川式口水雞

甘快又到年尾，好多中餐廳、中菜館都會見到好多一家大小齊齊圍住張圓枱聚餐，之前都食過點心到幾次，感覺性價比幾高，食物質素都唔錯！沙拉骨（$88）必點嘅大排檔菜式，呢度係滿滿一座沙拉骨山！豬肋骨炸到外酥內軟，外面再裹上超多甜甜沙律醬，咬落唔算太油，非常可口美味！川式口水雞（$68）特別用咗雞脾切件，皮爽肉嫩，加上惹味口水汁，微微酒香同花椒香氣，入口辣度夠，送飯一流！啫啫菜心煲（$78）份量比想像中少，大概有八條大菜心，菜心保持青綠脆口，以鹹鮮醬料炒香，香氣撲鼻。今次大概七點到，食到八點幾都仲有人排緊隊就知有幾旺場！…查看更多

最近見到旺角新開左間餐廳 見到個價錢又唔升貴 又幾多人排隊 就排左陣去試下呢間係一間主打點心mix大排檔嘅餐廳 本身諗咁樣mix會唔會好伏 但食落感覺都唔錯🤤黑之戀一口豆腐嚟到時係一舊舊黑色 好像綿花糖咁 一開始以為係黑松露嚟 但又食唔到黑松露味 反而係蒜香味外皮鬆脆 內裏軟滑 食落好特別 之後就唔小心係咁食🤤🤤 但都估唔到咩嚟 之後問返先知係碳燒 同埋會用啲食用碳粉做表皮🤯聽落好怪咁 但又真係幾好食🧐🧐🧐建議要試一試川式口水雞水準都唔錯 辣辣地幾開胃 份量唔算多 但都足夠 啫啫芥蘭煲呢個真係必食 食大排檔一定要叫煲 因為呢個係超考基本功 想知一間大排檔好唔好食 就睇佢炒得有冇鑊氣而呢個食落第一啖就知師父應該有返咁上下實力🤓🤓係超有鑊氣 真係完全無諗到可以咁好食😆下次會想食下魚香茄子煲之類 🤤🤤🤤回頭率極高👍🏻👍🏻😆…查看更多

👧🏻Wodafoodie in Mong Kok🛍行完街又黎encore呢間有得食小菜同點心既茶餐廳，大推佢個冰鎮咕嚕肉😍😍😍✨❄️冰鎮咕嚕肉🐷 $82咕嚕肉炸完即刻放上冰塊冷卻，外層冰涼酥脆，內裡熱燙軟腍，冰鎮後會令咕嚕肉更加有口感，加埋個醬汁酸酸甜甜，好開胃超下飯，真係無得輸，好好食呀～‼️🤤❤️❤️ ✨🐥川式口水雞 $58小食黎講都算好大碟！雞件滑嫩，最鍾意佢個醬汁有蒜、蔥、辣椒等等，好惹味！✨ 🥬飛天通菜煲 $68原煲上既通菜熱辣辣又香噴噴，好有鑊氣，通菜放左少少辣椒🌶️去炒，但唔會好辣。✨🔥黑金流沙包+卡通芋蓉包 $10/個兩個包都好鬆軟！流沙包有滿滿既奶黃餡😍雖然芋蓉包上面隻卡通公仔表情好sad，但芋蓉餡幼滑，甜度適中，兩個包都好食😋本身想叫多d點心但兩個人太飽食唔到，好鍾意佢d卡位勁闊，🛍行完街買到一袋二袋都無有怕😆下次要真真正正黎飲茶食點心😆📍 點心到 MIX·大排檔 (旺角)旺角洗衣街39-55號金雞廣場地下1A,1B,1C號舖…查看更多

我同男友不嬲都中意食小菜同點心，今晚經過呢間餐廳見到呢度裝修幾靚價錢又合理當然要試下😁我哋叫咗個自家制秋葵野菌扒豆腐，啫啫芥蘭煲， 川式口水雞，白飯同楊枝甘露😋自家制秋葵野菌扒豆腐係一個全素菜式，豆腐一半原色一半綠色，賣相好靚好精緻👏豆腐外層炸得香脆裡面勁嫰滑！😋面頭鋪左雜菇同秋葵加啲醬汁，口感豐富得黎又唔會太乾～啫啫芥蘭煲一開蓋咋咋聲超級香！聽到隔離幾檯客都話好香😂😂😂 食落辣辣地帶啲蝦醬味，非常惹味🤤芥蘭爽脆亦都無芥蘭本身有既澀味👍口水雞唔算好辣，有微微花生醬香味，雞皮凍凍地食似啫喱既口感😁 雞肉非常嫩滑😋😋楊枝甘露幾重椰汁味，好足料👏啲芒果都好甜👍限聚令後一定要約埋班朋友黎試其他菜式，啲避風塘都好吸引😍 多啲人可以試多啲款😎😎…查看更多

金雞廣埸既地下，小食店有好多，但係就有一個新開食小菜點心的店鋪，店內裝修好新，十分光猛，每枱之間亦有相當距離，坐得好舒適。 今日叫了幾個靚餸，必食一定係，秋葵野菌豆腐!!特別之處在於一件豆腐竟有兩層，下面是平日食的豆腐，但其實質感係玉子豆腐，更加香滑‧而上面充滿秋葵味的一層。一件豆腐可以做到有兩層，兩個味道，十分特別。上面再有一層秋葵係面，鐘意食秋葵的一定好鐘意。 啫啫芥蘭煲啫啫煲最緊要香口，有香味，一上黎既時侯，香氣已經先聲奪人，味道十分之好。揀芥蘭因為它夠爽，有咬口，把啫啫煲發揮得最好。配飯食一流 川式口水雞辣得過癮，麻得夠爽，個汁調得好好味道，而且雞件好入味，口水雞配飯都係好好既配搭，這香辣是會食上癮的。 黑金流沙包卡通芋蓉包卡通芋蓉包，好可愛，芋蓉好好食，兩個包都相當流心，熱辣辣流心餡出曬黎。…查看更多