大將 (已結業)

二月頭個陣嚟食過一次，環境整潔，食物優質，於是今晚放咗工同朋友又嚟食火鍋放題，諗起都興奮😙美國SRF和牛套餐 ($218再加一)美國SRF和牛質素真係唔惹少，切片紅潤透薄，油脂分布均勻鮮明，入口牛香味濃郁，食到啖啖牛味，好正啊😍套餐仲痛五花肉、特選雞腿肉，五花八門，牛豚雞都有齊，啱曬啲十五十六心大心細嘅食客🤓個人幾鍾意特選雞腿肉，肉質細膩，香軟嫩滑，配搭埋自選區嘅香麻油同其他醬汁，風味倍增，好好味啊😋平時麵好鍾意辣湯，今次想試嚇新口味湯底方面—博多味噌湯、富士蘋果湯，博多味噌湯鹹香惹味，味噌味道突出，都幾突顯到肉嘅鮮味；富士蘋果湯味道好新鮮，酸甜得嚟帶點清新，可以一試😆 配料種類都多到花多眼亂，蔬菜、小食同甜品選擇多元，有丸子、烏冬、年糕條等等，樣樣都想試下😍甜品選擇都唔錯，有唔同嘅cake仔同糕點，今次仲自製抹茶waffle，DIY體驗一流😊同上次一樣，員工服務態度好，密密地加湯☺️整體用餐體驗冇得輸，飽到要捧住個圓滾滾嘅肚仔走👍🏻

Happy Friday~ 原本同老公約埋屋企附近買外賣，點知路過大將，👨🏻老公話：好耐無食火鍋放題。雙眼發光露出「肉」望，就這樣外賣變堂食✌🏻晚市多人，好彩間舖夠大，好快入得。都無時間逛下大將超市，食飽又收咗😅美國SRF和牛～我買過都唔平，呢度食返2-3round都回本啦。😋牛味溫和，肉質軟嫩，帶點甜～唔錯唔錯！雞肉都唔輸蝕，嫩滑～呢個店員推介新湯底～🍎富士蘋果湯，仲有蟲草花，清甜滋潤醬料區有特式醬料大家可以自己試試：韮菜醬油、椰子芫茜汁、黑麻油等等。自助食物區，食物都有蓋，食客都好自律，會帶口罩出去拎嘢食。我只有一個要求，可以加芝士魚餅嗎？🤣🥬除咗常見菜類，仲有啲貴小小嘅秋葵、翡翠豆苗。汽水機、咖啡奶茶自己嚟～冷熱飲品機齊備，仲有細支裝鴻記飲料，原來出咗凍檸茶咩？！😆等緊水滾，可以食住熟食先～冷盤、飯、麵、炸雞，味道唔錯，但都要忍住😆我仲要食和牛架🐂呢碌嘢相當有嫌疑🧐我第一眼以為係筍🤣原來係煮茄子，冷盤，食落有陣梅酒味，好得意呢度係真。雪糕😋之前去過啲放題，部機係乳酪雪糕😟唔鍾意隔離雪櫃仲有精美小甜品～肚容量有限，下次再食窩夫～🌟總結：🌟店員有禮，體諒下佢哋好忙🌟食物refill速

大將新開張的時候食過一次， 今次再encore， 位於將軍澳PopCorn商場1樓， 地點方便。 喜歡餐廳日式新派設計， 座位舒適， 環境和食物都很衛生。 還記得上次吃阿古豬， 今次又試下美國SRF和牛放題$218先， 湯底點新款的富士蘋果湯和博多味噌湯。美國SRF和牛餐包括美國SRF和牛、美國嚴選極上牛、美國特上牛、 五花肉、豚肩肉和特選雞腿肉。 富士蘋果湯清清地，博多味噌湯香濃滋味，美國SRF和牛有適量的油花，肉質鮮而肉味濃。 其他火鍋肉類都很新鮮，自助區有多款醬料、熟食、丸類、菜類、湯類、飲品和甜品， 熟食有炒飯炒麵、 醃菜和炸雞， 炸得香口又肉嫩。 丸類有多款選擇，最特別就是福袋年糕， 煙煙韌韌口感正。 菜類選擇亦很多， 每款都超級新鮮。 飲品有鴻福堂飲品、汽水機和咖啡機。最後一定要試下自製窩夫機🧇， 用1分30秒DIY個靚靚窩夫之後， 再加雪糕、 朱古力醬和朱古力脆脆，最喜歡一人一鍋， 感覺特別衛生， 很推介這間日式火鍋店， 吃shabushabu🍲之選。👍🏻

好耐都未試過出去打邊爐咁啱行Popcorn見到呢度有一間"大將"見佢一個價錢任食就試下啦！有美國同澳洲牛揀我就揀咗$218美國SRF和牛套餐入面有美國SRF和牛、美國嚴選極上牛、美國特上牛、五花肉、豚肩肉、特選雞腿肉至於湯底我地就揀左最新發行既富士蘋果湯同埋博多味噌湯一人一鍋唔駛掙呀第一次食用生果做湯底幾有趣又可以拎返撈起啲蘋果嚟食啲蘋果煲完都仲係甜架！而另外一個就揀咗味增湯底都好好味好有日式風情呢度仲有送餐機械人佢仲有唔同表情小朋友一定好鐘意！美國SRF和牛嘅味道都濃一盒有四片切片較為厚所以食下食下都幾飽另外仲有雞同埋豬全部都係任食嘅雖然好似主打任食牛但佢地既雞同豬既質素都不錯～而外面有仲有蔬菜任君選擇仲有我最鍾意嘅山藥、秋葵同埋日本南瓜添仲有大量嘅丸腸仔等等飲品熟食都係任飲任食超多選擇淘小姐好欣賞呢隻膠碗食野放係上面，湯汁就流去下面唔會浸住呢個設計十分好！好少地方有年糕福袋食上面個件係仿真魷魚都幾好食呢度重點推介梗係呢度嘅甜品啦有得自己整窩夫同埋自己斟軟雪糕雪糕有原味同朱古力味最後仲可以自己揀topping有甜草莓醬、朱古力醬等等我就加咗朱古力碎啦好味～

澳州和牛放題套餐有澳洲和牛、五花肉、特選雞腿肉，全部都是任食，自助吧也有丸類、蔬菜類等。澳洲和牛有充足的肉汁和油脂，具咬感，肉味濃郁，cp值高❤️前菜拿了一點炸雞、牛肉烏冬、青瓜漬及茄子食，質素不錯😋最近新出左兩款湯底-富士蘋果湯及博多味噌湯，蘋果湯幾清新特別可以一試～鍾食甜食既有窩夫機🧇自己整幾得意，我吱左雪糕係上面，一啖窩夫一啖雪糕好正😋除左窩夫機仲有雪糕機，可以自己揀鍾意既配料同醬，仲有啲小甜食，布朗尼、小蛋糕、棉花糖等等餐廳裝修以木系簡約為主，有卡位坐幾闊落，仲有送餐機械人