川魔 - 龍門一番

呢日要出紅磡送花💐,順便坐屯馬線去搵屯門牛食飯~佢話新開咗間川菜烤魚🐟,都幾多人食,而家仲有好多開張優惠添!唔太食得辣嘅我哋揀咗呢個青花椒麻香烤江團魚🌶,少辣少麻,味道幾好~佢有幾款魚可以選,江團魚食過幾次都覺得唔錯,夠晒肥大肉厚😋~佢下面仲有啲豆芽,豆卜同蓮藕,吸飽辣汁好好味~因為新開張🎊,佢哋推出咗不同嘅優惠,其中呢個川味活燒生蠔比較吸引🦪!每隻都只係10蚊!!隻蠔都算係大隻,上面有滿滿嘅蒜蓉🧄~另外叫咗個口水雞🐔,夠香夠辣,啲雞肉又好嫩滑~食咁多辣嘢,當然要叫返啲冰冰涼涼嘅甜嘢飲下解下辣🍹~佢嘅多多冰系列都幾多人叫,荔枝味同芒果味都幾香🥭~不過耐咗啲冰融咗🧊,益力多味比較出就甜咗啲~佢哋各款烤魚都好吸引,仲有唔少燒物可以選擇🍢~但而家趁住有優惠,梗係食燒蠔啦🔥🔥!我見好多檯都半打半打咁叫,真係唔錯!而家留言同訂檯仲有88折🤑,兼可以成為會員盡享優惠~包括優先訂座,消費有9折,仲有半價優惠等等,難怪咁多人排隊~…查看更多

見屯市開咗新餐廳食烤魚，仲見佢做緊 $10隻烤蠔就試一試！🔥烤魚有5個口味，有辣有唔辣，雖然平時好少食辣，但呢排實在太濕，要食少少辣嘢去一去濕先得！餐廳環境都算OK，係常見嘅現代中國風裝修，😇有兩人、四人同大圓枱，多人去食都可以聚一聚！枱都算大，二人枱放大大盤烤魚都夠位，通風都OK，食嗰陣唔會好大陣味，總體都唔錯！🦪川味活燒生蠔 限時優惠 $10/隻(原價$28/隻)呢個蠔真係幾抵，$10 隻又大又肥美，幾新鮮厚肉，加埋蒜蓉烤，烤得啱啱好，唔會太乾 ，好惹味！我見枱枱都嗌6隻以上，成排上好吸引！🐟青花椒麻香烤魚(江團魚) $328因為想食麻嘅感覺，所以叫咗微辣+中麻，上面好多一粒粒嘅青花椒，真係麻得嚟好爽！今次叫咗江團魚，魚嘅皮煎香過，有少少脆，魚肉幾厚幾多下，兩個人就算唔食飯都夠飽！🐥涼拌蔥油雞 $88雞嫩滑，啖啖肉，蔥油都好香。🍹夏日傾情 $38個杯好似菠蘿幾得意，有少少似沙冰，甜得嚟有水果香，好有夏日 feel！🍺芝士奶蓋茉莉綠茶 $32綠茶清清哋，加埋一層薄薄嘅芝士奶蓋，用玻璃杯裝唔講以為係啤酒！配濃味嘅烤魚夠解渴！…查看更多