稻成小館

適逢父親節周圍都好多人，好彩我預先係Open Rice訂咗呢間餐館食飯Booking係8點，7點45到達大概8點左右有得入座，尚算可以啦畢竟係特別日子入座後店員可能太忙，唔係好得閒招呼我哋連menu都要問先有枱上有餐前小食，一啲類似炸豆嘅小食原來每碟都收$15，都真係硬食今次我哋6個大人1個小朋友所以叫咗個貴啲嘅四人餐，再加啲小菜𝐎𝐫𝐝𝐞𝐫:: ⧐茶位 | $70⧐前菜| $30⧐假日四人豐盛宴 | $1188↬ 水晶肴肉↬ 巴蜀口水雞↬ 炸乳鴿↬ 花膠雲吞雞湯↬ 辣棷炒黑毛豬肉↬ 稻成酸菜鱸魚↬ 蟲草花浸時蔬↬ 稻成小籠包↬ 白飯↬ 椰汁燉蛋白小湯圓⧐追加 酸菜薯粉 | $32⧐稻成小籠包(4隻) | $52⧐雞絲粉皮 | $58⧐朝日生啤 | $48⧐稻城片皮鴨(半隻）| $218⧐可樂食物質素整體都幾好，全部都好新鮮呢間店平時行過見到人流唔多其實都唔太大期望但原來食落都唔差，超出我哋嘅預算個人比較推介水晶肴肉，乳鴿，酸菜魚小籠包，雞絲粉皮同片皮鴨水晶肴肉個湯底啫喱做得好好，金華火腿味道好出好香乳鴿即叫即炸，好香口，係差個鹽酸菜魚個湯底幾出色，係啲魚唔算好滑小籠包皮薄餡靚，好多湯汁係入面雞絲粉皮係用純麻醬，唔係酸酸地個種我個人比較鍾意呢種片皮鴨切得好好，不過原來唔係係你面前切加上有少少烤過龍，燶咗小小有點少失望，不過勝味道撘夠整體都唔錯嘅，下次都會再食…查看更多

見到佢哋有得食片皮鴨，就去試一試。如果就咁叫半隻片皮鴨，要$208。見到佢哋有個二人餐， $400多啲，個餐入面已經可以揀半隻片皮鴨，所以就叫個二人餐啦。個餐入面，除咗半隻片皮鴨，仲揀咗四隻小籠包同埋一碟奶油津白。個餐會包兩碗飯同埋兩隻高力豆沙做甜品。額外再叫多咗一個咕嚕肉同埋抄手。首先服務員態度非常好，有耐性介紹菜式。上菜速度亦都幾快。環境不過不失，算係舒服嘅。片皮鴨嘅話，鴨皮鴨肉分開，適合一啲可能只係鍾意食皮唔食肉嘅人。鴨皮部份其實鴨香唔重，冇乜油份。鴨肉反而多啲鴨香，亦都唔會好乾柴，反而幾Juicy. 奶油津白幾好味，抄手辣到適中，就算唔食得辣嘅人都應該接受得到。小籠包皮薄多汁。高力豆沙都唔錯。鬆軟，又唔會太甜。整體來講，味道唔錯。唔可以話超級好味，應該算中上。坐得又舒服，好過啲平但係一大陣味嘅酒樓。…查看更多

早前難得約埋一班朋友去食飯，撞啱行緊市廣場，就試下呢間川菜小館環境都唔錯，幾闊落，我哋叫咗幾道菜分量都好足夠，整體來講，好抵食。四川涼粉嘅涼粉都幾滑，浸透咗麻辣紅油嘅醬汁，好惹味小籠包皮薄肉多，內裡嘅肉汁豐富，太正啦鳳梨咕嚕肉d咕嚕肉炸得香脆又唔會太油，整個味道酸酸甜甜，好下飯上海粗炒麵味道適中，唔會過鹹，麵都好彈牙酸菜魚嘅分量都好足夠，湯有少少辣同麻，搭配酸菜好開胃，啲魚片肉都好嫩滑，同埋冇刺！蟲草花炒翡翠苗就好清新，食落爽口！…查看更多

今日掛左好多年都無掛既十號風球，由於屋企無儲糧，所以夜晚就出街搵野食真係餓到一個點咁出左屯門市中心，成日都見依間野好多人排隊，於是好奇心之下就攞飛排隊等左半粒鐘就入左去滿心歡喜諗住叫片皮鴨點知賣晒好傷心呀⋯⋯咁於是第一次食既我就膽粗粗叫左水煮牛肉不過不失送飯一流好大碗架，都幾多料架小籠包皮薄多汁算係幾好咕嚕肉掂用料好新鮮有鮮波羅正呀！仲好大碟下讚讚讚同一個靚仔（白飯）食完依餐之後真心覺得有下次！堅係唔錯…查看更多

太差勁了， 簡直令人失望嘅餐廳， 諗住佢啲相咁靚，應該幾好食呀，入到嚟燈光暗沉， 尤其是檯面嗰碟豆， 簡直不知所謂 一定唔會再嚟， 完全唔掂囉，筷子竟然有一點白色嘢喺度， 比幾多差評都冇用，碟幼麵好似烏冬咁組粗，D野貴到飛雞，未食完，先執嘢…查看更多

平安夜周圍都多人，西餐廳更加只得set又貴，所以同阿女決定食中餐，佢又鐘意食小籠包，所以嚟試吓啦！未夠六點只得幾枱客，我兩被安排坐卡位，唔迫舒服！侍應話個半鐘交枱，完全無問題，快速點餸，望吓已經坐滿哂！未夠七點門口已經好多人等位喇，我哋食哂就埋單，雖然個鴨唔係我預期咁，但總結都好味，而且侍應服務有禮，快速！…查看更多