花見日本料理

都有一排無食日本野，今次就簡左間我幾想試既日本餐廳。上到去見到櫻花既壁畫，引領我入🌸「花見」。餐廳環境寬敞，燈光柔和，以日式風格為主。私隱度高，有種置身係日本既感覺。雖然只係食Lunch，但Menu琳瑯滿目，各式各樣種類繁多，有壽司盛盒、刺身、燒物、鍋物、飯麵等。 🍶定食前菜🥄麵鼓湯味道適中，絕唔同出面沖粉味精湯。🥗日式沙律分量剛好，蔬菜新鮮，酸甜醒胃。🥚茶碗蒸蒸得夠滑，同係日本食過既一樣好味。🌸季節御膳 $280 🍣(刺身三件、壽司三件)拖羅：超肥美！入口油脂極豐富，係口中溶化既感覺，真係好想再食多幾件😋。 池魚：較濃味，肉質爽口。橫筋笛鯛：魚味較淡，肉質較結實。甜蝦：味道鮮甜，好滑超好食👍🏻！炙帆立貝：肉肥厚，有咬口。海膽：鮮甜幼滑、入口即溶、好高質既海膽。🍚(季節和食)和食係燒牛肉飯，不過不失，勝在牛肉香濃，連埋洋蔥、白飯一齊食就最夾。🍤(天婦羅盛盒)有茄子、番薯、蝦等。個皮夠薄夠脆，沾上天婦羅汁再食無油膩感。🍣十二件自選壽司套餐 $280賣相非常吸睛，令人急不及待去品嚐啊😍。赤身：口感軟滑，魚味濃。油甘魚：魚油豐富。帆立貝：大塊新鮮，有咬口。炙帆立貝：大大塊，口感爽甜。炙海饅：味道清甜，無濃味既燒汁。海膽：一樣鮮甜幼滑，絕唔可以錯過既高質既海膽。蟹膏·蟹肉：軍艦上有一絲絲滿滿既蟹肉，蟹味鮮味突出。⭐️每日精選係用上日本當地高級餐廳，當晚餘下的靚刺身再空運到港，唔係代表佢唔新鮮，經過精心挑選，反而老師傅會認為隔一晚既刺身先係最好食。所以豪不猶豫甘簡哂精選果5件。深海池魚：質感爽口，鮮甜。金目鯛：質感嫩滑、鮮甜即溶。稚間：肉質緊緻爽口。鐵鯛：細膩，油脂分佈均勻。橫筋笛鯛：魚味較淡，肉質較結實。食壽司最重要係新鮮， 而呢度每一件刺身都色澤鮮亮。同樣欣賞師傅手功、刀功。 每一件刺身、壽司既大細都好平均，刺身同飯緊緊相扣。🍢浦燒鰻魚最後叫左串燒饅，鰻魚厚身肥美，食落軟熟，浦燒汁唔會蓋過鰻魚味。店員服務態度殷勤，細心講解每種食材特色之處。餐廳選材亦新鮮有質素，食物出品精緻，感受到廚師用心同真誠。兩個人share一齊食，所以可以試到更多野，真係大滿足。…查看更多

今日去開銅鑼灣開會，開完會自己一個人想食返餐好既，諗起朋友上次介紹呢間花見日本料理，就一於上去試一試。餐廳位於Timesquare 後面，上樓既餐廳。地點算好方便。上到去環境好舒服，地方好寛濶~有好多酒樽既擺設，晚上應該有很多人飲返杯吧~ 午餐Menu ，有好多款式揀，貪心的我最後揀左 季節御膳 $280 ，包括刺身三件，季節和食，壽司三件，天婦羅盛盒~先嚟前菜，有沙律，日式蒸蛋， 麵豉湯。湯係無味精既，飲落唔會覺得鹹，日式蒸蛋好滑！ 刺身同壽司，刺身包括有拖羅，赤貝，彷彿，壽司有海膽，油甘魚，魚。Presentation 好靚，擺到好似一件藝術品咁，唔捨得食。 刺身非常新鮮，尤其拖羅，入口即溶，質數極高! 橫筋笛鯛包蘿蔔苖，好特別既菜色，味道好夾。海膽壽司，紫菜非常脆，海膽夠鮮甜。月彷月彿魚配 辣蘿蔔蓉食落味道非常夾，辣辣地帶出魚既鮮味。季節和食 - 日式炒牛肉， 甜甜地，用黎送飯最岩天婦羅盛盒 - 上枱時熱辣辣，但又一啲都唔油，天婦羅蝦炸得好香脆，內裡仲好juicy。 天婦羅帶子係比較特別既天婦羅，雖然炸左，但食得出食材好新鮮~突然好想食鰻魚，心思思又叫多個燒活海鰻，果然無令我失望，鰻魚燒得皮脆肉嫩，聽師傅講係一層層咁燒既，果然係好功夫~ 最後黎埋手造綠茶 同 咖啡慕絲 ，作為最完美既總結。試過呢度既食物，能夠感受到師傅對食材既用心，讚！ 呢個set 好抵食，有齊晒咁多款， 一次過滿足曬所有慾望， 刺身，壽司，熱食，天婦羅，下次要帶媽媽黎試下先得~…查看更多

