天 · 悠蔬食 (已結業)

係荃灣有間裝修好清新，精緻又優雅既餐廳。位置闊落舒適，多人飯局都可以☺️主要係亞洲菜式，主打素食，款式仲好多元化👏🏻👏🏻▫️羊肚菌黃耳蘿蔔燜素腩煲+羽衣甘藍飯淨睇賣相已好吸引，蘿蔔同冬菇都燜得好入味，素腩咬落去唔會爛哂，配埋菜飯勁健康🫶🏻◾️泰式素辣肉碎飯+迷你拼盤呢個泰式套餐好出色，打破只有中式素食傳統。辣肉碎配上迷你青辣椒，辣得好過癮，同真正泰式肉碎飯係一樣😋😋拼盤上既肉串，味道好香。春卷用左蘿蔔絲，炸得好脆口，食到停唔到口👅▫️宇治抹茶之旅用左抺茶mochi+抺茶啫喱，仲有抺茶雪糕🍦完完全全每一啖都充滿抹茶味🍵，仲有煙韌既麻糬，男女都岩食。食飽再叫呢個甜品，清新又完美😍套餐仲有前菜+湯品+飲品🥤前菜細細一碟，湯品勁足料👍🏻👍🏻…查看更多

一直都聽過這間素食店但一直未有機會去，今次終於有機會去試，小編食素不多，對素食只係不反對，但試過這間，小編完全改觀，原來素食可以去到咁好嘅質素，每道菜式睇得出有用心製作，這次試過嘅冇一款失望，加上店內環境舒服，在這裏進食完全係享受，要推薦。-🌹紫薯紅菜頭波波見到咁靚嘅紫色波波，都已經胃口大開，食落味道甜甜的，紫薯又磨成蓉，口感順滑，再加上裏面有紅菜頭粒粒，口感更豐富，真心滿分💯。-🌹黑松露薯蓉焗大啡菇其實就係大啡菇上面加上薯蓉，不過原來薯蓉有夾埋芝士，焗出嚟更香口，大啡菇唔乾身有汁，焗香味，菇味好出，唯一係黑松露少了點，不過不失佳作，滿分💯。-🌹秘製千島醬田園牛油果薄餅薄餅皮又薄又脆又香但又唔燶，千島醬超級正，香甜黏，薄餅上佈滿蔬菜，大大塊食都唔覺膩，其實比較出面薄餅專門啲薄餅更好更出色，滿分💯。-🌹蘆筍素香鬆苜蓿芽手卷苜蓿芽新鮮好有青菜味，蘆筍小小一塊，用紫菜卷起一齊食感覺清新，可以當前菜，讚。-🌹酥脆腐皮卷這個腐皮卷不得了，整塊腐皮，包在外層嘅係脆，但內層係正常腍度，食落一邊脆一邊腍，加上醬汁，一路食一路讃，真係必選。-🌹桂圓紅棗雪耳茶這個又喜出望外，好多雪耳好多紅棗好多桂圓，飲落紅棗味好濃，整體清甜，感覺可解膩，讃亦係必選。-🌹宇治抹茶之旅這個抹茶控必選啦，抹茶雪糕仲配了一堆抹茶蕨餅、菓凍等，色香味俱全，冇得輸，讚。…查看更多

是日諗住去荃新天地 快閃睇BT21 去前想揀間舒適好味既醫下肚 尖沙咀分店既 雅悠蔬食 就試過兩次 都覺得係超水準表現既素食 諗住呢間都係差唔多 穩穩陣陣試下啦 誰知食物一樣咁好 環境配套仲更為親子🤩·午市套餐前菜及湯品🔸南瓜蘋果甘筍濃湯配香法包🔸印度椰子花生雪耳湯配新薯青醬黑醋藜麥沙律👨‍👩‍👧：中湯西湯配晒佢大家多啲款式share 只可以講各有特色各有各好味 大家睇自己心意啦😂主食🔸野菌甘筍腰果忌廉汁燴扁意粉配雜錦天婦羅（可免奶）$98諗住穩陣之選 誰知有驚喜 個汁既味唔濫 新鮮有層次 扁意粉很掛汁 菇有菇味 天婦羅就正正常常🔸低卡椰香冬陰椰菜花飯配溏心蛋（微辣）（可免蛋辣）$98呢個諗住做試伏器 誰知覺得好味到非試不可 😍汁料椰香為主 所謂辣都係點到即止取其過癮感 椰菜花飯諗住會硬同dry 結果完全相反 像米仔粉 字母粉一般 粒粒分明但又索晒味🤩 升級飲品🔸藍蝶花雪梨汁（凍）+10*2正正常常 清新解渴但又唔令人難忘果種追加小食🔸土匪腐皮卷 $68賣相同味道都無得輸 外觀好聰明用雪條棍支撐成幾可亂真既雞膇 土匪外皮脆而不乾 內膽既腐皮一層層 有咬口但唔硬 好有咬雞肉既效果 🔸香芒牛油果苜蓿芽手卷（可免蛋奶）$38店員推介 又真係值得一試喎 牛油果仿三文魚 苜蓿芽 仿蟹籽爆爆爆既感覺 紫菜夠脆 成件事好味像真有誠意 秋季限定特色甜品🔸宇治抹茶之旅 跟餐$30（原價$68）以一間非日本甜食為主打既餐廳黎講 CP真係爆晒 賣相算係咁之餘 味道亦拍得住好多所謂「日式甜品店」雪糕最怕死甜 蓋過晒抹茶甘苦 呢個完全奶香抹茶香剛好 小丸子煙靭 最欣賞係葛餅 軟彈度十足 沾粉剛好 個人覺得抹茶味無咁甜好食啲·埋單出近門口 店員仲提供個小代幣俾湯圓妹扭蛋 蛋入面有唔同既小紙條決定禮物 今次就中左飾物類 湯圓妹揀左隻小戒指💍之後有其他家長小朋友要扭就無影到部機嘍 下次再同大家詳細分享😂·…查看更多

