自·然烘焙

營業中

休息中

早前睇啲雜誌已見介紹過呢一間有誠意嘅麵包蛋糕小店，強調食得健康，用上靚料，無添加任何化學嘢、防腐劑之類。今晚收工後就趁過到嚟鴨寮街買電話卡，就順道一訪，睇睇有無咩心水選擇。小店賣嘅就喺真材實料嘅蛋糕，所以，睇落裝修方面比較簡約，成間鋪嘅空間好大，唔會搞到逼逼狹狹。對住櫥窗喺擺放蛋糕嘅凍櫃，蛋糕款式非常多，而且，又頗為別出心裁；裡面角落位就喺一組L形麵包櫃，個個都獨立包裝，夠晒衛生；另外就有小小區域擺吓其他烘焙產品，以及凍飲。近收銀側旁，原來仲有啲掛耳咖啡包賣，啱啲人買個包之餘，再買個掛耳咖啡包返公司，嘆杯靚咖啡。其實，樣樣嘢都好吸引，最後揀咗啲甜品作為飯後甜點，而另外選多一份牛奶方包，作為聽朝早餐。椰汁荷包蛋 $20除咗蛋糕，店家都做咗啲布甸，是晚就見到有兩款味道：呂宋芒布甸、椰汁荷包蛋。咁咩叫荷包蛋呢？其實喺椰汁布甸，裡面再加粒呂宋芒嘅果肉，布甸入口質感比較似意式奶凍，超滑身，如果喺布甸口感會較為挺身啲，嗰份椰汁味非常突出，雖然只得一粒芒果肉，但甜度十分高，芒果味清甜。小籠包 $38呢一款法式蛋糕喺店家招牌，之前睇雜誌都喺重點介紹佢，當晚晌櫥窗所見，除咗個「小籠包」，仲有一款「小壽桃

最近去開長沙灣途經發現有間賣相精美既蛋糕店，價錢合理又高質糕點，最緊要係全部糕餅都係少甜，而且不添加任何增味劑、人造糖及防腐劑，食得健康又放心，定必令人一試難忘！餅店門外蛋糕櫃充滿溫馨自然的質感，被多款精美蛋糕所吸引，當然一定要買俾家人試吓啦！小籠包    $38蛋糕係百分百香港原創烘焙技術製作，以一系列創意甜點。黑加侖子芝士蛋糕造型精緻漂亮，上層好似俄羅斯洋蔥形圓頂建築。黑加侖子味嘅慕絲配上香濃芝士，平衡咗黑加侖子既酸度，而中間係檸檬吉士，口感酸甜綿密，非常開胃，優雅既賣相帶給視覺同味覺上既享受。New York Cheese Cake    $32依件係最多人熟悉嘅蛋糕款式，芝士蛋糕質地唔錯，口感柔軟得來密度幾高，入口香滑，芝士味濃厚，質感綿密，滿嘴都係濃濃既奶香，甜膩中帶點芝士獨有既鹹鮮，蛋糕款式都非常精美！咖啡軟心慕絲     $40餅店每日提供各種新鮮製作既糕點、蛋糕和麵包，而餅房用上新鮮既材料製作多款精緻美味既蛋糕。這款咖啡軟心Mousse蛋糕，香醇咖啡味，軟滑可口既Mousse，食起嚟有彈性又香濃，口感層次分明，好美味。