Red Rice 米飯主題餐廳 (億利工業中心)

岩岩係office做完野，個肚有d餓，所以係附近搵左間茶記食番個靚tea。呢一間紅米主題冰室其實都幾多選擇下，蛋包飯又有，拉麵又有，中有埋甜品，最重要係個價錢唔貴，所以我都經常幫襯。入到去可能已經4點鬆d所以都唔多人，今次被安排坐卡位，如果平時午市既時間都無咩幾可可以唔答枱坐。講得出係巨人漢堡，嚟到果然冇令我失望。漢堡扒又厚又大塊，飯上面嘅炒蛋都好大份，十分抵食。嘩黎個一上枱個份量都幾誇張，明明就係平時午市既量，但係而家係下午茶既價錢。肉醬都比得幾梳爽下，食曬成個意粉都中有肉醬食淨，一句講曬，抵食！…查看更多

好少有地係荔枝角呢邊做野，一場嚟到緊係係返呢頭搵食～平平地搵到呢間RedRice好似唔錯又近我，咁就搵埋fd過嚟試下啦呢度雖然係茶記模式但裝修都好新淨，坐得又舒服！MENU選擇都非常多，連鐵板蛋包飯呢Ｄ特別野都有，以家嘅茶記都要菜式夠新穎先夠做丫巨人漢堡蛋包飯 $55漢堡好大塊，又夠juicy，飯量多，幾抵食，仲要係茄飯底😻炒蛋好香夠滑溜，蛋香十足特級厚切鰻魚蛋包鐵板飯 $78蛋包鐵板飯上枱熱辣辣賣相緊係更加吸引😻仲有d木魚紫菜鬆係面頭唯一美中不足係飯底係白飯😭好在個蛋同鰻魚都好食，鰻魚夠鮮美最緊要唔會食到骨～！蜜糖柚子烤雞翼 $20雞翼唔算話好大隻，不過蜜糖柚子汁夠香濃，甜甜地都好食藍蝶花雪梨蜜伴愛玉 $28（跟餐+$14）我自己見親藍蝶花，多數都會叫因為鍾意隻色🤣不過呢杯藍蝶花雪梨蜜飲落就略偏甜，清淡D會好飲D愛玉好大舊一路飲一路啜👍🏻食飽飽埋單仲送咗支搓手液，加分丫～…查看更多

同朋友食晏，係屋企附近搵咗間茶記！1:30pm，食晏時間所以都等左10分鐘左右！巨人漢堡蛋包飯 - 朋友點左呢個飯，我偷偷地試左少少，個滑蛋好出色真係好滑，塊漢堡扒就差少少，冇肉味，同埋偏細！瑞士炸雞比蔥油飯拼三眼仔煎蛋 - 我聽到炸雞髀，本以為好似平時下午茶嘅炸雞皮咁好大舊，但其實好細，但瑞士汁好入味加埋蔥油好好味！三眼仔煎蛋好特別好得意，不過蛋黃都真係偏生！總括，比一般嘅茶記出色特別，價錢亦都唔算特別貴，應該會再幫襯！…查看更多

呢排比較多係呢間餐廳食飯，下午茶時段嚟食都幾抵，大份又唔貴。今次試下巨人漢堡蛋包飯，原來都幾大份下。-巨人漢堡蛋包飯除咗有大大塊漢堡同蛋包飯，仲有份量唔少嘅沙律。沙律都幾清新，沙律菜爽脆不膩，食得太滯仲有解膩作用。蛋包飯都做得唔錯，蛋炒得幾滑，仲食到微微蛋香同蛋漿。漢堡都幾厚身，入口軟腍。-特濃唂咕（熱）未飲過唂咕嘅我見到下午茶加配呢款飲品唔使加錢，即刻好好奇飲起嚟係咩味。落單個陣有問店員係咩，佢有提我地呢杯野都幾苦，唔係朱古力咁簡單。為咗滿足好奇心，最終都叫咗嚟飲。飲落真係幾苦，有少少似好濃但無糖嘅朱古力。後尾都係頂唔順，落咗啲糖會好飲啲。…查看更多

