先生在法國公司上班，耳濡目染之下，愛上法國菜，這日來到荃灣新地標 海之戀的『 Odelice！』用餐。餐廳地方闊落，主要是舒適的卡座位，牆壁掛上特色掛畫， 燈光柔和，讓人有種坐下了就不想起來的舒適感。在法式風情的氣氛帶動下，我點了一杯紅酒「 Crozes-Hermitage」 ，比較易入口，寶石酒紅色，口感順滑，又帶點水果香，係穩陣的選擇。先生的是清爽的「 Sunshine Iced Tea」，返左一日工累累地，飲一啖，即刻醒神！！杯內有切片的鮮檸檬和鮮橙，入口微酸，紅茶濃而不澀，是充滿夏日感覺的一杯飲品。食物方面，先來一碟法式前菜，「帕爾馬火腿蕎麥薄餅」 （$118）, 賣相超吸引，正方形的可麗餅上鋪滿鹹香Parma Ham，芝士及小蕃茄，趁熱食真係好香。餅底比一般的薄餅更柔軟有韌性， 火腿鮮味突出，唔會太鹹，配鮮甜小蕃茄食，好有口感，沾上雞蛋黃，口感更滑溜，碟邊仲有生菜沙律，肉菜均衡，健康又飽肚。主菜方面，先生中意食肉，店員介紹這款「極致羅西尼牛扒」（$288）極厚的新西蘭牛脊肉配煎得香脆法國鵝肝， 仲有香滑薯蓉， 一次滿足幾個願望，最啱男仕食。剛煎好5成熟的牛扒鵝肝火熱登場，擺盤好靚，牛扒厚身且煎得兩面金黃焦香，切開果真半血紅色， 熟成度精準 ，入口好多肉汁，牛肉味濃得黎又帶點焦香， 伴碟的紅酒牛肉汁味道香甜，鵝肝外脆內軟，薯蓉夠滑， 邪惡的食物永遠都係味道最好，先生好滿意。一直對海鮮情有獨鍾，選了「雜錦海鮮意粉」（$175）海鮮都幾多，有青口，虎蝦，帶子同蜆，其中虎蝦煎得焦香，爽口彈牙，帶子軟滑，調味加入南法國茴香酒，茄汁和黑椒，意粉香鮮中帶點酸甜和微辣，煙韌又掛汁，越食越好味。甜品今次試新款，焦糖燉蛋小妹食得多， 估唔到連咖啡味焦糖燉蛋都有，這款「特濃咖啡焦糖烤蕾」 （$78）即叫即製， 熱辣辣的焦糖外皮特別香脆，燉蛋咖啡味道濃郁香滑，最重要唔苦，好得！！食唔停口下，好快食光。食物真心幾唔錯，又近屋企，隨時想食就食，好方便。
題外話～～～臨走見到Odelice！門口有好多法國產品賣， 糖果， 啤酒，紅酒， 零食，罐頭 ，果醬等，好似去左小型法國超市，選了一支「紅莓啤酒」同「馬賽皂」回家。特別想講下好多款式同味道既「馬賽皂」，比起普通番皂，馬賽皂更護膚同保濕，通常我會用來洗面， 簡單快捷又多泡，係法國歷史悠久既經典番梘。Odelice！( 海之戀商場 ) 荃灣大河道100號海之戀商場1樓1002號舖…查看更多
題外話～～～臨走見到Odelice！門口有好多法國產品賣， 糖果， 啤酒，紅酒， 零食，罐頭 ，果醬等，好似去左小型法國超市，選了一支「紅莓啤酒」同「馬賽皂」回家。特別想講下好多款式同味道既「馬賽皂」，比起普通番皂，馬賽皂更護膚同保濕，通常我會用來洗面， 簡單快捷又多泡，係法國歷史悠久既經典番梘。Odelice！( 海之戀商場 ) 荃灣大河道100號海之戀商場1樓1002號舖…查看更多