花見日本料理是筆者久不久會重訪的餐廳，和食種類豐富，每日還有不同的時令刺身供應。獨愛時令食品的朋友，不要錯過每日供應的「十二件自選壽司套餐」($280)，可自選壽司包括每日限定佳品。除此之外，亦可像筆者一樣挑選一客「季節御膳」($280)，當中包括六切時令刺身及三件壽司。 首先送上的是前菜及沙律，青瓜蘿蔔食味爽辣，田園沙律胡麻醬香口，兩者皆適合作為開胃菜。 緊接是兩道熱食麵豉湯及茶碗蒸，製作平實平穩，暖暖胃，為接下來的刺身壽司做好基礎。 三款刺身分別有仁座鯛、油甘魚及吞拿魚腩。仁座鯛口感爽實，魚味比一般白身魚濃。油甘魚質感比仁座鯛柔軟很多，但少了預期中的油潤甘香。吞拿魚腩的賣點是入口溶化的肥美滋味，淺嚐一口也幸福感滿載。 時令壽司三貫，深海池魚滑爽美味，海膽軍艦甜度濃郁得過份。目仁奈壽司經過「湯霜」處理，魚味重，肉質緊緻。 各壽司用上的白米產自日本，依據店員所述，是由北海道米及長野縣米拼湊而成，米飯潔白肥短，帶有合適的黏稠感與彈性。 是日的季節和食是燒鯖魚，魚肉近皮位置微焦香脆，特別可口。吃這道菜一定要熱食，否則魚腥味會慢慢浮現。 天婦羅盛合內含南瓜、苦瓜、蓮藕、茄子及海老五款炸品。各天婦羅炸煮得脆而不膩，蓮藕片更有雙重脆爽享受。海老一向是天婦羅的主角食材，蝦肉新鮮結實，但只得一隻實在不夠分甘同味！網燒安格斯牛扒 ($178) 是另一主菜，用料吃得出是佳品，肉味濃，只是配上的汁醬太甜，反過來蓋過牛扒的味道。 同枱好友喜歡吃牛脷，所以追加了一份汁煮牛脷 ($180) 共享。有別於一般牛脷，餐廳採用了牛脷近頭的部份，先看賣相已和認知不一樣，口感也沒有預期中爽彈，而是更像一般炆煮後的牛肉。相比網燒安格斯牛扒，牛脷菜式所用上的醬汁濃而不搶，更為可口！ 紅豆慕絲及紫薯金栗是是日甜品，前者紅豆味突出，但滑感不足。後者紫色誘人，上脆中彈下堅實，口感富層次。在紫薯及金栗的相互合作下，味道亦很甜美。 來到花見，最後一定要點一杯熱咖啡作結。平和柔滑而不泛咖啡香是給予這杯咖啡的評價，十分滿意！(建議引用暖奶，效果更佳！) 花見的食品及用餐環境基本上有一定保證。之前在繁忙時段的人手安排有點不足，今次初步看來服務上有所改善，跟得更足，值得一讚。 …查看更多

約左個好耐無見既朋友黎食日式料理一開始有各款前菜：沙律，蓮藕漬物，蒸蛋，麵鼓湯蒸蛋又滑又多材料，有菇菌同蟹柳點左季節御膳。三款刺身:蟹肉蟹膏，油甘魚腩，赤身。蟹肉好鮮好濃蟹膏好鮮。三款壽司:海膽，甜蝦，鮪魚腩。海膽好creamy好鮮甜美中不足係甜蝦有少少甘甘苦苦之後係八件壽司定食，壽司既刺身由廚師決定，因應時節而定，真係未上菜都唔知有咩款色既壽司，好有驚喜當中有佐佐木，深海池魚，㳉太⋯估唔到食壽司都有咁多不同款式，聽完店員介紹先知道係咩😝定食配一碗稻庭烏冬係我最中意既味道，好軟滑雜錦天婦羅定食：雜菌牛肉，天婦羅蝦，香茹，茄子⋯天婦粉薄又香脆，店員同我地介紹白飯係佢地特意係日本訂購，係香港用米機調整，同製作壽司既米不同鵝肝多士上面有金萡，好吸睛😻鵝肝無穌味，唔油膩，美中不足係太多黑醋汁最後黎個大合照，仲有兩款特色小食：左下角既鱈魚腩明蝦大根煮鱈魚煎就食得多，水煮真係未試過。仲個有米茄子田樂燒，同平時既燒茄子好唔同，依個用左赤麵豉燒味道太甜但茄子好嫩滑，如果味道淡少少一定上品之作最後有甜品：芒果啫哩餐茶：即磨咖啡，綠茶完滿結束🤗…查看更多