朋友間中會茹素，今次的飯局也選擇了一所素食餐廳:)。這間在荃灣的「天•悠蔬食」，筆者曾到訪其尖沙咀分店，印象不錯。今次就看看荃灣店質素如何。有別於傳統素食店，「天•悠蔬食」的裝潢以少女粉色為主，天花板還掛著熱氣球裝飾。質地很creamy的忌廉濃湯，牛肝菌令整碗湯的香氣加重了:)。記得上次在尖沙咀分店時，筆者也分別嚐過類似款式的中西餐湯，當時覺得西湯吸引一點。不過今次就相反。燉湯非常有驚喜，記得上次在尖沙咀喝過另一款燉湯，當時感覺有點淡味。所以今次沒有抱很大期望，豈料湯水鮮香味濃，今餐是中湯較吸引。2款中，比較喜歡百靈菇刺身，配上特製醬汁，鮮味中帶點微鹹香。另一款金柚鮮果沙律，則是較酸甜的味道。意粉類的食物，只要加了黑松露和芝士烘焗，吸引度立刻大增。整盤螺絲粉都非常有忌廉香，醬汁creamy且不算太膩。加了野菌還有紅蘿蔔粒，對於喜愛吃菇菌的筆者來說可謂非常滿足。另外還配了天婦羅甜薯，雖然意粉配天婦羅有點奇怪，但一口甜薯經香炸也是頗美味的。手作薄餅餅底薄身，塗了茄膏，烤焗後變得香脆，咀嚼間還感受到麵粉香。薄餅上舖了很多芝士，芝士所帶來的香味和拉絲效果，教人垂涎三尺。芝士下是啡菇、三色椒和一些菜蔬，口感豐富，其中三色椒更增添幾分惹味。冰茶解渴，再加點柚子和青檸的清香，但稍嫌甜度有點多。千層班戟的這個紫色真的非常美！入口感受到濃郁的椰香味，反而紫薯味就不太吃到。蛋糕面上還淋了藍莓果醬。如果千層皮可以做得更薄更多層就更佳。沒想到在這裏也可以吃到抹茶甜品，宇治抹茶之類就是有抹茶雪糕、厥餅和白玉。抹茶雪糕比較普通，味道其實似綠茶多於抹茶。反而厥餅有茶香回甘味，Q彈口感配上黑蜜很好吃。不過伴碟的士多啤梨就有點過酸。…查看更多

上星期六原本打算去荃灣嘅Green Common食晏，因為太多人等位，所以最終去咗悠蔬食。前菜＆湯品 南瓜粟米雪耳桃膠忌廉濃湯 配脆法包 青木瓜甘筍花生雪耳湯 配孜然薯仔藜麥沙律自選主食 蒲燒玉子淮山蓉素鰻魚 配日本珍珠米 （$98）第2次叫呢個飯黎食，素鰻魚一如以往咁好食，味道甜甜哋，但今次嗰飯嘅底部比較濕，好彩珍珠米仍然可以保持口感，唔唔會好爛。 大啡菇野菜炒烏冬 配雜錦天婦羅 （$98）起初我以為天婦羅同炒烏冬會好似餐牌上嘅圖一樣，係分開上，點知原來係直接鋪係面頭，賣相即時扣咗分。天婦羅份量好少，得2件，分別係南瓜同茄子。炒烏冬嘅味道好似乾燒伊麵。自選飲品 檸檬蜂蜜 （熱） 韓風蘆薈柚子蜜 （熱）加配甜品宇治抹茶之旅 （+ $30）上次黎食唔到（因為當時餐牌上寫住尖沙咀店限定），今次終於可以係荃灣店食到。碗入面有抹茶蕨餅、黃豆粉蕨餅、抹茶寒天、白玉丸子同士多啤梨粒，旁邊有黑糖漿調味，加咗黑糖漿後好味好多，有黑糖味之餘，又唔會蓋住原本嘅抹茶味。…查看更多