醉瓊樓飯店 (西貢街)

這是一間老舊而傳統的客家菜飯店，起碼有40年歷史吧？🤔飯店不止一層的，可走樓梯上二樓。食物則用食物電梯運送。論環境，飯店真的很老舊，有種老香港的味道。人多吃，點套餐會比較便宜，又可多試點菜色。推薦。套餐398元起(可惜不包白飯)，另加一。胡椒白果豬肚湯傳統足料，暖胃，豬肚冇腥味，胡椒味足。味道唔錯的，客家釀豆腐很滑溜，配 芡汁很下飯的。梅菜扣肉絕對是客家菜的靈魂之一。這店也做得正宗。扣肉炆得夠火候，香鬆帶油香，梅菜吸收了所有精華，正!客家鹽焗雞很滑很多肉，鹹香鹹香的，停不了口。生菜炒得好吃但太多油了。客家菜基本上偏油，吃多會有點膩，如果這碟菜清淡一點就好了，帶翻點清新。…查看更多

星期日同家人晏左起身，出門搵嘢食已經接近三點，家人提意去醉瓊樓食客家菜，去到見冇客人以為佢地收咗，一問之下阿姐告知午市客飯時間已經過咗，只有散叫小菜或套餐，我們特意到來便決定坐下慢慢揀。這兒有我鍾意食嘅牛骨髓，非常入味又嫩滑。但今次想食多D種類所以叫咗佢地嘅套餐$398 有半隻雞，客家釀豆腐，梅菜扣肉，油菜及腐竹白果豬肚湯。先上梅菜扣肉，梅菜味已經入曬扣肉度，扣肉鬆化，送飯勁正！佢地嘅鹽焗雞好好味，加上特製沙薑味道一流！客家釀豆腐每件有手指咁長，共十幾件，內包碎肉，炸完再燴我自己超鐘意食銀杏，但湯一到有如豆漿咁白，阿姐話係用腐竹煲到化而成，內有無數銀杏同豬肚，啱晒我！下次來要食炸大腸！…查看更多

有十多年無食,聖誕難得一大棚親友一齊食飯, 唔去食西餐, 反而黎食醉瓊樓, 但果然無揀錯!一圉十二人所以就叫個套餐, 碟碟都好足料, 份量夠哂食梅菜扣肉, 每台客人必點! 睇落好肥膩, 但入口即溶! 梅菜又唔會好咸, 又香鹽焗雞, 無冰鮮味, 忍不住連雞皮都食埋客家釀豆腐, 夠獲氣~蒸鯇魚, 無泥味又大條, 好彩無加錢要條斑白胡椒豬肚湯, 唔辣, 都不錯,但感覺似腐竹糖水多D~真係保持住十幾年前的味道, 下次一定再黎食過^^…查看更多

大前日(16-10-2012 Tue)晚,全家人去醫院探大哥,諗住走o既時候可以一齊食晚飯,點知大嫂o既妹妹話同佢食飯慶祝大嫂生日;二哥架車又泊都唔就腳,如果同我o地食完又要行返去攞車,爸爸就叫佢唔好同我o地食.所以最後都分成三批人,爸爸,我同男友就o黎呢o度食啦.由於爸爸之前o係醫院肚餓,佢就食o左啲人買畀大哥o既麵包;而男友o係等我o黎o既時候,都食o左碗細勇;我就因為都食o左啲杏仁而唔太餓.睇睇menu,鹽焗雞一隻都要$300.00,好貴呀!睇睇吓有6人套餐,再搵,睇到有個$398.00o既3-5人套餐,有半隻鹽焗雞, 梅菜扣肉, 客家釀豆腐, 清蒸鯇魚同胡椒白果豬肚湯.爸爸又另叫三個白飯.落o左單,男侍應問我o地要唔要菜,因為個餐冇菜.爸爸竟然問有咩o野菜?然後要個蒜蓉炒菜心.邊食得晒呀?5. 胡椒白果豬肚湯白雪雪,好重白果味,胡椒o既辣係o係喉嚨,但又唔係好辣,感覺好正,豬肚夠腍,冇腥臭.味道: 5分2. 梅菜扣肉梅菜唔係好香,扣肉肥o既部份都唔多,不過啲肉唔腍,冇入口即融o既感覺,味道亦唔夠濃.冇諗到醉瓊樓會做得咁差.味道: 1.5分1.半隻鹽焗雞味道食得出唔係鹽水雞,夠味,但可惜好似煮耐o左,啲肉又實又o鞋.味道: 4分6. 另加o既蒜蓉炒菜心一睇就知道油,菜心係大大棵o個隻,諗住會有渣,但又唔係,又甜又嫩,唔錯.味道: 5分3.客家釀豆腐豆腐大大件,餡就好少,呢個普通冇問題.味道: 3分4.清蒸鯇魚大大條,算蒸得o岩o岩好,爸爸讚好食.味道: 3分最後到白飯,白飯有啲粗糙,好彩水份都叫做夠,未至於太硬.味道: 2.5分7. 送o既甜品好似有綠豆,麥米咁,味道唔甜,都係普通.味道: 2.5分我o地食剩兩碗飯,梅菜扣肉, 客家釀豆腐同清蒸鯇魚,有吉飯盒o係身o既的,就裝起佢翌日帶返公司食,而梅菜扣肉同兩件客家釀豆腐就拎返屋企.環境:保留52年o既裝潢冇問題,不過冷氣好似唔多夠.呢餐埋單連茶芥加一共$539.00,好貴.…查看更多

昨晚與友相約於佐敦醉瓊樓食客家菜。因為兩人早到，二樓還有很多卡座。此店如是西餐廳，想這些卡座一定極受歡迎。坐下後兩人原想叫一個好抵食之套餐，但是套餐是有四個餸菜之多，兩人如何大胃，理應也吃不哂。故散叫鹽焗雞、梅菜扣肉和客家釀豆腐三個菜。鹽焗雞樣子都可以，但是以咸雞來說，不是表面有小小咸，應該雞肉裏都是有適當的咸味，但今次此碟鹽焗雞肉則欠缺了。可說此餸是平平無奇，非常普通。梅菜扣肉很夠味道，不失為重味的客家菜，此碟扣肉肥瘦適中，蒸得夠腍，梅菜都好入味，值得一讚。客家釀豆腐的豆腐不夠軟滑，煎得不夠時間，釀入豆腐中的豬肉，只有小小一點兒，而味道不夠，此菜亦是普通之作。今餐結帳三個菜加一支靚女啤，合共為二佰五十八元。…查看更多