檳榔島敍

營業中

休息中

開業短短幾個月已經有唔少好評!佢就係鰂魚涌既檳榔島敍,主打馬來西亞菜式架!下午時段成日都要等好耐,所以我地就決定晚上先來食!平日星期一至五仲有晚市二人套餐,套餐有沙律、小食、兩個主食、兩杯飲品及一份甜品,都只係$338, 好抵食架!小食拼盤可任選三款,我地揀左 #參巴水牛城雞鎚 、 #手打馬來蝦餅 及 #馬拉盞一口蝦多士超推介蝦餅, 真係好彈牙, 好食過其他餐廳好多!!水牛城雞鎚就辣辣地好惹味!主菜我地叫左#馬來生炸雞髀配椰漿飯#檳城福建蝦摻摻#馬來生炸雞髀配椰漿飯大大隻生炸雞髀, 超香超脆!!佢仲會配埋小魚乾、花生~個人好喜歡呢個椰漿飯, 濃郁的椰香同雞髀好鬼夾!一定一定要試!#檳城福建蝦摻摻又係食馬來西亞菜必點菜式之一!先試下湯底, 嘩! 不得了不得了!好香蝦味, 再摻了辣椒, 好正呢~~~配菜有蝦、五花肉、魷魚、芽菜、雞蛋,麵底是兩溝油麵、米粉,我地好快食到清底! yummy!飲品選了 #雜果賓治 及 人氣 #美祿山 甜品是 #榴槤芝士蛋糕 ,香濃得來不會太甜, 好好食!是日晚餐好滿足!我相信我地一定會再來!

小弟一向都鍾意馬拉菜，而馬來西亞都曾經去過兩次，兩次都有到訪過檳城，因為真喺幾鍾意呢個小島，人少、地方大、多果園、沙灘區好靚，最搞嘢喺廣東話通行。疫情嘅完結都開始睇到曙光，希望早日能遠行，飛返一轉大馬。咁未飛得住，就食餐馬拉菜嚟懷緬吓，住晌港島東嘅老友推介呢一間小店「檳榔島敍」，講菜式頗特別。地址標示「海灣街」，其實要轉個彎入「海堤街」先喺。入夜嘅鋪面掛着霓虹燈，都有少少嗰時去到檳城「新關仔角」嘅海鮮檔。入到鋪內，就完全唔同晒，好有藍天白雲，對住一片海洋之感，幻想吓，都有幾分晌海灘嘅風情，悠閒輕鬆。雖然話賣馬拉菜，但翻一翻餐牌，就會發覺菜式加入其他菜系元素，由特色小食、沙律、主食、飯品、粉麵……到意大利麵、薄餅、甜品都一應俱全，種類繁多。不過，講抵食，店家嘅晚市二人套餐應該喺最划算，因為起錶價$338就包咗前菜沙律、小食拼盤、2客主食、2客飲品及甜品，但溫提一下，部份菜式需要另外加錢。而且，小食、主食都選擇多多，彈性大。所以，我哋都喺揀食個二人餐。順便講講埋啲飲品，基本就分為非酒精及酒精類，前者有唔少馬來西亞特飲，而後者唔止得啤酒，仲有手工啤、紅白餐酒。前菜沙律以為套餐嘅沙律，都喺一般

突然有種心血來潮想食馬來西亞菜，二人套餐較抵食只需$366，而且選擇種類都幾多，可以自由搭配。椰漿飯配馬來生炸雞髀，雞髀炸得熱辣辣脆卜卜，雞皮一咬就有超脆既聲音，雞髀肉唔乾身，做到鎖住肉汁無流失，辣醬味道會偏辣少少，我覺得加落雞髀到黎食好正，飯粒有陣陣椰香味。馬來甘香海鮮天使麵，需要加$28，天使麵炒得夠香夠入味，帶有少少辣夠惹味，海鮮之中蝦嫩滑彈牙，青口亦飽滿大隻。小食拼盤，自選三款，揀左馬拉盞一口蝦多士、參巴水牛城雞槌、馬拉盞魷魚圈，醬汁有兩款，辣醬和類似甜酸醬，雞槌同樣炸得夠嫩有肉汁，魷魚圈外層酥脆，內裏爽口彈牙。班蘭咖央多士，食星馬泰菜必點既咖央多士，方包烘得好脆，這店咖央放入左牛油，好邪惡但好食能勝於一切。美祿山，先飲一啖飲品再舀一匙羹美祿直接放入口，雙倍濃郁味道好滿足。檳榔島敍雜果賓治，非常清甜解渴，生果有幾多款就數唔到，但一邊飲一邊食生果粒好有口感。香烤薄餅配辣茄雞件($68)，再點多一款小食，辣茄醬其實唔算太辣，好岩唔食得辣既客人，雞件其實係雞槌咁大件，炸得香脆，薄餅一定要趁熱食，放涼左就會開始變硬。

呢期天氣日日都35-36度，就快熱暑人了，仲要加上blue Monday，無心機煮飯，落街食啦。😤於是同我附近的好姊妹Eva 去咗間生面口的餐廳，一入門口就感覺到強勁的冷氣，出唔返去了😌😗由於熱到人都懶埋，見到2人餐就叫左一份 $338（閒日），食物有：前菜沙律兩份、小食拼盤（可揀3款口味）、主食（可㨂兩款）、甜品（㨂一款）及非酒精飲品2杯（鐘意飲酒可+$28）。點餐後，一嚟就係呢個沙律，佢最特別之處係用上條狀的大樹菠蘿做點綴，平時不吃大樹菠蘿的我，估唔到因為呢個沙律令我完全改觀，果然係絕配！飲品方面，今次我地叫左 班蘭龍眼冰（如果散叫要$35）單憑肉眼睇都有成10粒龍眼咁多😳好飲又好食。另外仲叫左杯檳城焦糖咖啡（如果散叫要$35），我好姊妹話杯咖啡不會死甜，同咖啡融合左，洽到好處，還有淡淡的咖啡香味。聽住流行的英語音樂，望住餐廳仿如藍白色海洋的牆身，竟然有種渡假feel😳可能我真係熱到傻左了😌跟住輪到小食拼盤 （如果散叫$98就有4款指定食物），但跟餐就有8款㨂3款的小食🤔，我地果陣叫左 馬拉盞魷魚圈（四件）、馬拉盞一口蝦多士（四件）及 鄰家手作蔬菜春卷（兩件各開一半），小食中我比較