越萊 (福榮街)

平時都去開深水埗覓食 因為d野食平又高質😋😋永遠都好多新驚喜！ 今次係深水埗少有搵到有好味又抵食既超越南🇻🇳菜！難怪閒日收工時間已經有好多捧場客食緊餐廳d侍應都好nice同有禮貌👍🏻 今次因為第一次試 所以當然叫咗佢地個招牌牛河試試佢！呢個「牛萊了」勁足料 完全唔客氣 岩晒完全唔想諗又想試晒🐮既人！入面有生牛肉、牛肉、牛丸2粒、牛腩、牛𦟌🐮🐮🐮🐮 不得不提d牛丸好juicy彈牙🤩 食完呢碗一個人已經飽飽地 （跟餐仲配有熱柚子蜜！）為食既我見到佢地仲有份小食拼盤 有好多款唔同越南🇻🇳小食 有炸蝦餅、雞豬串燒、春卷、蘿蔔etc總之嚟開深水埗 一定要嚟試試！！！！！！！！！！！！！！！！！！…Read More

今日同朋友一齊去深水埗覓食，結果揀左食越南野，我地各自叫左碗粉同小食😋我食檬粉+生牛肉（食越南粉當然要食）+祕製豬軟骨+唐生菜+牛骨湯底。成碗粉幾清，唔油膩，好岩我心水，我仲加哂d辣椒+青檸+配菜落去，越南風味出哂黎！味道幾好！我最推薦祕製豬軟骨！因為有肉味得黎，又炆得好冧！唔會有過多既調味料！生牛肉肉質幾易咬，湯底亦足夠熱令生牛肉變熟！另外小食方面，我食左炸春卷，味道ok! 雞肉串燒，唔會好油，個醬係精華所在，將雞串味道提升！另外仲食左燒帶子明蝦涼拌茄子，蝦幾爽口，帶子都唔錯！另外，叫左杯椰青特飲，走甜，有好多椰肉😋總結，食物唔會油膩，岩我口味，性價比高！😋環境都光猛乾淨，服務員態度好，可以encore!…Read More

你到深水埗想食下越南嘢 咁啱見到呢間越萊 新開張就入嚟試下.佢哋最出名算係嗰個牛肉骨湯 湯底清甜可口可以叫三樣配料 連埋嘢飲都係48元我就叫咗 生牛肉 牛腩片 唐生菜 配上柚子蜜一杯追加兩隻牛油雞翼都係加十元 炸雞加豬肉串 首先兩隻牛油雞翼炸到恰當好處外皮 鬆化可口豬肉串燒分外惹味用上新鮮豬肉串燒牛骨湯的確好入味 配上 生牛肉牛腩片 好惹味最後配上一杯熱柚子蜜 呢一餐就好易滿足我朋友就叫咗 牛骨湯 河粉生牛牛 豬肚 豬肉扎肉熱檸蜜同樣都係食到舐舐脷 佢仲追加咗個小食拼盤…Read More

深水埗嘅食肆真係有好多選擇，今日發現一間新開嘅越南菜，又可以試新嘢啦！呢間餐廳都幾注重衛生，每枱都放咗一支搓手液同埋一疊消毒濕紙巾俾客人使用，真係做足防疫措施。見到呢度單拼麵餐只係$34起，以今時今日嘅物價而言算係好超值！牛湯鮮甜，牛腩片肉質嫩滑，而每碗都會有好清甜嘅蘿蔔，仲有分開上嘅紅椒、青檸、芽菜、九層塔等，非常出色！不過麵嘅份量就唔算好多，細食女士就啱啱好嘅。身為大食嘅女士，就當然要加番啲小食先滿足啦！呢個小食拼盤有春卷、牛油雞翼、燒帶子明蝦涼拌茄子🍆。雞翼好大隻飽滿，新鮮炸起，好香蒜蓉牛油味。我尤其欣賞燒帶子明蝦茄子呢個配搭，好新穎午餐時段只係$18 ，好抵食！最後仲叫咗個炸蝦餅，蝦餅炸得脆卜卜，肉質相當彈牙，好味！我一向都鍾意支持新開嘅小店，所以我都會向朋友推介，值得一試！…Read More