飯:超瑞士雞翼細隻,味道太甜唔夠香,火腿炒蛋飯味道好淡加上個過甜嘅瑞士汁就剛剛好.梳乎里:係我覺得比較好嘅一樣,幾有蛋香好軟,好大個足夠2-3個人食,底部又做到有小小濃濃地,都幾香脆,唔錯.整體:食品味道唔太好,服務反而唔錯.