多多餅店

營業中

休息中

今朝上咗阿媽屋企，去到見到枱上面有兩個圓圓大大的布甸包，雙眼立即發亮🤩。之前網上見到，一直都覺得非常吸引，一直都好想試，一直都等緊一個機會。估唔到咩都無做，就突然出現喺我面前。我阿媽話係佢朋友尋日買俾佢的，真係多謝晒姨姨🙏🏼。食之前我阿媽放咗入焗爐微焗約五分鐘，食落去包嘅外皮真係十分脆，裡面則煙煙韌韌，口感一流。蛋嘅部分十分厚身，份量驚人🤩，又香又滑，質感細嫩，除咗好香嘅蛋味，亦帶有陣陣嘅雲呢拿香味，甜度適中，滋味萬分。食完真係大滿足🥹！