宇治初時@自家創作料理

好耐無去葵廣掃街🍢，成個商場都唔同咗好多，好多唔常見嘅特色小食店進駐🤩，好多元化。但係另外有感嘅係，因為做旺咗嘅關係，鋪租同價錢都貴咗好多💸，葵廣已經唔再係中學生時代$100都唔洗就可以食小食到飽嘅葵廣😢。今次食哩間叫宇治初時🍵，可能因為我剩係衝住涼拌魚皮而黎，所以我都睇唔到佢同宇治有咩關係😂宇治酸辣醬涼拌魚皮 ($30)涼拌魚皮有兩個Size，大$50，細$30，又或者可以$30細魚皮加$20Mix其他配料😋。但要留意魚皮只可以小食咁單賣，唔可以配麵做餸🧐。而辣度都有分四級，小天使辣🌶️、 天使辣🌶️🌶️、人類辣🌶️🌶️🌶️、魔鬼辣🌶️🌶️🌶️🌶️。由於我係唔食得好辣，所以叫咗小天使辣👼🏻，點知真係好小天使，我直頭覺得唔辣😟，所以想淺嘗辣嘅朋友可能起碼都要叫天使辣🪽。雖然係細size，但係份量都好足，都有成4-5條魚皮，而除咗魚皮，入面仲有好多配菜，有蒜蓉、菜脯、酸菜、青瓜絲🥒、芝麻，好多料好多層次。魚皮處理得非常乾凈👏🏻，唔會有魚鱗喺上面，成條好完整好Q彈，食到嗰種膠質嘅感覺💆🏻，幾好食。個汁就因為叫左小天使辣，所以唔太有辣味🤧，主要係酸甜味，唔似係食米線嗰種酸辣味😮，反而似豬腳薑嗰種酸中帶甜嘅味。⭐️總括而言…酸辣魚皮未見到有其他人做，幾特別🤩，性價比都高👍🏻。但係個人口味覺得魚皮配麻辣🌶️先係最夾。有機會會試下佢嘅撈冷麵同其他辣度😉。…查看更多

難得假期可以出去玩，我同朋友仔決定去葵涌廣場掃街，喺呢度真係美食天堂，應有盡有！今次遇上宇治初時@自家創作料理，佢哋嘅料理非常有特色，配搭自家秘製醬汁，而且仲會提供四種唔同辣度可以選擇！另外，會有兩種份量可以提供選擇，如果想食多啲唔同嘢食嘅話，佢哋有輕盈份量揀，正！宇治酸辣醬涼拌魚皮（輕盈）作過一個前菜小食，係非常開胃！我哋仲點咗天使辣，辣度為小辣， 仲帶點酸酸甜甜味道，而且魚皮一啲都唔腥，爽口又美味！宇治帆立貝冷烏冬（輕盈）冷烏冬再配上秘製果子醬，非常美味。烏冬口感彈牙且煙韌，而且一碗入面有4粒凡立貝、粟米、紫菜、青瓜絲等配料，非常豐富！韓國豬軟骨薯仔麵超愛韓國薯仔麵！呢個份量十足！豬軟骨燜得軟腍又入味，而且用醃料醃得十分香！呢間小食店性價比高，下次再去葵廣的話，會再去食過！…查看更多

今次同朋友 #葵廣掃街 佢話見到有個 #youtuber 介紹 #宇治自家創作料理 所以話要去試吓🤷🏻‍♀️#宇治酸辣醬涼拌魚皮 $30/細（🤫🤫其實小編唔鍾意食魚片架😅 不過見朋友專誠話要嚟試吓 唯有捨命陪君子😅😅）不過 果然 #值得一試 👍🏼魚片一啲都唔腥 口感更絕對🙅🏻‍♀️滑潺潺 反而口感爽脆 類似食🤔🤔豬皮？！ 但口感更爽 更有咬口不過個 #重點 係佢嘅 #酸辣醬 🉐#辣度 分為4️⃣級 小天使 🧚🏻‍♂️ 天使😇人類🧔🏻‍♀️魔鬼🧛🏽‍♀️雖然小編唔食得辣🌶️但店員推介試吓 #小天使 話「類似熱浪薯片嘅辣度」果然冇介紹錯👍🏼👍🏼 辣中帶點酸 但又鹹鹹地 好惹味小編認為係弱過熱浪薯片架🤣🤣個辣度配合埋個魚片 絕對有另一番驚喜🤩#必食推介佢地仲有 #主食 #宇治伴麵 $30有5️⃣款麵揀➡️之後再揀撈肉燥定酸辣醬➡️再選擇加配餸小編就選擇咗💁🏻‍♀️ #讚岐烏冬 #肉燥 #牛肋條 唔食得辣 當然揀肉燥啦🤣 不過仲有粟米粒 紫菜 芝麻 芫荽蔥 一齊撈肉燥分別於平時嘅台式肉燥 係老闆親自研製鹹中帶甜 伴麵適合不過😉牛肋條亦炆得好腍好入味 唔好睇少碗野 真係好飽肚最正係 佢地嘅 #酸辣醬 唔駛一定要嚟到舖頭先食到 可以買返樽帶返屋企 都只係講緊$60 #好抵🤑 …查看更多