雖然咁稱呼佢o岩唔o岩,不過佢如果被列作茶記真係幾高汁.首先午餐選擇多到嘔,款色仲好多元化,重點係有沙律餐!!!由於我地一行6個人去食,所以一次過可以試到唔同菜式:歐陸沙律套餐配牛角包及餐湯 $38好似我唔食飯喜歡食沙律的話呢個係極極極度推薦menu!佢沙律有2款而我就叫左夏日甜薯蜜桃田園沙律再加$10要多個吉列魚柳,不過我後悔了.因為分量太多啦!佢碟沙律真一大盤菜,加上裡面有好多甜薯,D生菜又大大塊,其實食曬真係會飽!D菜好爽口又有鮮味,但我覺得少D胡麻醬會開心D,因為菜本身已經好好食牛角包都幾大個下,不過偏硬又唔熱,就咁食會有D寡個羅宋湯就好好味啦,好濃蕃茄味,加上裡面好多材料,蘿蔔好林~~~至於吉列魚柳都高汁,佢無雪藏味.外面炸得非常脆而油膩感唔係好重,咬落去真係有聲,要有口感,而裡面嘅魚肉部分都keep得住嫩滑,不過佢都實在係太大塊,我叫完呢個set其實好多都share左畀同事XDD 所以我覺得佢係超抵食!!巨人漢堡蛋包飯 $50蛋包飯擺盤精緻,不過呢,又話係巨人嘅??????塊漢堡未免細左D呢.....不過咁,漢堡扒味道係足,唔會韌,都唔會太咸.雖然D蛋同飯分開,但蛋的部分非常多仲有D蛋漿,令整體口感唔會乾,佢最好就係有埋沙律,均衡營養呀~~18禁地獄肥牛蟹棒麻辣湯手打烏冬 $46本來對佢充滿期待,想感受下18禁係去到甚麼地步,可惜一上檯就知道皮已收,完全唔覺得有辣味存在...不過D料好豐富,烏冬都好彈牙,當佢普通烏冬食絕對無問題蔥燒牛肉鐵板飯$48呢個可以話係平版pepperlunch!無論賣相包裝定味道都達致近乎pepper lunch水平~淋汁瞬間牛肉味爆曬出黎!由於蔥花夠,香氣就更加突出,飯粒唔會太硬,加埋超多芝士撈汁食可以keep住食好多,不過對男士黎講可能會唔夠飽Redrice厚切豬扒飯 $46由於係即叫即焗,所以要等一段時間,飯量受鐵板影響所以偏少,不過醬汁非常多,對於要汁撈飯嘅人黎講係perfect match, D豬扒都夠林,都係厚嘅,算係中規中矩,但肚餓嘅話就未必適合食啦~呢度下午茶時段都好多野食,最神奇竟然有茶餐廳版all day breakfast!歐陸脆香深海魚柳all day套餐$36呢個餐同出面D all day無異,都係有包有肉有菜有蛋又有茄汁豆!! 出面D cafe呢堆野已經問鼎$100 佢仲要包飲品!o個日我實在太餓所以+$6追加迷你通粉,不過我想講,佢通粉個兜迷你,但內容物就爆滿,真係令一個飽到嘔的推薦menu~因為我本身好喜歡食雜豆,所以間到成碗都係豆真心興奮佢跟餐的沙律一樣都好大份,雖然比上面沙律午餐少,但呢個size加埋其他野食其實都好足夠日式厚切吉列豬扒all day套餐$38同魚柳餐嘅分別就係肉換成豬扒,我自己鐘意魚柳多D,不過豬扒都唔錯,雖然未夠厚,但豬肉咬落去都會爆少少肉汁,外層好酥脆,薄薄的~如果食厭魚柳可以考慮下佢呀~~…查看更多