OPPA韓國燒肉店

營業中

休息中

好久沒吃韓燒，之前經過洗衣街見到有好幾間韓燒店，今次就去這間Oppa試試。每枱都有幾碟小菜，泡菜、大荳芽同紫菜，吃完可以任添。枱上仲有籃生菜供食客包肉，同樣任添。侍應會先在爐邊整泡菜紫菜蛋，到時到候就可以吃。點了幾碟牛，全部都好正！有安格斯肉眼，一整塊燒完再切件，鎖住肉汁，不用點醬都很夠牛味！黑毛豬最適合包菜，再點燒汁及泡菜，甜甜酸酸的，食完想再食。A4和牛薄薄一塊，燒幾十秒就可以食。同樣不用點汁都夠味，正正子！推介泡菜牛小排，順序加蒜頭、牛小排，泡菜及醬料炒，可以撈飯食。第一次燒原隻魷魚，本身醃製了，所以不用點汁都夠味，不過有少許咸。整頓飯都很滿意，燒肉果然無得輸。服務又好，會幫客人燒肉。

成班同事一齊趕project，做到八點幾先收工，大家就決定一齊去食埋個晚飯，落咗旺角食就揀咗呢間韓燒，我地四個人啱啱好見到有個宵夜四人餐只需六百幾蚊，咁就決定要呢個。職員好快手就俾晒前菜我地，又有麥茶提供，好啱韓燒肉飲，因為麥茶有去油之用。前菜有海帶、芽菜同埋泡菜，本身我因為怕辣都無點食啲前菜，但因為同事一直話好好食就決定試下，泡菜真係好好食，我地添咗三次添，個泡菜小小辣，但慢慢嚟都可以食到。而韓燒有既芝士蛋佢地都有，入面有小小泡菜，加埋芝士好好食。每人有一枝飲品，可以揀韓國啤酒或啫一啲罐裝果汁，我就揀咗韓國啤酒，酒味都幾重。餐既嘢食包咗南瓜拼翠玉瓜~大虎蝦、帶子、多春魚安格斯肉眼扒牛柳粒和牛脷職員好好咁主動幫我地燒埋啲嘢食，牛脷超級好食，燒得啱啱好，好爽口。帶子燒完之後都好好味，而咁多肉入面我最鍾意呢個安格斯肉眼扒，職員好好咁幫我地分開晒一條條，而且一邊邊慢慢燒，燒完一啲都唔「銀」，加埋菜包住食啱啱好，罪惡感無咁重，不過就咁食都好好，唔算太肥。呢個都係職員幫我地燒埋蝦，仲幫我地開埋蝦殼，因為本身都好怕麻煩開蝦殼。本身叫呢個餐既時候都有啲怕好似唔係話太多嘢食會唔夠飽，但食完之後就覺得啱

跟好友聚餐最好就是燒烤這家餐廳的佈置像韓國燒肉店每檯也有一個垂直抽煙機很多情侶和家庭用餐氣氛溫馨熱鬧吃燒肉當然要有配料餐廳提供生菜芽菜絲海帶泡菜還有一些醬汁不夠的話可隨意續加下單後店員有爐邊加上泡菜粒再注滿蛋液那一定是令人期待成品呢 冰鎮鮑魚鮮味十足質感彈牙配上醬汁芽菜蔥末增添不少風味Shake Shake 飯是韓國傳統鋁製飯盒便當把材料略微攪拌就用力搖出的好滋味製成品混合了泡菜的辣味海帶的鹹香 肉品方面我們主打牛肉澳洲和牛脷已切成條狀方便燒烤燒好的肉可以直接享用或用生菜包上按喜好加入蒜片和甜辣醬安格斯肉眼扒用了香草醃製略略煎香便可食用店員幫我們燒生熟度控制得剛好肉汁還能完美地保留著

本人其實對燒肉的愛好麻麻，因為好大陣油煙味，但老公開到聲想食燒肉唯有奉陪。 今次選擇響旺角呢間燒烤店， 其時未夠7點已經見到好多人都用緊餐， 質素應該唔錯。叫嘢食之前，就已經幫我地開左爐，整咗泡菜 蛋捲，落左好多泡菜，要自己睇實，先可以食到香滑嘅 爐邊蛋捲。之後點左個約9oz安格斯肉眼， 肥瘦適中, 未燒之前係一大塊，待應會幫你剪成條狀，燒到咁上下，佢地經過會幫你睇， 烤熟就會再剪細， 方便夾生菜食。除了牛肉，我哋都有叫五花腩，八爪魚，炸雞， 豬，牛，雞全部齊曬。五花腩真係好肥好正，烤完啲肥膏好香，皮變得甘脆 夾生菜食可以中和肥膩嘅口感，正到痺。八爪魚大約有六至八條好粗嘅鬚， 價錢平， 但生熟程度比較難掌握。老公見人哋炸雞好似幾好食， 亦都 order了一碟。 炸雞黎到好巨型， 大約有五個雞鎚， 呢個我唔係好識欣賞，覺得個皮太厚，但老公話味道幾好食， 真係各花入各眼overall呢間質素幾好， 只係個五花腩同 好吧

每次路經呢間韓燒店, 門口總係有一班人係度等位, 心諗原因一係好食, 一係抵食, 究竟係邊種呢? 今晚決定要去找尋答案............!訂左位但去到都要等一陣, 係門口無冷氣情況下等都唔係一件易事, 覺得自己好似件肉仔咁不斷標汗/油, 幸好有油筒坐下等, 唔駛罰企!等位之際, 見到門口有D宣傳海報, 7點半前結賬/9點半後入場有八折優惠終於有位,入到去店內面積不大, 一眼見晒, 一貫韓燒店既裝潢, 枱與枱之間距離頗迫, 要坐得親密一點, 侍應先送上幾款前菜(可refill), 味道OK侍應向我們推介呢個潮食二人餐(驚喜價:$268), 有肉有海鮮, 好似唔錯, 一於試下肉類四款選兩款, 我地要左頂級安格斯肉眼扒 - 一件份量都幾巨型, 侍應幫忙燒烤, 肉質幾腍又多汁, 一口一舊岩岩好, 期間又可以食下旁邊既泡菜蛋當晚無豬肋肉, 而我地又怕五花腩太肥, 詢問可否轉其他款式, 最後可改為牛舌 - 一碟份量幾對眼, 無耐燒太耐已可食得, 包埋生菜食就仲正之後到海鮮類上場, 呢個海鮮拼盤包括原粒帶子(2粒), 多春魚(4條)及八爪魚 - 帶子夠晒大粒, 成粒康樂棋咁, 燒完都唔會乾身,

朋友在旺角開美甲店，所以搵她吃飯，一定是在旺角，及十點後！上綱一看，找到近期也多人介紹的以地道韓燒作招徠的店子《OPPA Korean Restaurant》的特色鐵板，便來了一試!門外放了數張以鮮橙色的汽油桶作為櫈給客人等位時可以休息一下，這些櫈亦十分韓風，打開可放手袋外套以防吸味，而蓋上了則可以用作櫈子坐！入座前睇過MENU，決家吃什麼，一般的牛, 豬, 海鮮，雞同韓食都有，價錢不算太貴！這裡十點前有限時2個鐘，不過10點就唔限，仲開到夜晚2點最先看到的是時尚搶眼的裝修，尤其是店裡牆身的數幅塗鴉，據說是店主特意請來法國街頭藝術家噴上的!好了，到介紹特色鐵板! 這款長方形斜台鐵板，是老闆特別訂製的，外形有別於一般韓燒店使用的環形款式，斜身設計可以令燒烤時多餘的油從爐的末端自動流出，旁邊有個位置是先放泡菜混入魷魚, 再加蛋漿, 熟咗便可以食用 （即是依家大熱的蛋捲呀！）坐好後，服務員已率先放下三款前菜，有微辣回甘的韓式泡菜，芽菜同海帶！另外還有調味醬料及用來包住烤肉一起吃的生菜等。韓式泡菜朋友說都幾辣，我不吃的，所以沒有試！但芽菜同海帶我就十分喜歡！還有一壺清爽解膩的凍麥茶，這些全都是